JEMS 1:21 - NITI GONTU N.T. (BSI)

²¹ Hopa hikha kachohenju mi apatoku ho diimmah miijumi ho yanuyamya pa lariito puyu ali niimi, niihna nunuka yallo mi lyangur lakiñ donii.

JEMS 1:21 Referans Kwoze

IPISIA 4:22

Khu henju mi opa toku niihna bilo kapyo sango ka sanju tiinii ho surudonyo dopa miitiinii golluniika kalyikabyo lo,

IPISIA 1:13

Mohko nunu tiirḛ, hutiina jije ka aguñmi tapa tiinii, nunuka sangopyako ka ayapuyu mi, ho mohmi henjetii, ho tiiho tola dotiiku hemme biniiñ Darii Yajiyallo lo,

1 PITAR 2:11

Heniiñja, Ngo nunumi yarlyike nyibo ho monkoniipa khiisubiidola asiialyo ka helyihembyo hokii dasa giitolya hiika hii nunuka yallo miya ke gyambo pagii donii.

JON KA AYAPUYU 6:63

Si yajiyallo ke sango bidonii, asiialyoho piigo amake; ngiika nunu mika aguñ luniiñ hiike yajiyallo la sango nyi.

1 PITAR 2:1

Hopa hikha kanamapa miiniiñ la surupiibi mi ho lotiimaniimi ho kariñ mi ho hikha nipasiiniiñ mi apa toku.

HIBRU 12:1

Hopa, ngunumi hiimkane kahe jomii dagur kobiidola hakipa, kiije ngunu tiirḛ apalyasa kapane drihmi, ho ingyamiigya niihna hempḛr ageh giitola giidonii, ho kiije ngunu harkañ ari hasa pigii biidola nii mina ngunupa miitola atii bitiinii,

JEMS 4:8

Pinii ko ahdeto ho mo nunuko ahde kendoke. Nunuka alah mi harsuto, nunu ingyamiigyanii atañ, ho nunuka ahha mi darii miito, nunu lyonye paka miyu heniiñ atañ.

TAITAS 2:11

Niimpalukoda Pinii ka aroh-aya hii ahtii hikha miyu atañka sangopyako pa,

ROM MIKA POL KA SIITI KENIIÑ 1:16

Niimpalukoda ngo hiinyañma ayapuyu pa: siikasi Pinii ka harchichike hikha koneabi paka sangopyako hutiina henje nyadonii, kapyopa Jew pa ho Grik patrḛ.

HIBRU 4:2

Niimpalukoda ngunuko ayapuyu ahtii mohluko hoka ahchañ ho; hojalo mohluka puyu tapanii mohlupa piigo ahgii matii, niimpalukoda siimi henjelo tanii atañ tamatii.

HIBRU 2:3

niihtañpa ngunu hargii talyi ngunu matiirḛ sitañ kaye sangopyako mi mapa dokoda? Siimi kapyopa Attoh lukone, ho siimi ngunumi jije lutiiku hiika hutiina mohmi tapa nyanenii,

1 KORINTIA 15:2

niilona nunu lyangur kotiinii, nunu matiirḛ siimi biikañ dokoda, hiila makoda nunuka henjenii piigo ama.

ROM MIKA POL KA SIITI KENIIÑ 6:17

Hojalo Pinii mi payapacho lusa, niimpalukoda nunu huna ronge ingyamiigya ka miirapa danenii, ahha jijelo luniiñtanii bopa lyidoku tonsḛr nii chulipa nii mina nunu tapa tiiku nii,

JON KA AYAPUYU 6:68

Saimon Pitar mohmi lusitii, “Attoh, huko ngunu inchi? Niiko santḛrlamanii sango ka aguñ hii do;

1 TESOLONIA 2:13

Ho ngunu hiira kiirañ Pinii mi sipa payapacho ludu, niimpalukoda nunuka Pinii ka aguñ mika larii lyiho nii mina nunu ngunu kokii tapa tiinii, nunu siimi talii biine miyu ka aguñ hiila mapa hojalo niihtañpa jije hii do, Pinii ka aguñ, niihna nunu henjenii atañ ko miigo miila donii.

2 KORINTIA 7:1

Ngunu ko siika hemme nii atañ hii do, ngiika ajiñ atañ, kiije ngunu atohpa harsu kusa ngunuka apo ho yajiyallo mika hikha miibḛrnii hokii, ho darii ho digoabiaya dopa miisa Pinii mi biiso biidola.

MIINIIÑ 13:26

Anubarmii atañ, Abraham ka uru atañka oho atañ, ho nunu agiñ hoka dabonii Pinii mika biisonii atañ, ngunupa kiiniñ bitii siika sangopyako ka puyu mi.

1 PITAR 1:9

Nunuka henje ka henjo nunu nunuka yallo ka sangopyako mi kapa biido ku.

ROM MIKA POL KA SIITI KENIIÑ 11:17

Hojalo halloh tonge matiirḛ tatu neku koda, ho nunu, morey kutuahee, hiiko matiirḛ mohluka dosako hiimi gagyo biido koda santa chake nendupa kutuahee sannii hokii,

MIINIIÑ 10:33

Hopa ngo nyibya loda niimi gyobii hiila kiiniñto, ho no hela la so ahdo. Siisi hopa ngunu miilañru Pinii ka kata ho du, tadupa hikha Attohka niimika luniiñmi.”

METHU 5:5

Lyanko kendo yanu atañ, niimpalukoda mohlu kiiddiapiñ mi penko kendo.

1 TESOLONIA 1:5

niimpalukoda ngunuka ayapuyu nunuko aguñpa kontii ahma, hojalo harchichike ho Darii Yajiyallo ho poteje luniiñtalii niika agiñho. Nunu chindo ngunu niihtañ miyu hiila kakiñ siitii nunuka punkoho nunu kiipa.

IPISIA 5:4

Hiiko kachotanii mi dokeneyo, malo hulumale lusubensu niimi, malo khiisumaniiñ mi, niihna adiñ momanii; hojalo hiiko payapacho luniiñ miya doke nento.

IPISIA 4:25

Hopa, gollumisu mi opatoku, kone abi jije mi luto atohka ariapii mi, niimpalukoda ngunu uru koneka ahiñke.

JEMS 5:20

mohmi chinke nento hujalo ingyamiigyanii konemi mohka miigyanii lembo hokii ahkur giichi mohka yallo mi shiisa nii hokii lyangurtii ho abuje ingyamiigyanii atañmi lapu biido.

1 PITAR 1:22

Nunuka yallomi darii miibii dola nunuka luniiñ talii niilo jijemi, jijeka anubarmii hensu niilo, kone anyañmi hempḛr uropa hensu tolya ahha lo.