1 TIMOTI 1:13 - NITI GONTU N.T. (BSI)

¹³ kapyo ho ngo mohmi nipakoya la ho miihimiire la ho nyapakoya la miisutiijalo; hojalo ngo aroh mi patiiku niimpalukoda ngo chimapa miito henje mapa,

1 TIMOTI 1:13 Referans Kwoze

MIINIIÑ 8:3

Hojalo Sol gyoliñkonii atañmi pyadu lopa miitii, ho ude pinge abi ahla, mo nyimii milobomi seliñ lala ho mohlumi patiihude ho tuntii.

1 PITAR 2:10

Ronge nunu Pinii ka miyu pa lyimane hojalo siisi nunu Pinii ka miyu kuke; ronge nunu aroh mi lariimane hojalo siisi nunu aroh mi larii tiiku.

MIINIIÑ 9:13

Hojalo Ananias lusitii, “Attoh, ngo abuje miyu kokii siika miyu ka piigo mi tapato, niimkane diimmah mo miitii niika henjenii miyu atañmi Jerusalem ho;

HIBRU 4:16

Kiije ngunu hopa hentiñ biidola aroh-aya ka raddeduko ho ahdesa, niimpalukoda ngunu aroh mi larii dupa ho aroh-aya mi kapa dupa hembyuñ kodupa anna myodu ho.

MIINIIÑ 3:17

Ho siisi, anubarmii atañ, ngo chindo nunu chima pa miitii, nunu mika sangii botrḛ.

LUK KA AYAPUYU 23:34

Ho Jisu lutii, “Aba, mohlumi helloto; niimpalukoda mohlu chimake mohlu nii miido hiila.” Ho mohlu pota tuka siitii mohka pulye atañmi tache siidu pa hiila.

1 TIMOTI 1:16

hojalo ngo aroh mi patiiku siika piigopa, niimpalukoda ngo, akhojalyinii, Jisu Kristo mohka digoabiaya pigiiniimi kakiñ ladopa katiñ naniipa hiika atañpa hutiina mohmi henje kendonii santḛrlamanii sango pa.

PILIPIA 3:6

miichiloda heniiñ pakoda gyoliñkonii mika miihimiirebo ako, dapo ka ura denki hiila khiiko talyi ludo koda hang pahañhalii sanii giima.

GELESIA 1:13

Nunu ngiika bilo ka Judaism hoka sanju mi tapa biine, niihtañpa ngo Pinii ka gyoliñkonii atañmi patogato ho hiimi pyadu lopa miito;

1 KORINTIA 15:9

Niimpalukoda ngo kiiniñkonii hopa atu jaku, kiiniñkonii hiila gyoko dupa tiirḛ lyima, niimpalukoda ngo Pinii ka gyoliñkonii mi miihimiireto.

1 KORINTIA 7:25

Siisi mihie millo biima ranii ka piigomi, Ngiiko Attoh ka lutolya hiila ka luniiñ nyimasii, hojalo ngo ngiika heniiñmi ludu humina Attoh ka aroh lo henje taje ladopa bitii nii.

MIINIIÑ 22:4

Ngo siika Lembo mi shiido pa miihimiireto, rabiila ho nyimii milobo hemapa pattiih ho alii la miito,

MIINIIÑ 9:5

Ho mo lutii, “Hu no, Attoh?” Ho mo lutii, Ngo Jisu, humina no miihimiire donii;

MIINIIÑ 9:1

Hojalo Sol, siisilohepa mela dotii ho Attoh ka henjeajiñ mi mendu pa hiila, bukuñ nyibu ko ahtii

LUK KA AYAPUYU 12:47

Ho hiika miirahii huna atoh ka heniiñmi chindonii, hojalo henju manii malo mohka henko ho miimanii, hii hempḛr uropa miinekokiñdo.