HIBRU 2:3 - NITI GONTU N.T. (BSI)

³ niihtañpa ngunu hargii talyi ngunu matiirḛ sitañ kaye sangopyako mi mapa dokoda? Siimi kapyopa Attoh lukone, ho siimi ngunumi jije lutiiku hiika hutiina mohmi tapa nyanenii,

HIBRU 2:3 Referans Kwoze

HIBRU 12:25

Hendi tolya nunu ma hiila luma byoha hiimi huna ludonii. Niimpalukoda mohlu matiirḛ hargii lamatiikoda mohluka takho lyiho kiiddiapiñ hoka luluñ niimi, ngunumi apa lyido hendoha ngunu matiirḛ takho dokoda huna ngunumi dariiganda hokii luluñ donii.

ROM MIKA POL KA SIITI KENIIÑ 2:3

No hendoha, miyu, no mihmi halii lala huna sitañ drih atañmi miidonii ho no atohlya miila lala, no Pinii ka ayakacho kaniiñ hokii hargii todo hendoha?

HIBRU 5:9

ho digoabiaya dopa miiko lala mo santḛrlamanii sangopyako pa lyibitii miilañ rupa hutiina mohka luniiñ tadonii,

MIINIIÑ 4:12

Ho kone kotrḛ sangopyako hii nyima, niimpalukoda hikha dariiganda ho koneya armyañ bima miyu atañka punkoho nii lona ngunu lyangur kokiñ donii.”

HIBRU 4:11

Kiije ngunu hopa uropa miisa mohka dumoko ahdupa, kone hetrḛ mohlu hiilyañ luniiñtamapa nyila huhimaduha.

HIBRU 1:2

hojalo siika kamikalo allo ho mo ngunumi mohka Oho lo luriitii, humina mo kahetiinii kapane drih atañmi pensi koniipa, hukiilona mo dohadolo mi puliñtiinii.

LUK KA AYAPUYU 1:2

niihtañpa mohlu ngunumi lukone hii chuli hutiina lotu jaho hokii ameela kaparibii tiinii ho puyu mika lukonii atañ,

MIHUKAKIÑNIIÑ 7:10

ho gyunyada hempḛr goropa, “Sangopyako hii ngunu Pinii kii huna raddeduko ho dunii, ho Siibuñ kii!”

TAITAS 2:11

Niimpalukoda Pinii ka aroh-aya hii ahtii hikha miyu atañka sangopyako pa,

1 TIMOTI 1:15

Luniiñsi jije ho khiiniiñ poteje talii mondopa giido, Kristo Jisu dohadolo so ahtii ingyamiigyanii atañmi lyangur dupa hiila. Ho ngo ingyamiigyanii atañ hopa koda akhoja;

METHU 23:33

Nunu tabu, nunu lyolyichochi, niihtañpa nunu yamuganda hoka alii kosanii hokii hargiipa?

HIBRU 4:1

Hopa, mohka hemme biniiñ dumo koka ahsa niihii dolya tii, kiije biisosa hiila makoda nunu ayakacho kakola hiiko ahchi lama pa miidii ke.

MIINIIÑ 2:22

Isrel daka miyuatañ, siika aguñ simi tato: Nazaret daka Jisu, siika miyu nunu agiñ hoka dabo monii si Pinii kokii ke kahe miigo ho kahotamo ho kagiñnanii Pinii mohmi miigiñ lala nunuka punkoho miitii, nunu atoh chindo

MIINIIÑ 1:22

lotujaho hokii Jon ka baptisma bilyi hokii khiiri biila mohmika ngunu apur hokiika chagii menda hemi, ngunu punko hokii siika miyu mi ngunu agiñho dagii kendo mohka turiturku kuniiñ mi haki binii pa.

JON KA AYAPUYU 15:27

ho nunu tiirḛ haki lyibi kendo, niimpalukoda nunu lotu jaho hokii ngiika agiñho da.

LUK KA AYAPUYU 24:19

Ho mo mo anye mi lutii, “Nii drih atañmi?” Ho mo anye mohmi lutii, Nazaret ka Jisu ka piigo micho, nyibuhenii, tamo miiniiñ luniiñ Pinii la hikha miyu atañka hataho,

MAK KA AYAPUYU 1:14

Siisi Jon mi pattiih boku lala, Jisu Galili ho ahtii, Pinii ka aya puyu mi tonsḛrkhenyo tii,

1 TESOLONIA 5:3

Niida miyuatañ luchi, “Chimie ho hatii doke,” ho aluñpada pyaduloniiñ hii ahkiñdo mohlukoho niihtañpa wiinga akhii achih hii nyimii atañko chihadu wiinga agiñho, ho hiiko hargii ko nyikiñma.

LUK KA AYAPUYU 1:69

ho ngunupa sangopyako ka arii sari kendoke mohka miira David ka ude ho,

METHU 4:17

Hiika myodu hokii Jisu tonsḛrkhenyo ribiitii, lubiidola, “Henkur nyato, niimpalukoda dariiganda ka raddeganda hii tunii dokuke.”

ROM MIKA POL KA SIITI KENIIÑ 11:14

ngiika Jew ahiñ atañmi kariñkiine dupa, ho hiila miibiidola tonge mi lyangur kiine dupa.

1 KORINTIA 1:21

Niimpalukoda, Pinii ka chilaho, dohadolo hii Pinii mi chila lo chimake, si Pinii mi hempyo miipa do piicha paka ngunuka tonsḛrkhenyo niilo lyangur dupa hutiina henje nyadonii.

HIBRU 1:1

Abuje ho ponsa ponsa lembopa Pinii luriitii ayuho ngunuka aba atañmi nyibuhenii atañlo;

HIBRU 1:14

Mohlu hikha miihoniiñ yajiyallo masupeha miiho niipaka kiiniñ konii, hikha hiika atañpa hutiina sangopyako mi kapa kendonii?

HIBRU 9:28

hopa Kristo, rongepa bisutii abujeka ingyamiigya atañmi bagii dupa, ahti kendo ronye niipa, ingyamiigyaniimi miilyañ dupa hiilama hojalo lyangur dupa huna mohmi kalya rela dunii.

1 JON 1:1

Niihna lotujaho hokiinii, nii mina ngunu tapa tiinii, nii mina ngunuka amee lo kapa tiinii, nii mina ngunu kaka tiinii ho tenka tiinii ngunuka alah lo, sango ka aguñ ka piigomi,

JUD KA SIITI KENIIÑ 1:17

Hojalo nunu hennge giikiñdo loda, heniiñja, Attoh Jisu Kristo ka kiiniñkonii atañka hiila lyikiñdo hiilaka kamyo niimi;