1 JON 1:2 - NITI GONTU N.T. (BSI)

² sango mika kapa dopa miilyiho, ho ngunu hiimi kappatii, ho hiimi pyakodu, ho nunumi gyukodu santḛrlamanii sangomi niihna Aba ko donii ho ngunumi kapa dopa miitiinii,

1 JON 1:2 Referans Kwoze

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

JON KA AYAPUYU 1:4

Mohko sango hii dotii, ho sangohii miyu atañka hutoh.

1 TIMOTI 3:16

Jije Kahe, ngunu khakodu, michilamanii ngunu henjeniimi: Mo asiialyoho kakiñ kotii, yajiyallo ho diigolugo giimatii, miidopopi atañlo kapa kotii, miyuatañ ka punkoho tonsḛrkhenyo kotii, henje kotii dohadoloso, tatukatu dopa chagii kotiiku.

JON KA AYAPUYU 17:3

Ho siikasi santḛrlamanii sango, mohlu hiila chindokoda no kontiisii jije Pinii, ho Jisu Kristo humina no kiiniñ tiinii.

1 JON 5:11

Ho siika sike pyakonii, Pinii ngunumi santḛrlamanii sango mi bitii, ho siika sango hii mohka Oho ko do.

1 JON 3:8

Mo huna ingyamiigya donii hii igii kokii; niimpalukoda igii si lotu jaho hokii ingyamiigyanii. Pinii ka Oho ahdo paka lyiniiñsi igii ka miigo miiniiñmi pyadu dupa hiila.

TAITAS 1:2

santḛrlamanii sango ka hentiñ naniiñho nii mina Pinii, huna pema gollu manii, ayu kolyuñkolo hoka hemme biniiñ

JON KA AYAPUYU 14:6

Jisu mohmi lutii, “Ngoke lembo, ho jije, ho sango; kone hetḛr Aba ko ahla kema, hojalo ngiiko hopasii.

1 JON 3:5

Nunu chindo mo ahtii ingyamiigya niimi lapa biidupa hiila, ho mohko hang ingyamiigya giima.

2 TIMOTI 1:10

ho siisi kakiñ tiiku ngunuka Lyangurbo Kristo Jisu ka ahniiñlo, huna shiiniiñ mi lapa tiinii ho sango la shiilamasaniimi ahgiitii ayapuyu kiilo.

GELESIA 4:4

Hojalo myodumyolo ka ahje lyikuho, Pinii mohka Oho mi kiiniñ bitii, nyimii lo bukotii, dapo ka ura ho bukotii,

JON KA AYAPUYU 15:27

ho nunu tiirḛ haki lyibi kendo, niimpalukoda nunu lotu jaho hokii ngiika agiñho da.

MIINIIÑ 3:15

ho sango mika Keniiñ bomi ya mentii, humina Pinii shiiniiñ hokii turidopa miitii. Siimi ke ngunu haki bidu nii.

1 PITAR 5:1

Hopa ngo harolupalyi nunu koka amiabañ atañmi, amiabañ ahiñpa lyilyila ho Kristo ka heruheniiñ ka hakipa hiikahaho ho tatukatu hoka dabo saniiñ nii mina kakiñ kendonii

ROM MIKA POL KA SIITI KENIIÑ 8:3

Niimpalukoda Pinii miitiiku dapo ka miila manii mi, asiialyo loka ajju giiniiñ mi: mohka atoh Oho mi ingyamiigya ka asiialyo kapupa ho ingyamiigya pa kiiniñ bilala, mo asiialyoho ingyamiigya mi khiiliitii,

MIINIIÑ 10:41

hikha miyuatañ mima hojalo ngunumi humina Pinii kahe tiinii hakipa, huna diibo tambo tiinii mo agiñho mohka shiiniiñ hokiika turiturku lyikuho.

MIINIIÑ 5:32

Ho ngunu siika drih atañka hakipa lyido, ho hiichuli Darii Yajiyallo tiirḛ humina Pinii bitiinii hu mohmi lunii mi tado.”

MIINIIÑ 2:32

Siika Jisu mi Pinii seri tiiku, ho hiika hiimi hikha ngunu haki bitii.

MIINIIÑ 1:22

lotujaho hokii Jon ka baptisma bilyi hokii khiiri biila mohmika ngunu apur hokiika chagii menda hemi, ngunu punko hokii siika miyu mi ngunu agiñho dagii kendo mohka turiturku kuniiñ mi haki binii pa.

JON KA AYAPUYU 21:14

Siikasi rohiñniipa Jisu kakiñ siitii henjeajiñ atañmi mohka shiite hela turiturku bii hokii.

JON KA AYAPUYU 17:5

ho siisi, Aba, ngiimi no niika agiñho tatukatu kiinepe hiika tatukatu ho nii mina ngo dohadolo mika puma rampa niika agiñho giitonii.

JON KA AYAPUYU 16:28

Ngo Aba kokii ahdu ho dohadolo so ahdu; hiira, ngo dohadolo mi apatela inchi ku ho Aba ko inchi.”

JON KA AYAPUYU 8:38

Ngo ludu niihna ngo ngiika Aba agiñho kapa tiinii, ho nunu miido niihna nunu nunuka aba kokii tapa tiinii.”

JON KA AYAPUYU 7:29

Ngo mohmi chindo, niimpalukoda ngo mohkokii ahdu, ho mo ngiimi kiiniñtii.”

JON KA AYAPUYU 3:13

Kone hetḛr dariiganda ho chama hojalo mo kontiisii huna dariiganda hokii totiinii, miyu ka Oho.

JON KA AYAPUYU 1:18

Kone hetḛr Pinii mi kapama; Oho kontiisii, huna Aba ka harbiilapyo ho dunii, mo mohmi chindopa miitii.

1 JON 1:1

Niihna lotujaho hokiinii, nii mina ngunu tapa tiinii, nii mina ngunuka amee lo kapa tiinii, nii mina ngunu kaka tiinii ho tenka tiinii ngunuka alah lo, sango ka aguñ ka piigomi,

JON KA AYAPUYU 10:28

ho ngo mohlumi santḛrlamanii sango bidu, ho mohlu iche hetḛr lyukiñma, ho kone hetḛr mohlumi ngiika alah hokii robii lakiñma.

JON KA AYAPUYU 19:35

Huna hiimi kapa tiinii haki bitii, mohka pyakonii hii jije, ho mo chindo ho mo jije mi lukoda niimpalukoda nunu mitrḛ henje kiine dupa.

1 JON 2:25

Ho siikasi niihna mo hemme bitii nii ngunupa, santḛrlamanii sango.

1 JON 4:2

Siika silo nunu Pinii ka Yajiyallo mi chila kendoke: yajiyallo koneabi huna pyako donii Jisu Kristo ka asiialyo paka ahniiñsi Pinii kokii,

1 JON 4:14

Ho ngunu kapa tiiku ho pyakodu Aba mohka atoh Oho mi kiiniñtii dohadolo mika lyangur niipa.

1 JON 5:13

Ngo siika siimi kedu nunumi hutiina henje nyadonii Pinii ka Oho ka armyañ mi, niimpalukoda nunu chindupa nunuko santḛrlamanii sango hii do hiila.