John 16:2 - Anmatyerr Bible

² Tjerrtj inang arrantherrenh werlamparenyeng alwernemel alharlkwetjenh. Ngwenth war, tjerrtj map lakenh pal-pal iterretjenh, ‘Ay! Jesu-henh nakenh-nakenh map anem anetj! Tjerrtj lakenh-lkweran irrernng atwetjeh! Lakenh Altjerr nwerneh nyerrkentj mernelhetjenheng.’

John 16:2 Referans Kwoze

John 12:42

Tjerrtj twernk arrpenh mapel Jesu renh nakek. Kenh inang itja ilelhek, inang renh nakemarl, artwang Pharisee mapel inenh church-eng alharlkwehetjeng.

Luke 6:22

Tjerrtj-henh Lereng arrngel tjerrtj arrpenh map apek arrehantherr ahentj-kwenh anetjenh, inang arrantherrenh anpwetjenh apek, arrampewetjenh apek, arrehantherr-henh angketj ulpert-ilemel lhwerrkert angketjenh apek. Kelelam tjerrtj anetjel arrantherrenh arrampewem, Ngkartel arrantherrenh angketj kwerenhel mwerr-iletjenh.

Acts 7:56

Stephen-el inenh ilek, “Thang alker renh altjwer arem, Tjerrtj-henh Ler rang Altjerrel-ayel irnemeng!”

John 9:34

Inang renh ilek, “Ntwang kwer kwekeng-ntjel anetj kwet mernelhek! Ntwang iterrem, ntwang kwel nwernenh kaltj-anthetjenharl! Itjeng alhang!” Inang renh church kwereng keth-warn alharlkwek, kweteth.

Acts 5:33

Council inenh awemel ineh ahang-irrek. Inang ahentj-anek, kaltj-anthenh-anthenh inenh irrernng atwetjeh.

John 4:21

Jesu-el renh ilek, “Marlay, yeng away. Kelant tjerrtj itja Angeyeh arraw-irretjenh irntang nhenhelant, itja Jerusalem-el apek, amperel-ayeng arrernelhetjeh.

John 4:23

Lyetan Kwerrern Alngaltarel tjerrtj kwerenh inenh kaltj-anthemel twer-ilem, inang arratj iterl-aremel Angey renh naketjeh. Tjerrtj lakenh-lkwereh kwenh Angeyan ahentj-anem.

John 16:25

“Thang kwenh arrantherrenh angketj kwenameny Angey-akert ilekarl. Kelant thang arrantherrenh Angey-akert keth anthwerr iletjenh.

John 16:32

Ngwenth war arrantherr ingkerrek tjengeng ater irrarnp-irremel arrtjanetjenh, nyentam-nyent mer arrehantherr-henh-warn alpetjenh. Arrantherr yengenh nyent-areny imperl-alhetjenh. Yeng itja ingareny anetjenh, Angey rang wart tjengel-ayeng anemengemeh.