Rom thofroh gontwat Porr dwandfakhato htafmot 2:8 - Bro Nkifrarhu Mrokfot

⁸ Tfit nd wom yimar bbinysoft tohhato fasoh nefm nahato kfo kangr, “Kokrwa Bro Nkifrar kfo htayuk mrokfom hikneft. Tukanhu duka fijo tohruha,” nd yimar Bro Nkifrar masat namburrahrr.

Rom thofroh gontwat Porr dwandfakhato htafmot 2:8 Referans Kwoze

Revelesen 16:19

Nd yonmari taun Babilonr buha buha yoh bohrhato husfirpa nmbuham rhumom. Kmi kmiroh kantriroh taunm nunes teh tutt hanymottm yohne hanymom. Bro Nkifrar dukakmorm bro kmi Babilonrhu fasoh fasoh nefm. Dukakhato nd Bro Nkifrarhu krho namburpet wain kaft yakhato hemotrr fiyakmor.

1 Pita 4:17

Bro Nkifrar yakitohruha bro kotkfote, finji kforhoyant? Arihat nom Kristennmoh mrokfomn bi rhuhato kot kakitohworm. Nmoh mrokfom yakitohhato nmoh toh nmbuhat bi kak susnewurm. To Bro Nkifrarhu gutnius mrokfo hanyjbornayet yimamne finji naruharm? Be nhai wom yihotam, be kaht wundiat riyahm.

2 Tesalonaika 1:8

Yo nd yiharn fitoh fitoh yimam Bro Nkifrar riyak htafhato nhai nmoh Nungothet Jisasrhu gutnius mrokfom hikkahmm, nd yihar Bro Nkifrar afo htiwonrahrm.

Revelesen 14:10

nd yimar Bro Nkifrar yak tkrurruhatr wainpam yerahr. Nd wain bupam to Bro Nkifrarhu bro krho namburpayem. Nd yarh yemror lotuyet yimam tengit wunaruha nambur bupayem. Nd yimam be tu yiro sarfa tahim yukrwa bro kah rifhut yirahm. Bro Nkifrarhu mounmotmi Sifsif Yonr yukatoh hasorahmm nd bro krhopam yimam yak thoft.

Hibru 11:8

Abrahamrhu tndht nhaf inji. Bro Nkifrar Abrahamrpno yihato kfo memorr, “Ni Abrahamn ndar tunhu kmit wahtanykahnt waiswa wuri wom kmitn. Tukann yak htaf hanyrhotann nd na dukayuk kmitn mifnahrahn. Nd ni mifnahruha tkitt be ninhu bbinysoft rhuraht.” Abrahamr nd mrokfot wany-mohat nhai marimor, “Hanyjbornahato rhuruha.” Nhai. Ror be wany yakio-hato sinyahato yimor. Ror yimohat nhai kfo marimor, “Ndha nd kmit kita.” Nhai. Be sinya furanihato yimor. Be nd Bro Nkifrar kfoyuk tngt wany yakiohato hikmor nd Bro Nkifrarhu tng yuhatn.

Hibru 10:27

Be bro yakrme dukefrpno Bro Nkifrarhu bro kotkfot toh gari hasorahn. Toh gari hasohato nd bro kotkfotn ni nd Bro Nkifrarhu mrokfom mong trohyuk yimani rorpno nahti dbnotwa yimam rpat yakruharko tu bro funa nanyjaret kahtn yiho turahrko.

Hibru 5:9

Bro Nkifrar Jisasrpno kfo hta nuhasmo mrokfom Jisasr hik bugamormn wuroht mnohmor. Mnohhato be nd rorhu hingrneft ndha mhingrna tmbhomortne be. Ror yimorn Bro Nkifrarpno mrhumor. Yihotat rorn yak nukamotrt yimam Bro Nkifrar hikneft be rorpno mtoh nkifranirahm.

Taitus 3:9

Wom yimam tum rhuhato nkifram toh hawihnamo yuharoh mrokfompno mrokfom nateh natehhato nakfo yiriti nakfo yiriti inji newum, o Mosesrhu boririfhutpno nakfo hamuh nakfo hamuhwom, ni mirahn rim tohhato awany yakitohanm. Yimam ndhtet mrokfom rhuhato wany yakitohneft nhai dborioh dukefm yakhato dborioh yima yuhum yuwa muhkahm. Nhai.

1 Korin 11:16

To nd na kfo hawihne mrokfom fitoh yimar wanyhato rorhu yima yuhur nhai mikmbrekahr, nd yimar adukatwar, nomi Bro Nkifrarhu siosroh met yindarim nhai wom fitoh yuhat hikkahm. Nom buga be nd na kfiwa mrokfo yuharpat hikwonom.

Rom thofroh gontwat Porr dwandfakhato htafmot 15:18

Nhai na wom tamoh mrokfom ptharhota. Na rorhu hingrneft tohmohat htimoya tu Kraisr toh nhomoatra tamoh tamoh nefm be rorhu tirtn mrhunimoum. Yo nhaft htimoya tamoh tamoh nefm Bro Nkifrarhu Yafothat nhai frtrohrmoata. Rotn thu bmtamouta tamoh tamoh nefm. Nd wonk wonk miraker nefm na mthu nawohhato namoam memour, “Yima tangim hti yuhurhato Bro Nkifrar hikrahm.” Nd dukeftn nd wonk wonk nefm namourm. Na gutnius ptha nuhasneft rihingrnakmohat tuha Jerusalemrn hingrnakhato kmi kmi hingrnahany, wuroht Ilirikum profinsn mihingrna tmbhomoya.

Rom thofroh gontwat Porr dwandfakhato htafmot 10:16

Judam nd gutniuskfot yakmohat dfikenrpam wany yakiomomt. Bro Nkifrarhu rfa borngtn Aisaiar kfo memor, “Broye, nom hany pthayuk mrokfot dfikenrpam wanyhato wufakmomt.”

Rom thofroh gontwat Porr dwandfakhato htafmot 9:22

Bro Nkifrar turhu duka fijo yimam fak htamorm. Yimam fasoh nefm namohat bi yak batingotrmorm. To nhai, be afo kukatoh marsisa hasomourm.

Rom thofroh gontwat Porr dwandfakhato htafmot 6:17

Bingot afo fasoh fasoh nefroh yinhitn tohmoko. To tfit nd gutnius mrokfom wanymohat nhai wom bok dukefm yak hanyrmoko. Nikmoh yima yuhu bugam be nd niko wanyuk mrokfomn nikmoh dukefr yimor.

Rom thofroh gontwat Porr dwandfakhato htafmot 1:18

Nd yimam, Bro Nkifrar myafho-nihato be nd fasoh fasoh nefmn fknihato Bro Nkifrarhu dukefenr rhu won duha yita yimam, miyorhekwa Bro Nkifrar namburworm.

1 Pita 3:1

Hingrna yimam turoh tohak yimaroh yinhim tohwa kanjo niko metko bi ram yakhato ramemrom-pno yorhwako niko be ramemroh yinhimn rhukfot. Wom yimam tafi Jisasr hik duhatem niko rroh metkomn rroh yinhim rhuhato tamoh tamohm dborioh yima yuhumpno kfo ptha marnya bomarnyarahkomm, tot nd tkittn nikmoh ramemrom htiruhamn rroh yima yuhum yak kekuthato Jisasr hikrahm.

2 Korin 12:20

Na wom dukefr duka yanho hanitar, kanga kfo duha yirah-nomm, tfit miruha nikmoha aneya, tfit niko nayuk nefm mhti hhrekruhanm. Mhti hhrekhato tfit miruha kfo tebos mrokfom o kfo hta mrokfom ahiyanko nhai yindhorruhatko. Na wofnkaha na rhu hanyhato niko mrokfom gijohmt kanjo nateh natehneft o womroh hifa nefmpno o womroh dborioh wuskam-pno kfo nur yuhuwehneft o tamoh mrokfom be watanhehakneft o niko tuko Kristenko nafrtndohhato rpen rpen o husen husen tohneft. Yo na wofnkaha rhu hanyhato tuko nakfo rindho borindhoneft o kfo rkmok kfo gungmiohnefm o niko tuhagrhahato sioshu nefm tfit nikomn kfo kekutneft.

Galesia 5:20

Nkifra tahi yifonroh kfo tatoneft. Yima tipneft, grwasneft, fortawon, nd nd yakitohneft. Womm be hti srthuneft. Kfo nambur kfo huttnefm. Womroh hifa hingrneft o wuskam o tamohm hti yuhurhato kfo yuhuwehhato kfo wokneft. Yima yuhum kaht kanjo wakur sinyaneft. Nhai mfhat kasinyahato womm tamohm hti dukakfot. Nayak mkuhato womm rom inji, womm rom inji, ndhtet tohneft.

Filipai 2:3

Rhu nmbuham mirahko be turpakmoh rhu nmbuha-rpam o yau nmbuharpam htihato ayak marnya bomarnyanom. Nhai. Womroh rhu yau beb nmbuham hti dukakfot. Womm finji rhu bebwom, afo romn yak marnya bomarnyafo, ee, kto tukmoh rhu nmbuham yak marnya-kfot. Mirahko be turpako yak marnya bomarnyahato womm ahti yindhorm-nom. Nhai.

Jems 3:14

To womm faso duka bebhato tukmoh yufamn yura yura htarahkomm, to mirahko akfo amanyom, “Nom duka hik marnya bomarnyahato tamoh tamoh nefm newunomm.” Mirahko inji akfo furanom.

Jems 3:16

Wawanyko. Yimam nd womm faso duka bebhato turoh yufam yuta hagrha hasiwam, nhai rhu digr marnyakahm. Fasoh fasoh nefm to romn na htfaswomm.