Lukr dwandfamo gutnius mrokfot 7:6 - Bro Nkifrarhu Mrokfot

⁶ Be yihom kfakmotmr yimor. Jisasr bi brbo toh hanyetrn, nd amiroh keptenr turhu wom yimatm tkruraf memorm, “Wakfo rafotwakomr, mirahr nanhu kunys aneya. Na nhai dborioh yimayann nanhu kunys nieruhar.

Lukr dwandfamo gutnius mrokfot 7:6 Referans Kwoze

Jems 4:6

To Bro Nkifrar nom be tu mfro yuhuwafwornom. Ndnettn Bro Nkifrarhu rfa borngt kfo memot, “Yimam be mfro turoh yufam kfo hagrhetm, Bro Nkifrar nhai hifa yima yuhur hmbrikahrm. Noh hmbre yima yuhurpno ruhetm, Bro Nkifrar hifa yima yuhur hmbritrm.” Sindaun 3.34

Makr dwandfamo gutnius mrokfot 5:24

Be Jisasr wanyhato hik hanymorr. Rof yimohat bok met yindari rifhur hik hanymomrn be nahuta yaborr hanymom.

Lukr dwandfamo gutnius mrokfot 8:49

Jisasr yuhre nd mettpno nakfo nuhas hasiwume, asha nd Jairusrhu kuny shofr toni hnehato Jairusr yihom kfo kangrr, “Mirahn Bror ahany furayanr kunykort. Ninhu yont bi mfaknit.”

Jems 4:10

Nmoh Nungothetrhu nyingampno be nhowi rhu marnyahato be rorhu yinhitn rhukfot. Inji rhu marnyarahko, nmoh Nungothetr kfo yindhorrahrt nikmoh rhu toh nmbuhat.

Lukr dwandfamo gutnius mrokfot 5:8

Saimon Pitar inji htihato Jisasrhu wurampno yihom suhhato kfo memorr, “O Broye! Be tmifn wahtanykahna, wanju. Na fasoh nef nayet yimaya.”

Matyu 20:28

To Bro Najomr niamohat, nhai turhu rhu nmbuhat dukahato ndar bbinysoft niarmort. Nhai. Nikmoh rhu beb nmbuhat duka tanyhato niamort ndar bbinysoft. Rorn ndar bbinysof thofroh fasoh fasoh nefm suh nanyorrahrm.”

Matyu 3:11

Na bupaye baftaisimwohat niko hatohyuk fasoh fasoh nefm bi mfafhonimokomm, ndnetann baftaisimwanko. Nanhu mongko nia hnewa yimarn, tu bro bbukeft hatohwor. Na nhai ror kanjo bbukeft hatohkaha. Na nhai rorhu senderm yakitohak hekfot. Rorn tu Bro Nkifrarhu Yafothati kahtpno baftaisimrahrko.

Lukr dwandfamo gutnius mrokfot 7:4

Nd yimam yimomn, Jisasr mkfo naku memomr, “Nd yimar tu dborioh yimayer. Nom Judanom hifa kak marnyewurnom. Rorn nd nmoh rhu rifinyuk rmont hingrnamort. Ndnatn waniakahnn, rorhu hingrna yimar wayak marnyatwanr.”

Lukr dwandfamo gutnius mrokfot 7:7

Yo nhaf na rorpno yinyeft na nhai tu hifa dborioh yimayann yirhoya brbo rorpno. Be inji nndo tohhato be akfokahtr, nanhu hingrna yimar marnyanirahr.