Rom thofroh gontwat Porr dwandfakhato htafmot 2:7 - Bro Nkifrarhu Mrokfot

⁷ Yimar bbinysoft tohhato be dborioh dborioh nefrpam yakitoh-hato rorhu dukefr Bro Nkifrarpno mrhuniyuk dukefrn korhwor yo toh hatohyuk bro yufati toh nmbuhat duka duka korhr, nd yimar Bro Nkifrarpno mtoh nkifranirahr.

Rom thofroh gontwat Porr dwandfakhato htafmot 2:7 Referans Kwoze

Lukr dwandfamo gutnius mrokfot 8:15

Nd hifa bbinysoft misuhhato sinya marnyamo yewuri tpim, kfo nhombramoya nd yimam mrokfom wany yakiohato yakitoh dbkafwa yimamn. Nd yimam tu hifa yima yuhet yimamn, rroh wiyauyau nmbuham hifa kau marnyewum.”

2 Timoti 1:10

Nd mrokfot bi ruhettn nom hel yita yihotako bi tohetnom rorn yihato tfit yakmornom tfit toh nkifraniyuk kmiko yita yihotako hta bugamornom. Nd hel yita yihotat fak thumort. Nd gutnius mrokfom kfiwam, to nd Jisasr nohhato hel yita yihotar yak thuhato toh yifahtaniyuk yihotako hta bugamo yuhathu kfo nuhas mrokfoyem.

1 Korin 15:58

Ndnettn bar yinouroko, niko toh bmtakfot. Mirahko tamoh tamoh nefenm awohsisnom. Wadukako, nd niko Brorhu hingrneft hingrnewat nhai yi furaruhatt. Ndnettn yiha yiha Brorhu hingrneft hingrnakfot.

Rom thofroh gontwat Porr dwandfakhato htafmot 6:23

Fasoh fasoh nefmn yimam yak hatohefiwatmm hel kitwom. Bro Nkifrar yak hatohefi-watrm nmoh Nungothet Jisas Kraisr-pno toh nkifranirahm.

Kolosi 1:27

Bro Nkifrar turhu dukeftpno nd kafrohet mrokfot hta nriyaf nuhas-mornom. Nd kafrohet mrokfot inji kfiwut. Yima tangim Bro Nkifrar yukatohhato yak marnyarahrm. Nikompno Kraisr frtkafwa yuhatn hefenr hanyruharko hefenrhu dborioh dborioh rhu nmbuhat hi hanyrahrko.

Galesia 6:9

Ndnettn dborioh dborioh nefroh naneft nom nhai hhrekakhato yafho thukfot. Yakitoh kihhato Bro Nkifrar fitoh yiharn dborioh rhu nmbuhat heshombat nhai rim tohtaruhatnom.

Rom thofroh gontwat Porr dwandfakhato htafmot 8:18

Bro Nkifrar tu bro yufat he thombat be nhai arihat rhuwa ruheft kanjo rhuruhatnom. Ndnettn na duka haso kanga, ar nom hatoh hasiwa krhopenm, nhai mrokfom.

Rom thofroh gontwat Porr dwandfakhato htafmot 2:10

Dborioh nefm yakitohet yima bugam Bro Nkifrar kfo yindhor marnyaruharm dborioh rhu nmbuhat hirahrm. Nd dborioh rhu nmbuhat he shombat nhaf tu Judam afo dborioh rhu nmbuhat yakniruhatm ee btn yima tangim.

1 Jon 2:25

Bingot Kraisr bi kfo hta memornom, “Dborioh rhu nmbuhat hiruhanko. Hirhotanko be nd dborioh rhu nmbuhatn rhu nkifranirahko.”

Rom thofroh gontwat Porr dwandfakhato htafmot 9:23

Womm bi hti htamorm. Memor, “Afo yukatoh marsisahato yak nuhasruhanm nanhu dborioh nefm.” Memor, “Nd nd yimamn yuhuwafhato hifa rhu nmbuhat hirhoyanmn nanpno tohrahm.”

Jonr dwandfamo gutnius mrokfot 5:44

Niko ndhtet met yindariko be tu nhai mif yak hikruhatkomt nanhu mrokfot, nhai mif. To nikmoh bro dukefm be kangko, ‘Be tunom nayuta yindhorhato bro yufat ayak hasonom.’ Nhai wofnkahko Bro Nkifrarpar yahuka bro yufat.

Hibru 6:15

Abrahamr nd Bro Nkifrar kfoyuk tngt wanyhato nhai marimor, “Duka mmoruhant.” Nhai. Be yima yuhurn rhumout nd Bro Nkifrar kfoyuk tngt. Memor, “Afo hti hanyruha nd kfoyuk mrokfot fipett rhurahte. Nhai.” Abrahamr duka haso ee kto htimor nd Bro Nkifrar kfoyuk mrokfot fipett rhumot.

Hibru 6:12

Nd dukeftpno yima yuhum atohetohtwamko. Mirahko ahhrekkahnomn kaht kanjo nd dborioh nefm aminoh hmbrenim. Bro Nkifrar hik hnamo nkifram kanjo toh bmtakfot. Rom to inji namom. Bro Nkifrar kfomorm dborioh rhu nmbuhathu hanyeft. Be nd ror kfoyuk mrokfot nhai mongko htarmomt. Nhai. Be nd dukefrparpno toh hany toh hanymomn kto htimom nd Bro Nkifrar kfomo mrokfot nhai kfo furarmorm. Tu fipet mrokfot kfomor.

Matyu 25:46

Nd net yimam be bro krhopa yakyuk tkit bebt yirahm. Nd krhopa yakyuk tkitt rom yi shombat, nhai tfit fnahniruhatm, be nd tkittn toh nkifranirahm. Nd tuhan yindarim Bro Nkifrarhu mrokfom wany yakiowetm, romn tu dborioh rhu nmbuhat yakhato be nd dborioh rhu nmbuhat toh nkifranirahm.”

Lukr dwandfamo gutnius mrokfot 21:19

Nd yiha toh bmtekomn fakitoh bmtekoma, be Bro Nkifrar yakrahrko.”

Jonr dwandfamo gutnius mrokfot 4:36

Nd yimar mswirroh yewurithu yak nhafoh htfasyukr dborioh marufat bi yekwarn, nd mswir mswirroh mtoh nkifraniyuk yewurit kak htfaswort. Ndnettn nd yimar yewuri nuhtayukr yo yewuri yak nhafoh htfasyukr rpat yindhorrahf.

1 Korin 15:42

Yimam nohhato sinya thombat inji rhuraht. Ndar nom hatohwa thatipt yopefiwohat mikfe bdgnitt. Tfit Bro Nkifrar kasinyaruha thatipt rot nhai tfit nohruhatt.

1 Korin 15:50

Bar yinouroko, na kfiwa mrokfom inji akfo wutha hikkahtanm wawany hik marnyatwakomm. Ndar nom hatohwa thatipm, nhai Bro Nkifrarhu kingdomkfot fknihato tohkfot. To nhaf womt, ndarhtet mikfe bdgniyuk thatipm nhai toh nkifranikfot.

Efesus 6:24

Nanhu dukefr kanga Bro Nkifrar ayak marnyarm nmoh Nungothet Jisas Kraisr yafho thu duha yita met yindarim.

1 Timoti 1:17

Ror toh nkifraniruha kinger. Nhai nohkahr. Yimanom nhai htikahnomr. Rorrpar Bro Nkifra mifer. Ndnettn yiha yiha rorhu yufarpat bro yufat htakfot. Rorn nyingako htakfot. To be inji.

Hibru 2:7

Nom yimanom ninn hingrna-monnom. Be dfik yiham mounmotroh yufamn afo mfrfnahnimom. Tfit kto nomn bro yufat hemonnom.