Rom thofroh gontwat Porr dwandfakhato htafmot 10:6 - Bro Nkifrarhu Mrokfot

^6-7 Yimar kangr yima rifhur wuthar arhura, ka nd yima rifhu yak wusyuk yimar ka tfit hefenko yak hambro hanykfot o Maringouko yak hambro hanykfot? Nhai. Nd yimar, nd yima rifhu yak wusyuk yimar, tor bi niamor. Nd yimar Kraiser.

Rom thofroh gontwat Porr dwandfakhato htafmot 10:6 Referans Kwoze

Jonr dwandfamo gutnius mrokfot 6:58

Tot tu bretpa mift yura hefen yuhat yawihnamot. To mirahko ka nikmoh nkifram yamo kanjohot bretpayet. Nhai. Rom yamo bretpat nhai ndt yehato toh nkifranirmom. To nd ariharhof bretpat yimam yakhato yanyeft be inji toh nkifranirahm.”

Filipai 3:9

be rorpno arim frfnahni bugakahann rorpno arim tohniya. Ndnetann na nhai wofnkaha nd nkifra boririfhut hikhato Bro Nkifrar na hifa hti yindhorneft. Nhai. Na kanga Kraisrhu mrokfot wany yakiohato hikneftn Bro Nkifrar htihato na dborioh yufat yakneft na wofnwa.

Rom thofroh gontwat Porr dwandfakhato htafmot 4:13

Bingot Bro Nkifrar Abrahamrpno yihato heyuk rhu marnya nmbuhat kfo nuhasmohat nhai boririfhut hikmoa nmbuhat htihato rhu marnya nmbuhat kfo nuhasrmorr. Nhai. Abrahamr tu Bro Nkifrarn yakitoh kihmotr Bro Nkifrar hti wuthahato kfo nuhas memorr, “Kto ninhu frikeftn hifa rhu marnya nmbuhat hiruhanm.”

Rom thofroh gontwat Porr dwandfakhato htafmot 3:22

Bro Nkifrar yima toh rawofm hti wutha thoft nhai be hti wutha furakahrm. Yimaroh dukefmn hti hikwor. Tu yimamn duka kangm, “Nmoh fasoh fasoh nefm bi Jisas Kraisrn hanohnimorm.” Yimam inji dukewam, nd yimaroh yima toh rawofm hti wuthewurm. Bro Nkifrar nhai Judam yakitohwa yufam o yima tangiroh tamoh tamohm yukatohkahr. Nhai.

Hibru 11:7

Noar ror nhaf Bro Nkifrar bi kfo duka hta memorr, “Tu bro hnut nieraht. Nieruhatn bbinysoft rhuyuk tamoh tamohm nd hnutn yak bati bugarahtm.” Nd Bro Nkifrar kfomo hnut bbinysof thofm nhai htirmomt ndhtet hnut. Noar nd Bro Nkifrar kfomo mrokfot wanyhato rorhu yima yuhur fanhomorr. Nd duka yanuheft-pno bro sift hingrnamort. Nd hnut niamohat rori rorhu yon kunys rom nhai hnut fune habohirhato nohrmom. Bro Nkifrarhu mrokfot nd yima Noarpar wany yakiomort. Ndnetrn rorparn mfak htanimorr. Ndwom ndwomt nd hnutpno bati bugamom. Bro Nkifrar kfo memor, “Noarpar nanhu mrokfot wany yakiowartn rorhu toh nmbuhat toh marnyewurt.”

Hibru 1:3

Bro Nkifrar yorhwa ruheft nd yonrn fak nhombramort. Jisasr htineft to mirahko ka Jisasr htitwonom, nhai, Bro Nkifrarhu ruheft htitko. Bro Nkifrarhu ruheft to bi Jisasrn fak nhombramort. Ror tu bro ptha nanyjaretrn ndar bbinysoft ror kfiwatr rorhu tng yuhatn bbinysoft rhu hik hanitwot. Ror nda bbinysofthu yimaroh fasoh nefroh yak thu yuham yak hta bohta marnya tanyhato yimor. Yihato mrhumor tu yura myorhekwa nanyjaret Bro Nkifrarhu tirmifko. Tu bro yufa yakyuk tirko mrhumor.

Rom thofroh gontwat Porr dwandfakhato htafmot 3:25

Bingot toh hnamo fasoh net yimam Bro Nkifrar hti namburmourm. Inji hti namburmoahat nhai finji narmoarm. Be inji nyingarpaye kukatoh marsisamourm. Duka memour, “Kto rom nayuk fasoh fasoh nefm nhai yukatoh marsisarhotanm arihat niwa kanjo. Nhai. Rroh fasoh fasoh nefm yak thuhirhotanm hti duka tunguna-rahma.” To be nd mrokfot inji rhu hnamotn tfit arihat nd fasoh nefroh yak thuyuk yihotat Bro Nkifrar hingrnamotrt htitnomt bi. Jisasr nohmo yuhatn Bro Nkifrarhu nambur rifhur minoh hmbremorr. Jisasrhu kkut yohnemohat Bro Nkifrar be kukatoh hasiwur. Fitoh yimam kfo kangm, “Nom nahnayuk fasoh fasoh nefm bi Jisasrhu kkupamn fak thumomm,” yimam inji dukayukm, Bro Nkifrar hti wuthewurm.

Jonr dwandfamo gutnius mrokfot 6:38

To na hefenr wuhtanyhato yawihnamohat, nhai be tukianhu dukefthu hikneftn yawihna-armoya. Nhai. Memoya, ‘Bro Yifemrhu dukef yuhatn na be hikhato nd ror kfoyuk hingrnafat hingrnaruha.’

Jonr dwandfamo gutnius mrokfot 6:33

Nd bretpat Bro Nkifrar heyukt yura hefen yuhat wutoh tanyuket. Nd bretpat yayuk tuhant yindars be toh nkifranirahm.”