Rom thofroh gontwat Porr dwandfakhato htafmot 8:16 - Bro Nkifrarhu Mrokfot

¹⁶ Bro Nkifrar turhu Yafothat nom yahukohat bi rorhu yonnom yohrwatnom kak nuhaswornom.

Rom thofroh gontwat Porr dwandfakhato htafmot 8:16 Referans Kwoze

1 Jon 4:13

Bro Nkifrarhu Yafothat nompno yorhwatt, nom ndt htihato kfo kang-nom, “Bro Nkifrar nompno tohwor yo nom Bro Nkifrarpno tohwonom.”

2 Korin 1:22

Barkof nia kfo hbhamohat inji namor, turhu Yafothat hnamortn nmoh toh rawofmn htamort. Rotn hta tehakmotm tamoh tamohroh niayuk yihotat. Ndnettn nmoh yufam-pno yorhwa tamoh tamohm Bro Nkifrar be yafho hasorahrm.

2 Korin 5:5

To ndt to bi tu Bro Nkifrar nom hingrnamohat bi ndt bi duka htamort. To nd rhu nmbuhathu ruhakni yuhat to bi turhu Yafothat yakmortn nompno hta gungonmort. To bi tot bi barkof htateh minghat htamort. To bi inji yiyaknitahat to be Bro Nkifrar hirahrnom ror kfotayuk shrm.

Efesus 1:13

Niko yima tangiko to bi wanye-teko gutnius mrokfot. Nd mrokfot wanyhato hikmotkomt, Bro Nkifrar inji htihato fakmorko. Yakhato nikomi nom bi Bro Nkifrarhu yon bugayenom. Bro Nkifrar tur kfo htayuk mrokfot hikhato turhu Yafothat thu hmbremorko. Bro Nkifrarhu Yafothat hatohet yimam to be bi Bro Nkifrarhu yimayem.

Rom thofroh gontwat Porr dwandfakhato htafmot 8:26

Ndar bbinysofthu krhopam yakrpak yakrpak hta karmtta thombat nhai wom ptha rifhur rhukahr. Dborioh dukefr nhai wom rhukahr. Be nd yiro nur mmng rifhurn Bro Nkifrarpno kfo nur thombat Bro Nkifrarhu Yafothatn kekwotm nd kfo nur mmng rifhur. Yakhato Bro Nkifrar wukfo nuhaswotr.

Efesus 4:30

Mirahko Bro Nkifrarhu Yafothat ahta krhonomt. Bro Nkifrar nom tanrfak thombat, to tot bi barkof yak nuhasyuk minghat bi turhu Yafothat hi hanitrnom.

2 Korin 1:12

Nanhu toh nmbuhat yo nanhu nefm nikompno tohhato niwam ridukak thombat, nanhu yima yuhur nhai finji duka yimtnakahr o duka krhokahr. Nhai. Bro Nkifrar yak hta bohtamotra nanhu toh nmbuhat be yi marnya mifmot. Nhai wom beb nmbuhat nikompno htarmoyant. Bro Nkifrar yuhuwafhato hemora ndhtet ruhefthu rhuyuk rhu dukeft. Nhai ndar bbinysofthu yimaroh rhu dukeft hikrmoya. Nd Bro Nkifrar heyuk nefmpno nikompno yo ndar bbinysofthu yimampno toh hnamoya. Ndnetann nanhu yima yuhur nhai finji duka yimtnakahr o duka krhokahr. Nhai. Nanhu yima yuhur be yindhorwor.

Rom thofroh gontwat Porr dwandfakhato htafmot 8:23

To mirahko ka nd Bro Nkifrar hingrnayuk tamoh tamohrpam ka krhopam yakhato kfo nurwom. Nhai. Yimanom to inji buga. Bi Bro Nkifrarhu hayuk Yafothat bi yimanomn hatohett, to nhai, yiro yima rifhur afo yuhre nurwor. Nurhato gari haso kangnom, “Bro Nkifrar turhu yonnom yak htarahrnom. Tot nd yiharn nmoh thatipt yak marnyahato nndo rhuraht.”

1 Jon 5:10

Yimar Bro Nkifrarhu yonr yak hikwar, nd yimarn nd Bro Nkifrar kfoyuk mrokfom korhmr rorhu yima yuhur. Yimar nd Bro Nkifrar kfoyuk mrokfom nhai yakitohhato hikkahrm, ndhtet yimar nhai wany yakiokahrm. Kangr, “Bro Nkifrar kfo furewurnom. Jisasr nhai turhu yon mifr rhukahr.”

Matyu 5:9

Wom yimam nnayurwatm o tamoh nefm niwatm, niko womko hifa yima yuhum hanyhato nd rroh nefm kfo marnya bomarnyahato tamoh tamoh nefm kak nohahukkomm, niko ndhtet yimako yindhorkfot. Bro Nkifrarhu yonko rhurahko.

Lukr dwandfamo gutnius mrokfot 20:36

Kto ndar thatipt minoh nhehafhato Bro Nkifrar tfit afo thu kasinya thoft be rorhu yonm tohrahm. Be mounmotroh ruheft kanjo rhurahm. Nhai tfit nohruhatm.

Jonr dwandfamo gutnius mrokfot 1:12

Wom womrpamn hti nhtahato kfakmomr. Kfakhato rroh yima yuhum rorn htamom. Ndnettn romn yakhato htamorm Bro Nkifrarhu yonm.

Aposer 5:32

Bro Nkifrar hingrnamo hingrneft bi tunmoh nyingaye be hti hikhato kfo nuhas hanitnomm yimam. Bro Nkifrarhu Yafothatn kak nuhas marnyewutm nom kfo mmoni hanita mrokfom. Yimam Bro Nkifrarhu mrokfom hikwam Yafothar hi hanitrm.”

Rom thofroh gontwat Porr dwandfakhato htafmot 8:14

Yimam, Bro Nkifrarhu Yafothatn yak hta bohtiwam, tu Bro Nkifrarhu yonm korhm.

Rom thofroh gontwat Porr dwandfakhato htafmot 8:19

Nda bbinysoft Bro Nkifrar hingrna htamo tamoh tamohm be Bro Nkifrar kukatoh hasiwurm. Kto tu Bro Nkifrarhu yonm bro yufat yakruha yiha, nd yiha tfit yak marnyarahrm tamoh tamohm.

Rom thofroh gontwat Porr dwandfakhato htafmot 9:8

To bi asot tu mrokfo yimbu yuhat. Mirahko ka be nd yima Abrahamr nasfuryuk yon bugamn Bro Nkifrar rituhakmor. Nhai. Nd Bro Nkifrar kfo htayuk yima Aisakrhu yon frikefrpatn Abrahamrhu yon frikefet. Ismerrhu yon frikeft fak yiritiyafmort.

Rom thofroh gontwat Porr dwandfakhato htafmot 9:26

Yo, “Wom wom kmim nanpno yarim fnahne duham kto tfit yimam yutarahmm, ‘Hta nngrajohet Nkifrarhu yon kunys.’” Hos 1.10

2 Korin 6:18

“Nann yifemhato nanhu yonko rhurahko. Tu yura myorhekwa Bror inji kfiwur.” 2 Sml 7.14; 1 Sto 17.13

Galesia 3:26

Niko bi Krais Jisasrhu mrokfom hikhato rorpno frtkafwatko to be bi Bro Nkifrarhu yon bugayeko korhko.

Galesia 4:6

Arihat bi Bro Nkifrarhu yonko korhko. Ndnettn turhu yinemr mithu nawohmo Yafothat kfo tkrurafmotrt mithu nawohmotnom. Nd Yafothatn mithu nawohhato thu kasinyewatt-nom Bro Nkifrar kutewunomr dajar.

1 Jon 3:1

Dajohmn, Bro Yifemr nom be tu mondtn hta mifhato kutewur-nom rorhu yonnom. Rorhu yonnom yorhwatno tfit nd Bro Nkifrar hik duha yimam hti mumiwumnom.

1 Jon 3:2

Barenko, nom bi Bro Nkifrarhu yonnom korhnom. To kto Kraisr tafont yarim fnahna thombat nom ka finji frdborha rmonruhanom? Ror yarim fnahna thombat nom tunmoh nyingaye htiyakrahnomr. Ndnettn nom turhu ruheft kanjo frdborha rmon bugarah-nom.

1 Jon 3:10

Finji hti nhtahato kfo miruhanom, ndr Bro Nkifrarhu yoner, ndrne Satanrhu yoner? Wanukko. Inji htikfot, fitoh yimar nhai dborioh nefm nakahr yo Bro Nkifrar hikwa yimam nhai yak marnyakahrm, tor nd yimarn nhai Bro Nkifrarhu yonr rhukahr.

Revelesen 21:7

Fitoh yimar nda bbiny-softhu ufasoh nefroh bbukeft kahot nohwort, nd yimar nd na kfiwa shrkam hirhotanr yakrahrm. Yaknihato nd yimar to be nann rorhu Bro Nkifraya rhuruha yo ror nanhu yonr rhurahr.