Biblia Todo Logo
Bib sou entènèt

- Piblisite -




Rom thofroh gontwat Porr dwandfakhato htafmot 9:4 - Bro Nkifrarhu Mrokfot

4 Rom tu Isrer frikeftuhem. Nd Isrer frikeft Bro Nkifrar kfo memor, “Isrerm tom tu nkifra tannefenm.” Romn Ijift toh tanyhato tfit kmiko yimohat, turhu nukafat tohakmoatt rom be nd nukafat hti hti yimoum. Yo turoh nkiframpno Bro Nkifrar mrokfom nafak dbakafmomm. Yo Mosesrpno Isrerroh toh nmbuham kfo boririfhu nuhashato lotu yuham kfo hta bohta nuhasmorm. Yo tamoh tamoh kfo hta mrokfom rompno rhuyukm ndm bi kfo nuhas bonuhas bugamorm.

Gade chapit la Kopi




Rom thofroh gontwat Porr dwandfakhato htafmot 9:4
61 Referans Kwoze  

Niko Kraisrpno tafi nayakitoh duha, nhai bi Bro Nkifrar kfo htayuk kmi Isrermpno bi fknehato rompno nabnothato tohrmoko. Nhai. Niko be inji yau fohm kanjo tohtamoko. Bi frohmn hti dukahato yakrmomko. Bro Nkifrar Isrermpno nakfo tahihato kfo memohat, “Niko Isrerkomn nanhu tannefen mif mifeko.” Inji nakfo tahimohat niko nhai bi yakrmorko Bro Nkifrar. Ndnettn Isrerm yak marnyamo kanjo nhai yak marnya hnarmorko.


Kanga, bok Isrerm nhai nd nom hbhakyuk yima Kraisr yakitohkahmr. To mirahko ka Bro Nkifrar Isrerroh rituhakhato rorpno yarim tohnefthu kfo hta mrokfot ka fafhomort. Nhai. Yo to mirahko ka Isrer bugam ka Bro Nkifrar rituhak bugamormn rorpno yarim toh bugamom. Nhai.


Bi tu Bro Nkifrar kfo hta memor, ‘Na kfak hanyruha yimam tukanhu Yafothat hi hanyruhanm.’ Nhai be nikomrpakom. Nikmoh yonm hi hany bugarahrm. Wuri toh hanyukm he buga hanyrahrm.”


Bingot nmoh nkifram afo yatk yihotar hikhato Bro Nkifrar rhu rifinyhato kfo tato inji namoahat nhai be busafon furatn rhu rifinyhato kfo tato inji narmoam, nhai. Tu kfo hta yuhamn kak hikmoamn ser thaye hingrna nhombret rmontn rhu rifiny-hato kfo tatomoumr Bro Nkifrar. Rmont hingrnamohat inji hingrnamoumt.


Bro Nkifrar nhai duka marimor, “Kfo yanhorhotanm hikrahma.” Nhai. Turhu Yafothat hehato rorhu yonnom yorhwanomn naku kfo kangnomr, “O Dajaye, ni nmoh Yifeme.”


Rot boririfhut Bro Nkifrar hemornom Mosesrhu tirtn. To tfit Jisas Kraisrpno, htitnom Bro Nkifrarhu tu yuhuwafefti tu yafothet nef mift.


Yimam brbo Bro Nkifrar yimoahat rorhu boririfhu mrokfomn hikmoum. Boririfhut hikmoa yimam inji namoum. Yemrom yakhato tarioh mthamoumr. Fitoh yeshrim nhai wofnkahr yimaroh yaneft ndm nhai yarmoamm, bupam nhaf inji, yo tamoh nefm namoahat yuk fnah inji namoum. Nd nefm be boririfhu yuhatn hikmoum. Be nd briaha thatipthu hingrneft hingrnamoum. Nhai tu yiro yima rifhurio yak marnyarmoam. Bro Nkifrarhu dukeft duka memor, “Afo nd boririfhut ahik tebfi hanykahmn kto nd fasoh nefroh yak thuyuk yihotat yak nuhasruhanm.”


Tfit ndwom tu wuroh gurko yiho rhumoa gnanhehrn tor tu Bro Nkifrar rhumoa tu Nngrajoh Hnaru Gnamif mifr.


Jisasr Natanierr htiyak hanyhato kfo memorr, “Asor tu Isrer thofen mifr. Ror nhai wom kfo nhehefen nmbuham rhukahmr.”


Jisasr tfit wom kfo nhombra mrokfot yakhato kfo memorm, “Wawanyko. Wom yimar wain swirt htamor. Wain tofm nuhtanihato gnat gna habrimort. Gnanihato muhr toumorr wain yukharoh yahot kembiftyukr. Ndt inji hingrnanihato tfit nd wain swirthu rhu yukatohyuk kumba kunyr hingrnamorr. Be inji hingrna tanymortn wom yimam yakhato nd mswirthu tohukatohhato yukharoh nayak nhta yuham nayak dbkafhato ror be wom kmimn toh habrimor.


Nhai. Judam yufayetem. Bro Nkifrar barkof htayuk boririfhut rroh tirtn htamort. Rroh tirtn rhuhato romn kakitohahukwomr.


Rom kfo kangm, “Nom Hibruyenom,” yo kfo kangm, “Nom Abraham frikef yuhat niayukenom,” yo kfo kangm, “Nom Isrerenom.” To na froha? Na to Hibruya, na Abraham frikef yuhatuha, yo na Isrera. To finji kforuhaf?


To be nd yuhatn Bro Nkifra Abra-hamrof inji namof. Bro Nkifrar sinyahato Abrahamr kfo memorr, “Nini ninhu frikeft yak wus bowushato yak marnyaruhant.” To nd Bro Nkifrar kfo memo frikeft yak marnyaruhant, nhai frikef bugathu yimam yak marnyarmor. Nhai. Kraisrpar fak marnyamor.


Nd Bokis Kontrakthu mnbifatn hus mounmotf Bro Nkifrarpno tohwaf hingrna nhombrakmomfn tnamomf mano mano. Rofhu birnam thu sfondwamomfn toh wasi hmbrimoft tu Bro Nkifrarhu Yafothat o marbir rhumoa tkitt. Nd tkitt futamoumt “Fasoh Nefm Mthu Dbrufyuk Tkitt.” Nd tkitt yemro kkut mthu nembongit-moatmt Bro Nkifrar ndm htihato tfit yuhuwafeft niamoattr yimaroh fasoh fasoh nefenm kak wunafhemourm. Nhai rim kfo hikak bugarhotanm tamoh tamoh mrokfom. Be inji kfonitanm.


Nd yiro rmonthu rawoft to be inji hingrna hta bohtamomt. Inji hingrna hta bohtanihato yo prisroh hingrneft rihingrnakmomt. Yiha yiha nd barkof biko mruhakyuk rumr prism rim fnahni mfnahnamoumr. Yimam Bro Nkifrar naku kfo inji narahnom o tarioh mtha inji narahnom, romn rim hafkneni tfit yarim htafo inji namoumm. Romn nd hingrneft hemorm.


Swiv nou:

Piblisite


Piblisite