Rom thofroh gontwat Porr dwandfakhato htafmot 11:2 - Bro Nkifrarhu Mrokfot

² Bro Nkifrar nhai kfo marimorm Isrerm, “Na bi mong trohwanko.” Nhai. Rom, Isrerm, tu Bro Nkifrar kfo hbha htayuk kmiyem. Iraijarhu kfo tndh mrokfot, Bro Nkifrarhu rfa borngt yorhwat, htitwokomt? Iraijar Bro Nkifrarpno kfo bruttnahato kfo memohat,

Rom thofroh gontwat Porr dwandfakhato htafmot 11:2 Referans Kwoze

1 Pita 1:2

Bingot Bro Yifemr rhuhato rorhu dukeft bi wuri wuri yimot. Bi htimort nikmoh yak htayuk yihotat. Bi hti htatahato bi rorhu yufatpno fak dbkaf htamorko. Memor, “Kto nanhu yonm rhurahm.” Bi rorhu yufatpno yak dbkaf htayet-komn turhu Yafothat niahato tu Jisas Kraisr kanjo fak htamorko. Memor, “Inji yak htahato Jisas Kraisrhu mrokfom hikrahm.” Kraisrhu kkupam kfomom nikmoh yima rifhum yak wus bowushato Kristenko tohmoko. Bro Nkifrar hti yuhuwafhato nikmoh yima yuhum minoh hmbrehato yak marnya bomarnyarahrm.

Rom thofroh gontwat Porr dwandfakhato htafmot 9:23

Womm bi hti htamorm. Memor, “Afo yukatoh marsisahato yak nuhasruhanm nanhu dborioh nefm.” Memor, “Nd nd yimamn yuhuwafhato hifa rhu nmbuhat hirhoyanmn nanpno tohrahm.”

Aposer 3:17

Rot nd nikomi nikmoh bro yimam namo neft Jisasr nhai be yima dukeftpno narmokomr.

Rom thofroh gontwat Porr dwandfakhato htafmot 9:6

Kanga, bok Isrerm nhai nd nom hbhakyuk yima Kraisr yakitohkahmr. To mirahko ka Bro Nkifrar Isrerroh rituhakhato rorpno yarim tohnefthu kfo hta mrokfot ka fafhomort. Nhai. Yo to mirahko ka Isrer bugam ka Bro Nkifrar rituhak bugamormn rorpno yarim toh bugamom. Nhai.

Aposer 13:48

Nd yima tangim nd Porr pthamo mrokfom wanyhato rroh yima yuhum yindhormomm. Yima yuhum yindhor-hato Bro Nkifrar kfo yindhormomr. Bok yimam Bro Nkifrar thu yuhur hanymorm hifa rhu nmbuham yakhato be nd dborioh rhu nmbuhamn toh nkifraneft. Nd yimamn Porr pthamo mrokfom fakitohmomm.

Aposer 7:40

Mosesr Sainait muhhato wutoh hatohmohat, Isrerm Aronrpno yihato kfo memomr, ‘Nmoh hatohakmoa yima Mosesr nhai ka tfit nieruhatr. Nom bi duka mumiwunom yiyuk yihotam. Nom kangnom wom yifonm wahingrnakahtn nd yifonmn yihotat toh tamnou hanyrahmnom.’

Jonr dwandfamo gutnius mrokfot 4:11

Jisasr inji kfomotrt, tfit mett kfo memot, “Bro yimaye, to ni bupa yakyuk baket duhate. Bujrhu bupam watohngotwom. To fitha yakhirhoyanm nd ni kfiwa bupam?

Lukr dwandfamo gutnius mrokfot 4:1

Jisasr tek Jodent htanymohat, bi Bro Nkifrarhu Yafothat thu nhombrayetrn, to be nd Yafothatn yak hatoh hanymottr, yimor yima toh duha tkit furatn.

Hibru 1:1

Bingot Bro Nkifrar nmoh nkifram mrokfom hemoahat profetmpno pthamoatrm tfit romn kfo nuhasmoumm met yindarim. Mrokfom hemoahat bok yiham bok yuhamn pthamourm.

Filipai 1:22

Afo yima nfriya ftohane, be Kraisrhu mrokfot kmi kmi kfo ptha fnahruhant. Nd hus yima yuhuf korhwofa. Bro yima yuhur duka kangr, hifa anohkahann be Kraisrpno amtoha.

Aposer 15:18

Ndar mrokfot na pthiwat Brorhu mrokfoyet. Bingot kfo htata memor, “Nd nefm inji rhu hik hanyrahm.” ’ Amos 9.11-12

1 Korin 6:2

Wawanyko, kto bro kotkfot yakitoh thombat, nom Bro Nkifrarhu yimanomn Kraisrpno rhuhato ndar bbinysofthu yimaroh mrokfom yakitohnhorahnomr. Ndnettn ndhtet tefi mrokfenm tuko Kristenkompno rhuyukm, tamohmpno niko Kristenko nhai yakitohhato yak nohrfotkomm?

Makr dwandfamo gutnius mrokfot 12:26

Nd yimaroh nohhato sinya yuhat Mosesrhu tndht duka hanykfot. Wom yiha Mosesr Bro Nkifrar kahm kanjo mi bufupatn funamotr hti hanymorr. Bro Nkifrar Mosesr kfo memorr, ‘Nane Abraham, Aisak, Jekofroh Nkifraya.’ Kis 3.6

Rom thofroh gontwat Porr dwandfakhato htafmot 6:16

Wom yimarhu slef yimako tohneft nhai be tukmoh fijo tamoh tamoh nefm nakfot. Tohukatoh-rhu yinhirpat hingrna hafknitwoko. Nd fasoh nefroh yinhit tohneft to inji newuko. Fasoh nefmn doh pukm kanjo thu yebitt habritwomko. Inji na hanyhato nd fasoh nefmn yak hatoh-aforuhatmko hel yirahko. Bro Nkifrarhu yinhit tohneft hifa rhu nmbuhat yakrahko.

1 Korin 8:3

Yimar marbitn Bro Nkifrar htewar Bro Nkifrar bi htitworr.