Rom thofroh gontwat Porr dwandfakhato htafmot 8:4 - Bro Nkifrarhu Mrokfot

⁴ Bro Nkifrar duka memor, “Jisasrn yimaroh fasoh nefm aminoh nhehaf-kahtrm tuka Bro Nkifrayanhu boririfhu yuhatn toh hikrahm.” To be nd yuhatn ariham be bi Bro Nkifrarhu Yafothat kak hta bohtewutnom. Nhai tfit yimanom mhatoh fnahyuk yima rifhur yak htakahrnom.

Rom thofroh gontwat Porr dwandfakhato htafmot 8:4 Referans Kwoze

Galesia 5:16

Kfo hta mrokfot kfiwanko. Bro Nkifrarhu Yafothat yak htafo hanyuk yuharpat hik hakurahko, be nd fasoh yima yuhum yiho sinyaneft nd Yafothatn yak karhurahtm.

Kolosi 1:22

To be hifa Kraisr yura bgre mis nohmor. Inji namotr Bro Nkifrarhu namburpam rorn hta nohmotrm hifa yima yuhur niehato rifak marnyakmornom. Bro Nkifrar duka memor, “Inji anakahta yimaroh yima yuhum tukanhu yima yuhum kindo rhuruhamn ee hifa htihato tfit yakruhanm. Yo nhai tfit wom mrokfetm rhuruhatm.”

Jutr dwandfamo gontwat 1:24

Bro Nkifrar nhai tuhaftaruhatrko. Rorhu tir wafitn rhurahko. Nhai tamoh nefm yak kasuhruhatmko. Rorhu dborioh kmirn hany htarahrko. Nd kmir nhai wom tamoh nefm htiruhatko. Be yindhor yima yuhurparpno tohrahko.

Hibru 12:23

Bi nd Bro Nkifrarpno nohnita yimam rifinywa kmi hefenr mfnahmoko. Rroh fasoh nefm Jisasr bi yak thuhemotrm Bro Nkifrarpno tohwomko. Bro Nkifrarhu nkati yonm kanjo tohwomko bi. Rroh yufam Bro Nkifrar htamorm nd kmi hefenr tohyuk yimaroh yufa htayuk gonborngtn. Bro Nkifrarpno niamoko. Turparn yimam ndar bbinysoft tohwa nmbuham kak nhtewurm yimaroh toh nmbuham.

Revelesen 14:5

Rom nhai wom yiha kfo nheh o kfo furawonrmom. Nhai. Rom be tu nhai wom mrokfen duhatem.

1 Jon 3:2

Barenko, nom bi Bro Nkifrarhu yonnom korhnom. To kto Kraisr tafont yarim fnahna thombat nom ka finji frdborha rmonruhanom? Ror yarim fnahna thombat nom tunmoh nyingaye htiyakrahnomr. Ndnettn nom turhu ruheft kanjo frdborha rmon bugarah-nom.

Rom thofroh gontwat Porr dwandfakhato htafmot 2:26

Tha puk thu duha kmiroh toh nmbuham Bro Nkifrarhu boririfhu yuhatn toh hikneft, to be Bro Nkifrar htitrm turhu frikeft kanjo.

Lukr dwandfamo gutnius mrokfot 1:6

Sawoh sawohfhu toh nmbuhat hifa tohmoatf, Bro Nkifrar hifa hti yindhormorf. Boririfhu mrokfom rof hifa kak hik marnya-moufm.

Rom thofroh gontwat Porr dwandfakhato htafmot 3:31

To mirahko ka bi Jisasr hikwanomn nd boririfhut bi fipa duhattn riyak htafrahnomt. Nhai. Nom Jisasr hikneft nom tohhato wiyauyauneft, tamoh nefm naneft, boririfhut kfiwa yuhatn hikwonom.

2 Korin 10:3

Rot to bbinysoft tohwonom, to nom Kristennom nhai be ndar bbinysof thofm kanjo yahrt tohneft rika kfra inyarut myaknihato nnakahnom.