Rom thofroh gontwat Porr dwandfakhato htafmot 10:8 - Bro Nkifrarhu Mrokfot

⁸ Bro Nkifrar yimam rituhakhato rorpno rim tohwa yuhathu kfo nuhas mrokfot to bi fakmokomt. Bi tukomn harhuwakomtn nd mrokfotn rim nakfo nuhasak mnakfo nuhasekwoko. Nd mrokfot to nd nom ptha nuhaswa gutnius mrokfoyet.

Rom thofroh gontwat Porr dwandfakhato htafmot 10:8 Referans Kwoze

1 Timoti 4:6

Ndar mrokfom yaknihato wom Kristenm kfo nuhas bonuhasrahnm, to be Kraisrhu dborioh hingrna yima tohrahn. Yo nd ni hikwa gutnius mrokfoti sios yahuka kfo yirmoh mrokfomn tpim habokknarahmn.

1 Pita 1:25

Bro Nkifrarhu mrokfot nhai inji naruhatt. Rorhu mrokfot be inji rhu nkifraniraht.” Aisaia 40.6-8 Nd mrokfot niko wanymo gutnius mrokfoyet.

Galesia 3:2

Rpa ttiwon nmbuharpat kanga attiwonanko. Niko Bro Nkifrarhu Yafothat yakmohate fitoh yuhatn yakmokomt? Judaroh nkifra boririfhut hikhato fakmokomt o Kraisrhu gutniuskfot wany yakiohato fakmokomt?

Galesia 3:5

Ka niko Bro Nkifrahu Yafothat hihato nd mirakerm hingrna thofte ka Judaroh boririfhut hikwatko mirakerm hingrnewukomm? O ka gutniuskfot hikwatko mirakerkfot hingrnewuko?

Rom thofroh gontwat Porr dwandfakhato htafmot 10:17

Ndt to wawanykomt. Yimam Kraisrhu gutnius mrokfot kfo pthiwatmm womm wanyhato hikwomm.

Aposer 10:43

Profetm mrokfom kfo pthamoahat kfo memom, ‘Rorhu dukefrpno rhuruhatko be rorhu yufat yutahato nikmoh fasoh nefm yak thuhirahrko.’”

1 Pita 1:23

Nda Bro Nkifrarhu mrokfot rhu yakitoh hanyraht. Kto be inji rhu nkifraniraht. Nd mrokfotn nikmoh yima rifhumio rihingrnamottm toh nmbuham bi yewuri tpim kanjo frdborhamoko. Frdborhahato nfri yima yuhumpno tohwoko. Nd yewuri tpim rom mibatiniyukem. Bro Nkifra-rhu mrokfot rot be inji rhu nkifrani-raht.

Aposer 16:31

Inji kfomotr kfo memofr, “Bro Nungothet Jisasr hikrahko ninhu kunyshu tohyuk yimampno rpatn yak miyakrahrko.”

Efesus 5:26

Ror inji namohat Bro Nkifrarhu yufatpno yimaroh yak htaneftn inji namor. Rom rorhu mrokfot yakhato hikmo yuhatn yo baftais yakmo yuhatn Kraisr fak wus bowus marnyamormn yima yuhum wutham rhumomm.