Matyu 4:7 - Bro Nkifrarhu Mrokfot

⁷ Jisasr tfit kfo wok memorr, “Bro gonborngt kfo kangt, ‘Mirahn Bror ninhu Bro Nkifrar frnhombrakahann afo htiruha finji hingrnaruhar.’” Lo 6.16

Matyu 4:7 Referans Kwoze

1 Korin 10:9

Yo mirahko aduka amanyom, “Fasoh nefm naruhanomn afo htirahnom Kraisr finji naruharnom.” Mirahko inji ananom. Rroh womm inji namotm nandomm wasmotmm nohmom. Nd gnngr yakitoh hanykfot.

Hibru 3:9

Na nikmoh nkiframpno foti gunyjimm rompno tohhato fak nuhasmouanm wonk wonk nefm. Nhai nd nefm htihato nanrpaya dukarmoam. Nhai. Na yakmoama mongko yiho htamouma. Mongko yiho htahato turoh duka fijo yimoum.

Aposer 5:9

Pitar sinyahato kfo memort, “Bare, tamohm-pno nifn sawo memofn, ‘Bro Nkifrar afo mkfo namhi nhehwonrahnonr.’ Wahti ninhu ramemr myop tanyuk yimam bi tom bi nd kuny yifhatiktn tohwom. Ninhu tha tipt yoprahmt.”

Matyu 4:4

Tfit Jisasr kfo wok memorr, “Bro Nkifrarhu gonborngt kfo kangt, ‘Nhai wom yimar bretparpat yehato tohwonkahr. Nhai. Bro Nkifrar kfoyuk mrokfo bugam yehato tohwor.’” Lo 8.3

Matyu 4:10

Jisasr sinyahato kfo wok memorr, “Wuri wai! Bro gonborngt kfo kangt, ‘Bro Nkifrarparhu yufat kfo nakuhato kfo bruttnakfot. Rorpar kfo bruttnahato hikkfot.’” Lo 6.13

Matyu 21:42

Jisasr wanyhato kfo memorm, “Wom mrokfot Bro Nkifrarhu rfa borngt yorhwat htitwokomt? Nd mrokfot kfo kangt, ‘Nd rahur, kamda yimam hti kurhato yak thumor, be bi tfit nd rahurn bi dany rahur tohwor. Tu Brorn inji hingrna hta bohtamotrt nom be inji htihato mrokfo duha korhwonom.’ Sng 118.22, 23

Matyu 21:16

Yima yuhum faso rikihato Jisasr kfo ttiwon memomr, “Nd yonkmim kfo yindhor grhahato kfiwa mrokfom ni wanuknm?” Jisasr kfo memorm, “Uwa, rom wanukanm. Tone, ka nhai wom mrokfot htikahkomt? Rfa borngt kfo kangt, ‘Ninhu yufathu yuta hagrhaneft yonmpno bi inji rinakmotn tu be ninhu yufatn yonm kfo yuta grha hanitm.’”

Lukr dwandfamo gutnius mrokfot 4:12

Jisasr tfit kfo wok memorr, “Bro gonborngt kfo kangt, ‘Mirahn Bro Nkifrar be yuwi awastiwonanr.’”

Aposer 15:10

Mosesrhu boririfhut nmoh nkifram nhai yak hik marnyarmomt. Nom ariharhofnom nom inji buga nhai hik marnyakahnomt. Ndnettn to tamohm-pno yamukako wom kmiroh Kristenm nmoh nkifra Mosesrhu boririfhu mrokfot ahikmt? Ndhtet neft Bro Nkifrar htihato namburrahrnom.