Rom thofroh gontwat Porr dwandfakhato htafmot 3:12 - Bro Nkifrarhu Mrokfot

¹² Kmi kmim be tu mong troh twanhiwumr. Nhai ndhtet dborioh dukefm rhukahmm. Nhai wom rpa dborioh net yimar ndar bbinysoft tohkahr.” Sng 14.1-3

Rom thofroh gontwat Porr dwandfakhato htafmot 3:12 Referans Kwoze

1 Pita 2:25

Sifsifm kanjo frfnah wurasoh-hato fau mmo bammo htfasmoko. Tfit arihatn sifsif tohukatohwa yimarpno bi tfit nia tohwoko.

Filemon 1:11

Ror ninpno tohmohat nhai tu hingrnanho marnyarmorn. Nhai. Hingrna hhrekmor. Tfit arihat awi, ni hingrnanho yo na hingrnanho inji narahr.

Efesus 2:3

Nom buga to nd nefm toh bugamonomm. Tunom mhatoh fnahyuk fasoh nefm fakitoh hnamonom. Bi nd tunom nayuk fasoh fasoh nefmn yak hikafmotmm nmoh yafotham fnahhato bi hel yita yihotar bi fak mmbrafiny hanymom. Be wom yimam kanjo mekahnom nd nefrpam atoh hik hanynom to be Bro Nkifrarhu namburpam yakrfonom.

Matyu 25:30

Nd hingrna yima bebr wayakkahkomr wari tuhafokomr yiro kspita yuhatn. Nd tkittn tohruharn tau nknekrahr.’”

Rom thofroh gontwat Porr dwandfakhato htafmot 3:11

Nhai wom yimar Bro Nkifrarhu dukefrn rhuhato kfo bruttna ba inji nawon o rorpno brbo yi rhuwon inji nakahr. Nhai.

Rom thofroh gontwat Porr dwandfakhato htafmot 3:13

“Rroh tngm nnarihayem. Womm yak nnariyefiwatmm fasoh yuham kitwom.” Sng 5.9