Rom thofroh gontwat Porr dwandfakhato htafmot 3:10 - Bro Nkifrarhu Mrokfot

¹⁰ Bro Nkifrarhu rfa borngt yorhwa mrokfot to kfo kangt, “Nhai wom rpa yimar rorhu yima rifhurio wuthar rhuhato dborioh yimar tohkahr.

Rom thofroh gontwat Porr dwandfakhato htafmot 3:10 Referans Kwoze

Rom thofroh gontwat Porr dwandfakhato htafmot 3:23

Kmi kmi buganom bi fasoh fasoh nefmn kasimotmnom to be Bro Nkifrar frtrohmornom. Nhai nompno brbo niarmoar.

Matyu 15:19

Nd na kfiwa yima yuhur sinyewa fasoh nefm, ndm inji korhm: nd fasoh fasoh dukefr, yimar nambur sinyahato womr was furaneft, womrhu mettpno rim fnahneft, yaum kanjo met yindarim niwa nefm, rikohneft, wom mrokfom be turoh yima yuhurn wakfo fura bofurakneft, womm faso faso harhu htfasneft.

Taitus 3:3

Ni bi tunn bi htiyete. Nom tafi dborioh dukefm yak duha toh hnamo-hat, ndhtet toheft toh hnamonomt. Satanr buha riyak nhirtamotrnom nhai tu Bro Nkifrarhu dukef yuhatn toh hikrmonom. Nhai. Nd tunmoh tamoh tamoh nefroh yima yuhu sinya fura bofuranefti yo womroh wuskar o tamohr hti yuhurhato duka marinyeft, nd nefmn brotamomnom. Wom yimampno nhai nayak nanymahato rpat tohrmoanom. Nhai. Tawo tawo nahti sr nahti srmounom.

Makr dwandfamo gutnius mrokfot 10:18

Nd Judaroh bro yimar hifa tisa yufat Jisasr yutamotrr Jisasr wanyhato kfo memorr, “Tamohmpno kfo yamukona, hifa tisa? Nhai wom hifa yimar tohkahr. Bro Nkifrarpar dborioher.

1 Pita 1:16

Nkifra rfa borngt Bro Nkifrarko kfo memor, “Na Bro Nkifraya mar tafont tohwa, niko to inji mar tafont toh bugakfot.”

Rom thofroh gontwat Porr dwandfakhato htafmot 3:4

Nhai. Rompno bi finji finji kfir, ror to be nd tur kfoyuk mrokfo yuharpatn hikwor. Nhai yima mifnom kanjo kfo nhehtahato tfit mikfota mkfotakahr. King Defitr kfoyuk mrokfom kanjo ror kfo memohat, “Yimam htirahmm ni kfoyuk mrokfom tu fipet mrokfom kforahn. Yimam inji htihato mirahm ayak wunanomn, to nhai, ninn mrokfom myakni myakni kfo wunafrahnm.” Sng 51.4

Revelesen 22:15

To nd yima tipetm o yima grwasetm o forkat haruhetm o yima wasyuk wajim haruhetm o yima htakyuk wajim haruhetm o yaum kanjo ijoh tone htfasetm o yima was furetm o tahi rmonm o nkifra tahim lotuyetm o yima kfo fura nhehetm, ndhtet ndhtet metm o yindarim nhai taun yifhatik rim fnahniruhatm. Be inji briahako tohrahm.

Revelesen 21:8

To ndwom ndwomt ginyetm kanjo yesisetm o Bro Nkifrarhu mrokfot wany yakio duham o fasoh hnomha nefm yakitohetm o yima was furetm o yaum kanjo ijoh tone htfasetm o yima tipetm o yima grwasetm o forkat haruhetm o yima wasyuk wajim haruhetm o yima htakyuk wajim haruhetm o tahi rmonm o nkifra tahim lotuyetm o yima kfo fura nhehetm, ndhtet ndhtet metm o yindarim, rroh tohyuk kmit bi kfohtetet. Nd bro muhr sarfa tahim kur nanyjar hasiwa kahrn yohnirahm. Be nhai tfit niakfot. Ndt nd wuroh nohefet.”

Rom thofroh gontwat Porr dwandfakhato htafmot 11:8

Bro Nkifrarhu rfa borngt to kfo hik twanho kangt, “Bro Nkifrar kfomotr rroh yima yuhum tahisamomm.” Ais 29.10 “Yimbhindangm takih bokih-motrm nhai wany marnyahato yak nhtarmomm tamoh mrokfom. Yo nyingayet bet takunyjmotrm nhai yukatohrmom. Memom nndo mi nmbuha furam puk tmbho htatem. Be ndhtet toheft rituhakmohat to be toh hik hnewum.” Lo 29.4

Rom thofroh gontwat Porr dwandfakhato htafmot 3:11

Nhai wom yimar Bro Nkifrarhu dukefrn rhuhato kfo bruttna ba inji nawon o rorpno brbo yi rhuwon inji nakahr. Nhai.