Lukr dwandfamo gutnius mrokfot 5:1 - Bro Nkifrarhu Mrokfot

¹ Wom yihar Jisasr Genesaret bari thmbt tohhato Bro Nkifrarhu mrokfefm ptha hasomotr, bok yimam brbo brbo hany yukukaknihato memoum, “Awanynom ror pthiwa mrokfom.”

Lukr dwandfamo gutnius mrokfot 5:1 Referans Kwoze

Makr dwandfamo gutnius mrokfot 3:9

Jisasr nd bro yima rifhur htihato turhu disaiperm kfo memorm, “Mmbrt bi brbo ania hnetwat. Nda yonmari yima rifhur yakaknerhotma finji yirhoya?”

Matyu 14:34

Tek barit hir hayuknimomn Genesaret mkuko rim dbkafmom.

Makr dwandfamo gutnius mrokfot 6:53

Tek barit hir hayuknimomn Genesaret mkuko rim dbkafhato mmbrt ttafmomt.

Matyu 11:12

Jon Baftaisr tafi mfnah duha, Mosesri profetm hefenrhu kingdo-mkfothu mrokfot ptha nuhas hnamomm. Ptha nuhas hnamomn Jon Baftaisr mfnahmor. Jon Baftaisr mfnahhato yihotar fau mngon hanymorr. Tfit nd yiharn namburet yimam rim toh rafakmomt hefenrhu kingdomkfothu nia yuhat.

Lukr dwandfamo gutnius mrokfot 12:1

Bok yimam rifinynimotm, nhai wom tefi rrfenr htikfot. Rim toh mtohneft to be yimamn muhkfot. Nd yihar Jisasr wom mrokfom kfomorm. Barkofpam afo turhu disaipermn kfo memor, “Niko mirahko ahiknom nd Farisiroh nefm. Kfo fura bofurarahmko.

Makr dwandfamo gutnius mrokfot 5:24

Be Jisasr wanyhato hik hanymorr. Rof yimohat bok met yindari rifhur hik hanymomrn be nahuta yaborr hanymom.

Lukr dwandfamo gutnius mrokfot 8:45

Jisasr yironafhato ttiwon memor, “Na frohr tayoutitawora?” Pitar memorr, “Ka yimam yau hanyhato mtayoutinimn.”

Makr dwandfamo gutnius mrokfot 4:1

Jisasr tfit Galili bari thmbt yihato met yindarim yak nhafohhato mrokfom kfo nuhas bonuhasmorm. Bok yima rifhur rifinymotr be Jisasr htitihato tek barit hiryuk mmbrtn mirhuhato to be met yindarim bari thmbtn rhuhato wany yakitohmoumr ror nd mmbrtn rhuhato pthamoahat.

Lukr dwandfamo gutnius mrokfot 5:2

Jisasr tohhato htimorf wom hus mmbrf yura nungutn teh hatonatamomfn, yimam nd mmbr tikatm rugim, ndm thu kibofsamoum.

Lukr dwandfamo gutnius mrokfot 8:22

Wom yiha Jisasri turhu disaipermpno mmbrtn mirhuhato Jisasr kfo memorm, “Barenko, na kanga tek barit ahir tmbhonikahnomn, mkuko ainyom.” Be inji kfohato yimom.

Lukr dwandfamo gutnius mrokfot 8:23

Tek yuhat hir hanyhato Jisasr hwemor. Ror hweyetrn, bro wifort sinyahato fryif hany titamotm.

Lukr dwandfamo gutnius mrokfot 8:33

Be Jisasr kfomotr nd kmi yarhm nd yimar thu troh tanyhato fohmn fkneni hanymom. Be fohmn fknenihato thu hafunanimotmm, nd fohm kmi kihahir yuhat mitarhotnihato tek baritn mitayif wurasoh bugamom.

Jonr dwandfamo gutnius mrokfot 1:40

Nd Jisasr yau hikaknimo yima husf, to Andrur tor womr. Andrur, Saimon Pitarhu najomr.

Jonr dwandfamo gutnius mrokfot 6:1

Tfit kto Jisasr tfit mmbrt yaknihato tek Galili barithu mkuko yimor. Nd tek barithu wom yufat kutewumt Taiberias.

Hibru 13:7

Bro Nkifrarhu yon kunys tohuka-tohmoa yimam mirahko duka mmonomm. Romn hifa tohhato Bro Nkifrarhu mrokfot kfo pthamotmt wanymokomt. Rom tohmohat be Jisasrn hikhany hik hanyhato be mnohmom. Nhai thu trohrmomr Jisasr. Niko rom Jisasr hikmo hikeft hikkfot.