JEMS 3:13 - NITI GONTU N.T. (BSI)

¹³ Hu chila ho chiniiñ nunuka punko hokii? Mohka denki sanjulo mohka miigo miiniiñmi kakiñ kiineto chila ka chimeeñyanu lo.

JEMS 3:13 Referans Kwoze

GELESIA 5:23

ahhakeyiñ, hendimiidi; siika atañmi chekhola hang dapo nyima.

JEMS 3:17

Hojalo ayoh hokii ka chila hii kapyo japa darii, hiikahiibaho chimie, yanu, luniiñ taliinii, poteje aroh ho aya ahee atañ, heriñkariñ giima malo lyolyichochi nyima.

METHU 5:5

Lyanko kendo yanu atañ, niimpalukoda mohlu kiiddiapiñ mi penko kendo.

KOLOSIA 3:12

Hopa giinyato, Pinii ka kahenii kone hiilyañ, darii ho heniiñja, aroh siiniiñ mi, helakala, chimeeñ, yanu, ho ahhakeyiñ,

1 PITAR 2:12

Aya miiju miya Midomiyu atañka punkoho miito, mohlu nunumi miigya niipa khiilii dojalo, mohlumi nunuka aya miigo miiniiñmi kala lala ho Pinii mi assañdopa mohka ahlyiku allo ho.

TAITAS 3:2

kone mitrḛ diimmah aguñ lubi yayo, gasupasu mi apatolya, yanu tolya, ho kakiñ tolya digoabiaya yanuyamya mi hikha miyu atañmi.

2 TIMOTI 2:25

mohmika cheriibomi ahhakeyiñ lo lulyañ biidola. Rongkoda Pinii mohlumi henkur dopa ho jije mi chindopa binedo,

PILIPIA 1:27

Nunuka sango ka henjumiiju miya Kristo ka ayapuyu ka khiiniiñ kiipa atiito, niimpalukoda ngo ahla ho nunumi kapajalo malo kapa majalo, ngo tapa dupa nunu alḛrpa dasudake yajiyallo konepa, ahha puhepa giila henje ka ayapuyu miihiñ nyasuda hiila,

1 TIMOTI 6:11

Hojalo niipa koda, Pinii mika heriinii miyu, hikha siika atañ siimi apatolya; denki miigomi miichi hentolya, piniisanju, henje, hensunii, ranttiniiñ, ahhakeyiñ mi.

JEMS 2:18

Hojalo mi kone ludo koda, “Niiko henje do ho ngiiko miiniiñ hii.” Niika henje mi kakiñpe miigo miimapa, ho ngo miigo miibii dola ngiika henje mi kakiñso.

1 PITAR 2:9

Hojalo nunu kahenii haluke, radde ka nyibu atañ, darii ganda, Pinii ka atoh miyu, niimpalukoda nunumi luko kiine dupa mohka hempḛr aya miigo miiniiñmi huna nunumi gyoliñ tiinii kamo hokii mohka hempḛr kapyo hutoh ho.

JEMS 1:21

Hopa hikha kachohenju mi apatoku ho diimmah miijumi ho yanuyamya pa lariito puyu ali niimi, niihna nunuka yallo mi lyangur lakiñ donii.

1 TIMOTI 4:12

Kone lotrḛ niika yapa saniiñmi khiipa koyo, hojalo henje atañmi kagiñnaniipa kakiñ tolya luniiñho ho miijulujuho, hensu niiho, henjeho, dariiho.

2 KORINTIA 10:1

Ngo, Pol, ngo loda nunumi yardu, Kristo ka yanu ho ahhakeyiñ mi giitola-ngo huna yanu dunii nunuka agiñ hoka dalyiho, hojalo haro dunii nunupa niida ngo nunu agiñho datema!

METHU 11:29

Ngiika halemi nunu bagiito, ho ngiiko hokii chingiihe; niimpalukoda Ngo chimeeñ ho yanu ahha giiduke, ho nunu nunuka yalloka hemmo komi kappa kendoke.

JEMS 3:1

Nunu abuje sariipa lyilya yo, ngiika anubarmii atañ, niimpalukoda nunu chindo huna tonsḛr donii hiimi uroyapa ayakacho kakiñ doke.

IPISIA 4:2

hikha chimeeñ ho yanu, ahhakeyiñ ka agiñho, koneanyañ mi hello siibii dola hensu ho,

GELESIA 6:4

Hojalo kone abi atoh ka miigo miiniiñmi kaka siito, ho mo atohka hentii siido paka lyiniiñmi mohkosuke kapa siikiñ donii mohka ariapii komake.

GELESIA 6:1

Anubarmii atañ, miyu mi matiirḛ palle dopa latu lyimilo, nunu hutiina yajiyallo ho danii mohmi yajiyallo ka ahhakeyiñ lo lulyañ to. Atoh mitrḛ nunu kaka siito, hiilamakoda nunu tiirḛ tenka kodii ke.

2 KORINTIA 8:24

Hopa kakiñto, gyoliñkonii atañ ho hataho, nunuka hensu niimi ho ngunuka hentii niimi nunuka piigomi siika miyu atañmi.

METHU 21:5

“Zayon ka nyimii wiinga atañmi lukoto, kato, nunuka radde nunuko ahla doke, yanu, ho gadoh ayoho dula, ho gadoh atu ho, gadoh ka oho.”

1 PITAR 3:4

hojalo ahha ura hoka aya miyu lyula samanii giiju miya giito helakala ka guju ho chimeeñ yajiyallo, niihna Pinii ka kata ho ano khiiniiñ pa lyidonii.

1 KORINTIA 6:5

Ngo siimi nunuka hiinyañ kiipa ke lubii lyinii. Hiila nyima nunuka punkoho hiimkane tiirḛ chila miyu huna anubarmii ka punko daka lugo mi lupya bidopa,

METHU 7:24

Hutiina ngiika luniiñmi tapa lala ho hii chulipa miidonii hiike hendinii miyu huna atoh ude mi yalañ hoka pembii donii hiilyañ;

HIBRU 13:5

Nunuka sango mi tiicko hembyo saniiñ hokii dasa giitolya, ho niihna niiko donii hiimi hembyañ biitolya; niimpalukoda mo lutii, “Ngo nunumi pema kapa tamake malo apatama ke.”

1 PITAR 1:15

hojalo mo huna nunumi gyodonii dariike, darii to nunu atohpa hikha nunuka miiko lukoho;