Rom thofroh gontwat Porr dwandfakhato htafmot 12:10 - Bro Nkifrarhu Mrokfot

¹⁰ Niko Kristenko, tuko nayak marnya bomarnyakfot najohfiko kanjo. Mirahko tamoh tamoh nefm tukmoh yufamn yura yura awuh-tanomm. Womroh tamoh nefmn kfo yindhorneft hifa.

Rom thofroh gontwat Porr dwandfakhato htafmot 12:10 Referans Kwoze

Filipai 2:3

Rhu nmbuham mirahko be turpakmoh rhu nmbuha-rpam o yau nmbuharpam htihato ayak marnya bomarnyanom. Nhai. Womroh rhu yau beb nmbuham hti dukakfot. Womm finji rhu bebwom, afo romn yak marnya bomarnyafo, ee, kto tukmoh rhu nmbuham yak marnya-kfot. Mirahko be turpako yak marnya bomarnyahato womm ahti yindhorm-nom. Nhai.

Hibru 13:1

Niko tuko Bro Nkifrar yak hikwako tuko nayak marnya nayak marnyakfot.

1 Jon 4:11

Barenko, Bro Nkifrar turhu yonr hemo nmbuhat, ndt rorhu bro dukeft nompno rhumo yuhatn fak nuhasmor-nom. Ndnettn nom Bro Nkifrarhu hikneft womm htihato yak marnya-kfot.

1 Pita 1:22

Jisas Kraisrhu gutnius mrokfom, yafothayet mrokfomn wanyhato hikmokomm. Hikhato nd fasoh fasoh nefm fafho thumokomm. Yafho thuhato yima rifhumio wutham rhumom. Yima rifhumio wuthamn dborioh dukefmn yakhato niko tuko Jisasr hikwa tuhan yindariko najohfi yagnr tohhato tuko nayak marnyewuko. Nd neftn yakitoh hany yakitoh hanykfot.

1 Pita 2:17

Wom yima fura bofuram dborioh dborioh nefm yak nuhaskfot. Niko Jisasr hikhato tohwako niko tuko najohfi yagnr tohhato nayak marnya-kfot. Bro Nkifrar duka yakrmihato rorhu yinhit tohkfot. Yo Kingroh mrokfom hikkfot.

1 Tesalonaika 4:9

Tuko Bro Nkifrar hiket yimakmoh nayakitohhato nayak marnya yuharoh mrokfom nhai tfit gontwatn hta-rhotanm. Ndm bi tu Bro Nkifrarn nd nefm fak nuhas bonuhasmorko.

Galesia 5:13

Niko, nanhu yimatko, afo nkifra boririfhu mrokfomn afo ufak afak-moumko. Tfit arihat bi Kraisrn nd niko yak nhirtamoa mtitoft puk thumortn rorn yakaknihato rorhu mkuko rim fak htamorko. To mirahko akfo amanyom, “Nkifra boririfhut bi be. Bi nhai wom yakitohkahtnom tfit tunom hatohnayuk fasoh yima yuhu bebmn ahiknom.” Mirahko ndhtet yima yuhum ayaknom. Niko Bro Nkifrar hikwako tuko rpatn nahti duka nahti dukakfot.

Galesia 5:22

Yimar Bro Nkifrarhu Yafothat ruhetr htirahnr: Wom yimam hti dukarahrm. Yindhor rifhurpno rhurahr. Wommpno hifa hifa nayak marnyahato rhu marnyarahr. Tamoh mrokfom wanyneft nhai be bmbri kaht kanjo wakuryakhato huttakniruhatr. Hifa hifa yima yuhur womm hmbrerahrm. Wom yimam yak marnya bomar-nyarahrm. Rorhu wiyauyau nmbuhat hifa yau marnyahato kmi thofroh dukefm rorrpar bro dukeft htarahm.

1 Jon 4:20

Fitoh yimar kfo kangr, “Bro Nkifrar be nanhu yuhuwaf marbitn korhr,” ndhtet kfet yimar mirahr be tngrpat afurat Be tngrpatn furahato womm nhai yak marnyakahrm, tone finji dukaruharr nd ror hti duha yita Nkifrar? Nhai. Nd yimar kfo furayeter.

2 Pita 1:7

Bro Nkifrarhu dukefr hikhato tuko Jisasr hikwako nayak marnyahato tuko nayakitohkfot. Tuko Jisasr hiketko nayak marnyiwa kanjo wom yima furam inji yak marnyakfot.

1 Pita 5:5

Niko damiag yimako, niko eldaroh yinhim tohkfot. Mirahko yura amtoh-nomm. Tuko nahti duka nahti dukakfot. “Yimam be mfro turoh yufam kfo hagrhetm, Bro Nkifrar nhai hifa yima yuhur hmbrikahrm. Noh hmbre yima yuhurpno ruhetm, Bro Nkifrar hifa yima yuhur hmbritrm.” Sindaun 3.34

Jonr dwandfamo gutnius mrokfot 15:17

Ndnettn boririfhu mrokfot kahukwanko. Nikmoh womm marbit htakfot.”

Rom thofroh gontwat Porr dwandfakhato htafmot 13:7

Afo kfo hik bugarhotant wawany hik marnyatwako. Tamoh tamoh takis gafman yimam ttiwonwom hanyeft, hekfot. Kfo kangm ser takis o kastam takis o het takis o fitoh fitoh takis kangmn wawikna, ni mirahn ahanyjbornaya. Fitoh yimar gafman hingrneft yakhato nikmoh kmit gafman hingrneft kakitohwort, rorhu kfoyuk mrokfom wany yakiohato hikkfot. Dborioh nefm yak marnya bomarnyakfot. Yo nd yimarn bro yufat htakfot.

Aposer 4:32

Jisasr hikmo yimam nhai womr wom nndoh yima yuhetr rhurmor. Yima bugam be rpa yima yuhurpar rhumom. Rom yakitohyuk tamoh tamohm nhai womr marimorr, “Nanhu tamoh tamohm turpetanuhem.” Nhai. Tamoh tamohm be inji rpat yakitoh-hato rpat nayaktirmoumm.

Lukr dwandfamo gutnius mrokfot 14:10

Ndnettn tuhan yak tatrut yihar yemro burwat htahato nakumn, frohann bi yihato nyingako amruhakniya. Yinyeft afo yihato afo mtohkfot womroh mongkorn. Bi nd tu burwat htayuk yimarn yihom htihato kfo kangrn, ‘Asha wamrhun,’ ee nd tur kfoyuk tkittn mrhuneft hifa. Nd burwat rhuyuk met yindarim hti yindhorrahmn.

Matyu 20:26

Niko mirahko nd neft ahiknom. Yimar kangr, tohukatohr atoha, nd yimar afo nikmoh hingrnanho yimar tohkfot.

2 Tesalonaika 1:3

O, yinouroko, niko Kraisr yakitohwa nmbuhat dukahato yiha yiha nom Bro Nkifrar kfo bruttna yindhorkfot. Niko Kraisr bi mhik trpakni twanhiwukomr. Mhik trpakni-hato tuko nayakitohhato tuko nayak marnya nayak marnyewa nmbuhat bi hifa miyakitohaknitkomt. Ndnettn nom Bro Nkifrar kfo bruttna yindhor-neft nhai mrokfot. Ndt dborioh neft newunom.

Kolosi 1:4

Nhai be sfno Bro Nkifrarpno kfo yindhor furakahnonko. Mrokfot wanyakmono kfo memomno, “Kolosi thofm Jisas Kraisr hikwamn Bro Nkifrarhu tuhan yindarim hifa hifa kak marnyewumm.” No inji wanyak-hato Bro Nkifrarpno kfo yindhorwo-nonko.

Galesia 5:6

Bro Nkifrar yimam yukatoh thoft nhai tha puket yimam o tha puk duhat yimamn htikahr. Nhai. Yimam Kraisrpno rim tohhato womm hti dukewam, tom ndhtet yimam Bro Nkifrar kukatohworm.

Jonr dwandfamo gutnius mrokfot 17:21

Na kanga no nito tohwa kanjo rom inji rpat nafrtkafhato rpat atohm. Yo rom nonpno afrtkafkahtm nda bbinysofthu tuhan yindarim htiruhamn nanhu nia nmbuhat duka mirahm tu Bro Nkifra tkrurafmotna niamoya.