Lukr dwandfamo gutnius mrokfot 3:18 - Bro Nkifrarhu Mrokfot

¹⁸ Jonr mrokfom pthamohat nhai be nd mrokforpam kformor. Hifa hifa dborioh mrokfom kfo yingmarimorm.

Lukr dwandfamo gutnius mrokfot 3:18 Referans Kwoze

Aposer 2:40

Pitar nhai be nd mrokforpam ptharmor. Bok kfo yanho mrokfom kfo memorm, “Yo niko dukahato tohkfot. Fasoh fasoh nefm nayet yimampno kanga rpat faso yak bebrahrko.”

Jonr dwandfamo gutnius mrokfot 1:34

Na tukianhu nyingaye htimoyanrn kfiwanko, nd yimar tu Bro Nkifrarhu Yoner.”

Jonr dwandfamo gutnius mrokfot 1:29

Tfit hwe fnah ndwom marrn Jonr htiyakmorr Jisasr. Htiyakhato kfo memor, “Wahtiko. Ndr Bro Nkifrarhu sifsif yoner. Rorn bbinysoft tohwa tuhan yindari bugaroh fasoh fasoh nefm yak thuhirahrm.

Jonr dwandfamo gutnius mrokfot 1:15

Jonr rorhu nia mrokfot kfo pthahato kfo nakuyaf memor, “To nda yimarn na kfo hna memoya, ‘Tor nanhu mongko nierahr wom yimar, ror bi Bro Nkifrarpno rpat ritohngotakmor. Ndnettn rorn buriwura.’”

Lukr dwandfamo gutnius mrokfot 3:17

Ror witthu hoftha kr nd ndroh thu krhayuk safort tirtn kakitohwort. Tu hifa witham yak nhafohruharm, turhu naku dany kunysn htarahrm. Nd hoftha kr tikmn tu yiha yiha nanyjar hatohet kahtn kandhi thurahrm.”

Lukr dwandfamo gutnius mrokfot 3:19

Jonr pthamo mrokfom rom hifa pthamorm tfit turn nd Judaroh gafmanr kutewumr Herotr, ror nahnamo fasoh fasoh nefmi yo najom tuhan Herodias yakmo yuhat, nd ndmpno Jonr kfo nyingo fnahmotrr, be wom Herotr namburhato Jonr yakhato kalabusn htamorr. Herotr nd Jonr kalabus htamo yuhatpno tot tu wom bro fasoh neft ror namot.

Aposer 20:2

Masedoniako yihato ndkorhof kmi kmiroh Kristenm toh bmtayuk mrokfom hi hanymorm. Mrokfom hihany hihany be tfit Grikko mifnah-mor.

Rom thofroh gontwat Porr dwandfakhato htafmot 12:8

O ni womnn wom Kristen-roh kfo bmta mrokfo hanyeft ni hifa tafs marnyewunt, to be ninn nd hingrneft hingrna hanykfot. O ni womn wom Kristenroh tamoh tamoh hanyeft kakitohwont, to be nd yima he wiforneft yakitoh hanykfot. O ni womn Bro Nkifrar hikwa yimaroh tohak yimam hingrnefthu hingrna yuham hingrna tafs marnyewunm, ni nd hingrneft yakitoh marnyakfot. O ni womn yima yak marnya fura bofurayete, to be ni nd neft yindhorhato nd neft yakitoh hanykfot.