1 JON 2:1 - NITI GONTU N.T. (BSI)

¹ Ngiika himme atu atañ, ngo siimi nunumi kedu niisi nunumi ingyamiigya mayapa hiila; hojalo mih kone matiirḛ ingyamiigya dokoda, ngunu mika lubinii du Aba ka agiñho, Jisu Kristo denki bo;

1 JON 2:1 Referans Kwoze

1 TIMOTI 2:5

Niimpalukoda Pinii kone sii dusu dunii, ho gondu konesii dusu dunii Pinii la miyuatañ nyika punkoho, miyu Kristo Jisu,

ROM MIKA POL KA SIITI KENIIÑ 8:34

hu khiilii kendo? Hii Kristo Jisu peha, huna shiibi tiinii, ḛh, huna shiinii hokii turitiikunii, huna Pinii ka lahbi alah ho dunii, huna ngunupa kubila dunii?

JON KA AYAPUYU 14:6

Jisu mohmi lutii, “Ngoke lembo, ho jije, ho sango; kone hetḛr Aba ko ahla kema, hojalo ngiiko hopasii.

2 KORINTIA 5:21

Niimpalukoda ngunu kiipa mohmi ingyamiigya niipa miitii huna ingyamiigya luniiñ mika chima niimi, niimpalukoda ngunumi Pinii ko denki hiila miidupa hiila.

1 JON 4:4

Himme atu atañ, nunu Pinii kokii ke, ho hiika atañmi pamiñ tiiku; niimpalukoda mo huna nunuka ura ho dunii hii siika dohadolo daka doniimi kaye yake.

1 JON 3:18

Himme atu atañ, kiije ngunu hensu masa aguñlo kontii malo luniiñlo kontii hojalo miibii dola ho jije lo.

1 JON 3:7

Himme atu atañ, kone lotrḛ talubalo koyo. Mo huna miidikomi miidonii hii denki ke, niihtañpa mo denki.

JON KA AYAPUYU 8:11

Mo lutii, “Ma Kone hetḛr khiilii ma, Attoh.” Ho Jisu lutii, “Ngotiirḛ niimi khiilii make; ingeku, ho hiira ingyamiigya kulyayo.”

HIBRU 9:24

Niimpalukoda Kristo ahtii, alah loka dariinenchañ peniiñ homa, jije kapu kone ako, hojalo dariiganda loda ho, siisi Pinii ka dako ho ahtii ngunuka ahsa niipa.

1 JON 3:5

Nunu chindo mo ahtii ingyamiigya niimi lapa biidupa hiila, ho mohko hang ingyamiigya giima.

IPISIA 2:18

niimpalukoda mo kiilo ngunu anyeru ahlado Yajiyallo konepa Aba ko.

JON KA AYAPUYU 6:27

Lyusanii diigo pa kontii miigo miiyo, hojalo hiika diigo pa miito santḛrlamanii sango giigii saniimi, nii mina miyu ka Oho nunumi bikiñ donii; niimpalukoda mohmi Pinii Aba mohka miihonaniilo miihotola doku.”

1 PITAR 3:18

Niimpalukoda Kristo tiirḛ shiibitii ingyamiigyanii kiipa rongepada miilañ rupa, denki mi ingyamiigya kiipa, niimpalukoda mo ngunumi Pinii ko ahgii dupa, asiialyo mi shiike nela la hojalo yajiyallo ho turke nentii;

IPISIA 4:26

Hadiito hojalo ingyamiigya yo; nunuka hadiimi danyi ahpu kolya yo,

GELESIA 4:19

Ngiika himme atu atañ, huka agiñ hona ngo wiinga akhii achih chiniibo hiilyañ lyido nii dahepa nunuko Kristo ka henju hiilyañ giitema!

JON KA AYAPUYU 10:15

niihtañpa Aba ngiimi chindu ho ngo Aba mi chindu; ho ngo ngiika sango mi subuñ atañpa hempa bidu.

JON KA AYAPUYU 5:36

Hojalo ngiiko hoka pyakonii donii hii Jon kiimi hentola kahe yake; Aba ka ngiimika miigo miipe dopaka biniiñ hii, siika ngiika miigo miiniiñsi, ngiimi haki bido, ngo Aba loka kiiniñ koniiñ hiila.

LUK KA AYAPUYU 10:22

Hikha drih atañmi ngiika Aba ngiimi bitii; ho kone hetḛr chima hu Oho hiila Aba kontiisii, malo hu Aba hiila Oho kontiisii ho hutii mina Oho kahe tiinii mohmi kakiñ dupa.”

1 PITAR 2:22

Mo hang ingyamiigya miima sii; mohka nyachu ho hang lugyanii kapa masu.

1 KORINTIA 15:34

Nunuka henju aya ho henya toku, ho ingyamiigya nyakuyo. Niimpalukoda tonge Pinii mi chinya make. Ngo siimi nunuka hiinyañ kiipa ke ludu nii.

JON KA AYAPUYU 5:14

Dahidamo lala, Jisu mohmi piniiude ho kappa biido, ho mohmi lutii, “Kato, no aya dokuke! Ho hiira ingyamiigya kulya yo, hiila makoda ayamaya pa niiko lyiko diike.”

JEMS 1:27

Niihna darii piniihenju ho miibḛr manii Pinii kala ho Aba ka hataho hii sike: mijiatu atañ mika katenii ho hiimie atañmi mohluka herumyanka ho, ho atohmika dohadolo so miidukoma paka danii.

1 JON 5:21

Himme atu atañ, nunu atohmi puchinii hokii dasa giitolya.

JEMS 3:9

Siika silo ngunu assañdu Attoh la Aba nyimi, ho silo ngunu miyu atañmi bedu, humina putiinii Pinii chuli dopa.

ROM MIKA POL KA SIITI KENIIÑ 6:15

Nii hokoda? Ngunu ingyamiigya miikañ talyiha niimpalukoda ngunu dapo ka uraho nyima hojalo aroh-aya ka ura hosu hiila? Pema hiila ma!

JON KA AYAPUYU 13:33

Himme atu atañ, hojalo ichuche ngo nunu agiñho date hela. Nunu ngiimi mekiñdo; ho niihtañpa ngo Jew atañmi luto hii chulipa siisi ngo nunumi ludu, ‘Ngiika inko ho nunu ahla kemake.’

1 TIMOTI 3:14

Ngo hentiñdo nyibya loda nunuko ahto do, hojalo ngo siika lukosanii mi kebiilyi nunumi niimpalukoda,

JON KA AYAPUYU 21:5

Jisu mohlumi lutii, “Himmeatañ, nunuko hang ngiiyyi do ha?” Mohlu mohmi lusitii, “Ma.”

JON KA AYAPUYU 14:16

Ho ngo Aba mi kuchi, ho mo nunumi Hembyuñnii koneya bikiñdo, nunuka agiñho ayu dahepa dabo niipa,

MIINIIÑ 7:52

Nii nyibuhenii atañmi nunuka aba atañ miihimiire mane? Ho mohlu mempa biine huna lupyo la luko nenii Denki Kone ka ahsa niimi, humina nunu siisi talubalo tiinii ho mentiinii,

ROM MIKA POL KA SIITI KENIIÑ 5:10

Niimpalukoda matiirḛ ngunuka ahha basula darañ ho Pinii ko ngunumi yardiñ bitii ku mohka Oho ka shiiniiñlo, abuyapa, siisi ngunumi yardiñ tiiku, ngunu mohka sango lo lyangur kokiñdo.

1 JON 5:17

Hikha miigyanii hii ingyamiigya ke, hojalo ingyamiigya tonge do niihna shiigii kemanii.

3 JON 1:4

Siimi uro yapa ngiiko hang hempyo dola kema, hiila ka tapa niimi hentola ngiika oho atañ jije ka kiiliñ ho imbo la do hiila.