1 TIMOTI 3:15 - NITI GONTU N.T. (BSI)

¹⁵ ngo matiirḛ dahii lyimilo, nunumi chinke nendupa niihtañ pana kone Pinii ka ude ho miikiñpakiñ donii, niihna turnii Pinii ka gyoliñkonii nii, rali ho jije ka batiñ pa lyidonii.

1 TIMOTI 3:15 Referans Kwoze

1 PITAR 2:5

ho turnii yalañ chuli nunu atohtiirḛ pencha siito yajiyallo udemi, darii nyibupa, yajiyallo ka membi niimi bidupa nii mina Pinii lariidonii Jisu Kristo kiilo.

1 TESOLONIA 1:9

Niimpalukoda mohlu atoh atoh ngunuka piigo mi luko siido, niihtañ aya kariikatañtii ngunumi nunuka punkoho, ho niihtañ nunu Pinii kii dalyi ahku puchinii kokiila, turnii ho jije Pinii mi miiho dupa hiila,

GELESIA 2:9

ho mohlu chilakula la ngiimika aroh-aya biniiñmi, Jems ho Cepas ho Jon, hutiina khiiko nyatii nii siirañ rañtupa dugii nyado hiila, Barnabas ngiinyi mi lahbi alah ka dukuñ siiniiñ mi lyuriila mi, ngiinyi mi Midomiyu ko indopa ho mohlu mitupipa koniiñ atañ ko;

ROM MIKA POL KA SIITI KENIIÑ 3:2

Abuje kapakohe lembo ho. Miitu ribiila, Jew atañmi Pinii mohka luniiñmi bitii.

METHU 16:16

Saimon Pitar lusitii, “No Kristo, turnii Pinii ka Oho.”

ROM MIKA POL KA SIITI KENIIÑ 9:26

“Ho hiika lengo jaho nohna mohlumi lutiinii, ‘Nunu ngiika miyuma,’ mohlumi gyokiñdo ‘Turnii Piniika oho atañ.’”

MIINIIÑ 1:2

mohmika chagii lyiku allo lohepa, mo Darii Yajiyallo loka lujubiniiñ mi kiiniñkonii atañmi bikulala humina mo kahe tiinii.

JON KA AYAPUYU 14:6

Jisu mohmi lutii, “Ngoke lembo, ho jije, ho sango; kone hetḛr Aba ko ahla kema, hojalo ngiiko hopasii.

METHU 18:18

Jijeloda, ngo nunumi lukoso, niijalo nunu kiiddiapiñ so talii siichi hiimi dariiganda hotiirḛ talii kendo, ho niijalo nunu kiiddiapiñ so talii siitema hiimi dariiganda hotiirḛ talii kema.

MIHUKAKIÑNIIÑ 7:2

Ho ngo kapato miidopopi koneya chadopa danyi chako dalyi hokii, turnii Pinii ka jhipponiimi biitola, ho hempḛr goropa gyobiido hiika piilye miidopopi atañmi humina bitola dotiinii harchichike mi kiiddiapiñ la siimie nyimi ayamapa miidopa,

HIBRU 12:22

Hojalo nunu Zayon Putoo ho chatii ho turnii Pinii ka citi ho, dariiganda ka Jerusalem, ho khiikha lama miidopopi atañka hempyo laka dakuñko,

HIBRU 3:12

Hendi nyatolya, anubarmii atañ, hiilamakoda hiiko nunuka punkoho diimmah dokiñ doke, henjemanii ahha, ngogiila nunumi turnii Pinii kokii huhi dopa.

1 TIMOTI 6:16

hukoho kontiina shiilamasa nii donii ho hiitañ hutoh ho du kone hetrḛ ahchi lama sako, humina miyu kone hetrḛ kapama ho kapa lakiñma. Mohmi kontii khiikiñcho ho ayudahe paka pamiñnii dokiñcho. Amen.

1 TIMOTI 4:10

Niimpalukoda siika drihpa ngunu khentii ho uropa miidu, niimpalukoda ngunuko ngunuka hentiñnanii hii turnii Pinii ko atii tola do, huna hikha miyuatañ mika lyangur nii, luchila hiika atañpa hutiina henje nyadonii.

1 TIMOTI 3:16

Jije Kahe, ngunu khakodu, michilamanii ngunu henjeniimi: Mo asiialyoho kakiñ kotii, yajiyallo ho diigolugo giimatii, miidopopi atañlo kapa kotii, miyuatañ ka punkoho tonsḛrkhenyo kotii, henje kotii dohadoloso, tatukatu dopa chagii kotiiku.

1 TIMOTI 3:2

Siisi bisop pahañhanko sanii giikiñma, mihie koneka millo, hendi-niikiñdo, dadimiiri, hendimiidi, Hapumibya, lukolanii sariipa lyikiñdo,

KOLOSIA 1:5

niimpalukoda nunupaka hentiñ naniiñ doko hopa dariiganda ho. Siika siimi nunu kapyo ho tapa biine jije ka aguñpa, ayapuyumi

IPISIA 4:21

helliido nunu mohka piigo mi tapa tiikudo ho mohko tonsḛr kotiido, niihtañpa jije hii Jisu ko giido.

GELESIA 3:1

O piicha Gelesia daka miyuatañ! Huna nunumi ashu miilii tiinii? nunuka amee kadopa Jisu Kristo mi miilañrumi kakiñla leda biine.?

2 KORINTIA 6:16

Niitañpa talii lakiñdo Pinii ka piniiude hii miichi niika agiñho? Niimpalukoda ngunu turnii Pinii ka piniiude; Pinii hiila lutii, “Ngo mohluka agiñho dubo monchi ho mohluka agiñho imbo monchi, ho ngo mohluka Pinii, ho mohlu ngiika miyu.

MIINIIÑ 14:15

“Miyu atañ, niimpa nunu siimi miidu? Ngunu tiirḛ miyu kiike, nunuka henju ahiñ, ho nunupa ayapuyu balii bila, niimpalukoda nunumi siika piigo amanii drih atañ hokii turnii Pinii ko ahkur kiine dukupa huna dariiganda la kiiddiapiñ ho siimie ho hikha hoka danii atañmi putiinii.

JON KA AYAPUYU 6:69

ho ngunu henjedu, ho chindo, no Pinii ka Darii kone hiila.”

JON KA AYAPUYU 1:17

Niimpalukoda dapo hii Mose kokiila bitii; aroh-aya la jije hii Jisu Kristo kokiila ahtii.

HIBRU 9:14

niimkane abulyakiñdo Kristo ka ai hii, huna santḛrlamanii yajiyallo lo atohmi bisu tiinii hang Pinii mi pahañ hansa giima dopa, nunuka henjumi darii miibila shiiniiñ miigo miiniiñ hokii turnii Pinii mi miiho dupa.

2 TIMOTI 2:20

Ude pero ho piichañturla rupuayyiñ hokii kontii domake hojalo yasañ ho dekiñ hokii tiirḛ dodu, ho tonge hii aya miigo miina naniipa, tonge hii ayamaniipa.

1 TIMOTI 3:5

niimpalukoda miyu matiirḛ mohka atoh uru mi niihtañpa ayapa kagii kendo hiimi chima koda, niihtañpa mo Pinii ka gyoliñkonii mi kalyañ talyi?

2 KORINTIA 6:7

lotiipa lubiidola, ho Pinii ka harchichike; denki ka dankho panyi biitola lahbi alah ho lahchi alah pama;

2 KORINTIA 3:3

ho nunu kakiñ do nunu Kristo kokiika siiti hiila ngunuka biniiñ, pagenaniiñ laka keniiñ mapa turnii Pinii ka Yajiyallo laka keniiñ, yalañ mata homapa hojalo miyu ka ahha ho.

JON KA AYAPUYU 18:37

Pailet mohmi lutii, “Hokoda no radde ha?” Jisu lusitii, “No ludo ngo radde hiila. Sipa ngo bukotii, ho sipa ngo siika dohadolo so ahdu, jije mi haki bidu pa hiila. Kone abi huna jije hokii nii hiika hii ngiika aguñmi tadu.”

1 KORINTIA 3:16

Nunu chimapo nunu Pinii ka piniiude hiila ho Pinii ka Yajiyallo nunuko dudu hiila?

1 KORINTIA 10:32

Ahiare miipayo Jew atañmi malo Grik atañmi malo Pinii ka gyoliñkonii mi,

1 TIMOTI 3:14

Ngo hentiñdo nyibya loda nunuko ahto do, hojalo ngo siika lukosanii mi kebiilyi nunumi niimpalukoda,

2 TIMOTI 2:19

Hojalo Pinii ka alḛr paka liidi ranii hii dukañdu, siika tiiho niimi giitola: “Attoh chindo ke huna mohkiinii,” ho, “kone abi huna Attoh ka armyañ mi myandonii ingyamiigyanii hokii dasa toku.”

HIBRU 10:21

ho ngunu kii kahe nyibu du Pinii ka ude ho,

1 PITAR 4:17

Niimpalukoda myodu si ahlyi kuke ayakacho kari biidu kupa Pinii ka ude atañ hokii kari biila; ho hiikahii matiirḛ ngunu kokii kari biido koda, nii lyikiñdo mohluka kamikalo hii hutiina Piniika aya puyu mi luniiñ tama nenii?