Lukr dwandfamo gutnius mrokfot 3:22 - Bro Nkifrarhu Mrokfot

²² Mount yoh tnehhato nd yoh tnehmo yuhatn wuhtiyakmort Bro Nkifrarhu Yafothat ganyom mmkrs kanjo yak nhombranehato fawihnamot. Be nd ganyom mmkrs yawihnamotn yimar mirhumot. Tfit yura mountko wom tngt wanymort. Nd tngt kfo hany memot, “Ni nanhu yone. Nanhu marbit korhwot ninn. Hifa hti yindhorwann.”

Lukr dwandfamo gutnius mrokfot 3:22 Referans Kwoze

Jonr dwandfamo gutnius mrokfot 1:32

Tfit Jonr kfo ptha memor, “Na nd yimarhu baftaisimneftpno htimoyant Bro Nkifrarhu Yafothat yura hefenr wutoh tanyhato ganyom mmkrs kanjo yak nhombranehato fawihnamot. Be nd ganyom mmkrs yawihnehato be yimarn mifakmort.

Matyu 17:5

Pitar inji ptha hanymor wom gribfat yawihnehato kasi hmbremotm. Nd gribfat fnhu bugamot. Yiro nd gribfatn wom tngt niamot. Nd tngt kfo memot, “Ndarr nanhu Yoner. Be tu marbitn htewanr. Hifa hti yindhorwanr. Ror pthayuk mrokfom wany yakiokfot.”

Matyu 3:17

Tfit yura mountko wom tngt wanymort. “Asor tu nanhu marbit yorhwa yonr yo na tu hifa hti yindhorwa yonr.”

1 Pita 2:4

Nikmoh dukefm Nungothet Jisasrpno htamoatko Bro Nkifrar inji htihato rorhu yufat rhuyuk yon kunys fak htamorko. Yak htahato rorhu rmont kanjo kasinyamorko. Womm rom nhai. Jisasr yakmomr rifak htafmomr. Tu Bro Nkifrarhu yima yuhur ror Jisasrpar htamour. Ndnatn Jisasr yak-morr rmonthu dany rahur kasinyamorr. Niko rorhu yon kunys, niko wohnfa rahu nd ndeko. Niko Bro Nkifrarhu priseko. Turhu rmonthu hingrneft hingrna yimako fak htamorko. Niko lotuhato windoh nd nd nefm newam Jisasr yekwarm Bro Nkifrar wuyahukr ofakfot yahuka kanjo. Bro Nkifrar inji htihato yindhorwor.

Matyu 12:18

“Ndarr nanhu hingrna yimayer. Na tuka kfo htamoyanr. Rorn hti yindhorhato nanhu yima yuhur rorpno korhr. Nanhu Yafothar thu nawohruhattr, kmi kmim tohwa yima tangim kfo nuhas hany mirahrm, ‘Bro Nkifrar bi kak yibonworko.’

Kolosi 1:13

Nom afo Satanrhu tirtn rhumonom. Tfit Bro Nkifrar yakmornom Jisasrhu tirwafitn wakmbremornom. Turhu marbit rhuyuk Yonrhu tirtn wakmbremornom.

Lukr dwandfamo gutnius mrokfot 4:21

Jisasr rhuhato nd kunys rhuyuk yimam kfo memorm, “Nda niko wanu mrokfot to bi asot bi arihatn nd neft htitwokom bi mfrfnah hanitt.”

Matyu 27:43

Bro Nkifrar hikwarn kfo kangr, ‘Na Bro Nkifrarhu Yona.’ To bt Bro Nkifrarhu yima yuhur rorpno rhu thombat, to Bro Nkifrar wom nefm anakahtrr nd bgre mis htanyhato amifnahnekahtr ahtinomr.”

Matyu 3:13

Be tor nd yiharn Jisasr Galilit htanyhato tek Jodenkor yimor. Memor, “Jon Baftaisrpno aikahann rorhu tire baftaisafrahra.”

Matyu 3:16

Jisasr baftaisneftpno wuyak muhakmorn tfit mfrsohneftpno yura mountko htimortko rim rhu mrhumot. Yiro moun rifhu yuhatn wuhtiyakmort Bro Nkifrarhu Yafothat ganyom mmkrs kanjo yak nhombranehato fawihnamot. Be nd ganyom mmkrs yawihnehato be yimarn mifakmort.

Makr dwandfamo gutnius mrokfot 1:9

Be tor nd yiharn Jisasr Galilikorhof kmi Nasaret htanyhato niamor. Niamotr Jonr tek Jodentn baftaisim-morr.

Makr dwandfamo gutnius mrokfot 1:11

Tfit yura mountko wom tngt wanymort. Nd tngt kfo hany memot, “Ni nanhu yone. Nanhu marbit korhwot ninn. Hifa hti yindhorwann.”

Makr dwandfamo gutnius mrokfot 9:7

Be tfit wom gribfat niamotn yawihnehato kasi hmbremotm. Yiro nd gribfatn wom tngt niamot. Nd tngt kfo memot, “Ndarr nanhu Yoner. Be tu marbitn htewanr. Ror pthayuk mrokfom wany yakiokfot.”

Lukr dwandfamo gutnius mrokfot 2:14

“O yura hefenrhu tunga Nkifraye, nda bbinysofthu yimam ni hti yindhorwam wayak marnyakahtnm, yima yuhum noh hmbrerahmm.”

Jonr dwandfamo gutnius mrokfot 5:37

Na Yifemr tkrurafmotra nda bbinysoft niamoya. Turn nanhu rhu toh nmbuhat kfo ptha nuhasmor. To rorhu tngt nhai nikmoh yimbhindange wanyrmokomt yo nhai rorhu nyingatikt nikmoh nyingaye htirmokomt. Nhai.

Jonr dwandfamo gutnius mrokfot 12:28

Bro Yifeme, ninhu yufat abrotwat.” Jisasr inji pthanimotr wom tngt yura hefen yuhat niamot. Nd tngt kfo memot, “Nanhu bro yufat bi fak nuhas hnamoyanm. Tfit wompam yak nuhasruhanm.”