HIBRU 11:16 - NITI GONTU N.T. (BSI)

¹⁶ Hojalo siikasi, mohlu ayaya ganda mi kapa nala hentii, hiika hii, dariiganda hokii. Hiikohopa Pinii hiinyañ matii mohluka Pinii hiila ka gyoko saniiñmi, niimpalukoda mo mohlupa citi miimyo bitii.

HIBRU 11:16 Referans Kwoze

HIBRU 13:14

Niimpalukoda siikaso ngunu kii dokañ saniiñ citi nyima ke, hojalo ngunu medu ahsanii citi mi.

HIBRU 11:10

Niimpalukoda mo metii citi mi nii mina liidi ratii kunii, hiimika penchanii ho punii bo Pinii.

PILIPIA 3:20

Hojalo ngunuka atoh ganda hii dariiganda hoke donii, ho hiiko hokii ngunu Lyangur bomi kalyadu, Attoh Jisu Kristo mi,

JON KA AYAPUYU 14:2

Ngiika aba ka ude ho abuje chidii doke; ho matiirḛ nyima lyimilo, ngo nunumi luko matoha ngo nunupa duko miimyo dupa ilyi ke hiila?

HIBRU 2:11

Niimpalukoda huna darii miidonii ho hutiina dariimiiko tiikunii hikha kone hokii ke lindonii. Hopa niihna mo hiinyañ manii mohlumi anubarmii hiila gyodupa,

METHU 25:34

Ho Radde mohka lahbi dalyi hoka danii atañmi lukiñdo, Ahto, ngiika Aba ka Lyaniiñ atañ, nunupaka dohadolo mika pulyi jaho hokii ka miimyo tola donii raddeganda mi labii heku;

HIBRU 12:22

Hojalo nunu Zayon Putoo ho chatii ho turnii Pinii ka citi ho, dariiganda ka Jerusalem, ho khiikha lama miidopopi atañka hempyo laka dakuñko,

HIBRU 11:14

Niimpalukoda miyuatañ huna ludonii siimi didḛrpa miitii mohlu atoh ganda mi metii hiila.

2 TIMOTI 4:18

Attoh ngiimi kapane diimmah hokii papya kendoke ho ngiimi lyangur do dariiganda ka raddeganda kiipa. Mohmi kontii assañ kencho ayu dahepa. Amen.

MAK KA AYAPUYU 8:38

Huna ngiimi ho ngiika aguñpa hiinyañ talyi nii siika gollu misu ho ingyamiigya santuñ so, mohlumi Miyu ka Oho tiirḛ hiinyañ nyansi kendo niidana mo huda khada mohka Aba ko ahchi nii darii miidopopi agiñho.”

MIINIIÑ 7:32

Ngo niika aba atañka Pinii ke, Abraham ka Pinii ho Isak ho Jakob ka. Ho Mose alyetii ho kadu pa haro matii.

LUK KA AYAPUYU 12:32

“Biisoyo, tonyo paka danii atañ, niimpalukoda siikasi nunuka Aba ka hempyo ke nunu mika raddeganda mi biniiñsi.

MAK KA AYAPUYU 12:26

Ho shiinii atañka turi lyikuho, nunu Mose ka kheta ho puri matopo, tareapya piigo mika luko niimi, niihtañpa Pinii mohmi lutii, ‘Ngo Abraham ka Pinii ke, ho Isak ka Pinii, ho Jakob ka Pinii’?

LUK KA AYAPUYU 20:37

Hojalo shiinii turiturku tiiku, Mose tiirḛ kappatii, tareapya ka piigo mika keniiñho, nohna mo Attoh Abraham ka Pinii ho Isak ka Pinii ho Jakob ka Pinii mi gyotiinii.

HIBRU 10:34

Niimpalukoda nunu arohtii patiihtunko nii atañmi, ho nunu hempyo biidola taliimontii nunuka gandanencha mika robii lyiho, niimpalukoda nunu chintii nunupa siimi ayaya gandanencha do ho ayudahe dokañ saniiñ.

HIBRU 11:40

niimpalukoda Pinii kakiñ kempyotii ayayapa ngunupa, niimpalukoda ngunumi apalala mohlumi digoabiaya dopa miila kema.

MIHUKAKIÑNIIÑ 21:2

Ho ngo kapato darii citi mi, niti Jerusalem mi, tola dopa dariiganda Pinii kokii, mihie mika mohka millo paka giiju ajubitii nii hiilyañ;