HIBRU 5:8 - NITI GONTU N.T. (BSI)

⁸ Mo Oho siitii tiirḛ, mo chingiitii luniiñtaniiñmi mohka heru heniiñlo;

HIBRU 5:8 Referans Kwoze

PILIPIA 2:8

Ho miyu pa lyisutii, mo atohmi atu miisu lala denki loda luniiñ tatii shiihi menda hemi, pogyañ lohepaka leda laka shiisa niimi.

JON KA AYAPUYU 4:34

Jisu mohlumi lutii, Ngiika diigo hii mohka heniiñ mika miiniiñ ke huna ngiimi kiiniñ tiinii, ho mohka miigo mika miipe binii.

JON KA AYAPUYU 15:10

Nunu matiirḛ ngiika lujubiniiñ mi atii dokoda, nunu ngiika heniiñ ho giigela dokiñdo, niihtañpa ngo ngiika Aba ka lujubiniiñ mi atii biidu ho mohka heniiñ ho giigedu.

JON KA AYAPUYU 6:38

Niimpalukoda ngo dariiganda hokii todu, ngiika henko miipama, hojalo mohka henko huna ngiimi kiiniñ tiinii;

HIBRU 3:6

hojalo Kristo lotii tii Pinii ka ude ho oho pa lyila. Ho ngunu mohka ude ngunu matiirḛ ngunuka hatii la hentii nyimi biitola dukoda ngunuka hentiñho.

HIBRU 1:8

Hojalo Oho mi mo lune, “Niika raddeduko, O Pinii, ayu kolyuñ kolo dahepa dokiñdo, denki raddepanyi sangii naniiñsi niika raddeganda ka raddepanyi.

HIBRU 1:5

Niimpalukoda nii miidopopi mi Pinii lune, “No ngiika Oho, siilokii ngo niimi chibii lyikuke”? Malo hiira, “Ngo mohka aba pa lyikiñdo, ho mo ngiika oho pa”?

METHU 3:15

Hojalo Jisu mohmi lusitii, “Siimi hala lyilya kiineto siisi; niimpalukoda sichulipa ngunu miido kodake miidiko jaho miigomi miipe kendonii.” Ho mo talii biido.

HIBRU 1:2

hojalo siika kamikalo allo ho mo ngunumi mohka Oho lo luriitii, humina mo kahetiinii kapane drih atañmi pensi koniipa, hukiilona mo dohadolo mi puliñtiinii.

JON KA AYAPUYU 10:18

Kone hetḛr hiimi ngiiko hokii labii lakiñma, hojalo ngo ngiika henko ho hiimi hempa bikiñdo. Ngiiko hiimi hempa bina naniipa harchichike giido, ho ngiiko hiimi ka lakur nanii patḛr harchichike giido; siika miisaniimi ngo ngiika Aba kokii labii.”