1 TIMOTI 6:11 - NITI GONTU N.T. (BSI)

¹¹ Hojalo niipa koda, Pinii mika heriinii miyu, hikha siika atañ siimi apatolya; denki miigomi miichi hentolya, piniisanju, henje, hensunii, ranttiniiñ, ahhakeyiñ mi.

1 TIMOTI 6:11 Referans Kwoze

2 TIMOTI 2:22

Hopa nyimuyapa ka helyihembyo mi apato ho denki mi meto, henje, hensunii, ho chimie, hiika atañka agiñho hutiina Attoh mi darii ahha lo gyodo nii.

2 TIMOTI 3:17

niimpalukoda Pinii ka miyu mi lyipe kiinedupa, kapane aya miigo miina naniiñpa.

1 TIMOTI 4:12

Kone lotrḛ niika yapa saniiñmi khiipa koyo, hojalo henje atañmi kagiñnaniipa kakiñ tolya luniiñho ho miijulujuho, hensu niiho, henjeho, dariiho.

HIBRU 12:14

Hikha miyuatañ agiñho chimie mi meto, ho darii hii nyimapa kone hetrḛ Attoh mi kapa lakiñma.

1 KORINTIA 10:14

Hopa, ngiika heniiñja, puchinii atañ mika heriiniimi apa tolya.

1 PITAR 3:11

mohmi diimmah hokii mokur kula ho miidikomi miike nento; mohmi chimie mi meke nento ho hiimi miijo monke nento.

1 KORINTIA 6:18

Helyihembyo mi apato. Kapane ingyamiigya miyuka miiniiñ hii apo ka ago hosu; hojalo helyihembyo henii miyu mohka atoh apo misu ingyamiigya siidanii.

1 TIMOTI 5:10

ho mo mohka aya miigo miiniiñ mika luta nangko laka dunii, kone huna wiinga aso sucha tiinii, helakala mi kakiñla, piniimiyu atañka alih harbinii, pamyotakho giinii atañ mika hempyo miipanii, ho atoh mi kapane aya miigo hoka henga laka miinii.

1 KORINTIA 14:1

Hensu niimi miichitalyi hiila nunu hento, ho uropa anna la hento yajiyallo ka ahmiñayiñ mi, luchila lusupakoda nunu nyibuhela dopa.

ROM MIKA POL KA SIITI KENIIÑ 14:19

Kiije ngunu hokoda niihna chimie giidonii hiimiya mesa ho niimpalukoda kone anyañ ka aya sako.

1 TIMOTI 6:20

O Timoti, kabiito nii mina niimi kabiitote hiila bitiinii. Apa-ayato piigo ama khaniiñ paniiñ bomi ho niihna chekhola ludonii amuhpa chiniike hiila,

1 TIMOTI 1:14

ho ngunuka Attoh ka aroh-aya ngiipa bipo biila biliñ henjeho ho hensu nyika agiñho hiikahii Kristo Jisu koka donii.

2 TIMOTI 2:21

Hujalopa atohmi darii miisu talyi ayamanii hokii, ho mo piichañturla aya miigo miina naniipa lyikiñdo, darii miikunii ho ude ka atoh loka miita naniiñpa, hendila niijalo aya miigo miina naniiñpa.

2 TIMOTI 3:10

Siisi no ngiika tonsḛr niimi kabiilyi, ngiika miijuluju mi, ngiika sango hoka miichi heniiñmi, ngiika henje mi, ngiika pigiiniimi, ngiika heniiñmi, ngiika ranttiniimi,