Lukr dwandfamo gutnius mrokfot 21:10 - Bro Nkifrarhu Mrokfot

¹⁰ Wom mrokfom kfo ptha memor, “Htirahko yo wanyrahko wom kantri-kfot sinyaruhatn wom kantrikfotpno nnarahf. Wom kingr sinyaruharn wom kingrpno nnarahf.

Lukr dwandfamo gutnius mrokfot 21:10 Referans Kwoze

Makr dwandfamo gutnius mrokfot 13:8

Htirahko yo wanyrahko wom kantrikfot sinyaruhatn wom kantrikfotpno nnarahf. Wom kingr sinyaruharn wom kingrpno nnarahf. Wom kmim yatinoh wormr tohrahrm. Wom kmim bro nunes toniraht. Nd nefm yironarah-komm yon fanet mett barkof riyak yironekwa kanjo.

Hibru 12:27

Ndt nom dukaf hanykfot. Bro Nkifrar kfo yamukohat, “Wompam thu ninor-ruhanf mounti bbinysoft,” ndt duka-kfot. Mekahtr finji akfoya, be nhai wom tamohm rhuruhatm. Mibatiniyuk tamoh tamohm nd yiha yak bati thurahrm. Rhu hanyukrpam myak htanirahrm.

Aposer 11:28

Rroh womr, Agabusr, Bro Nkifrarhu Yafothat mthu nawohmottr kfo memor, “Nda Rom thofm tohukatohwa bbinysof bugat bro yatinoh wormr tohrahr.” Nd ror kfomo mrokfot fipet mrokfot kfomor. Kto Sisa Klaudiasr king tohmo yiharn nd yatinoh wormr tohmor.

Lukr dwandfamo gutnius mrokfot 21:9

Mrokfom wanukwoko kamukm, ‘Bi ndha nnayureft korht,’ mirahko ayakrme difronnom. Ndhtet nefm rom nierahm. To mirahko ka bi nd nefmpno bi brbohwor yihar. Nhai.”

Lukr dwandfamo gutnius mrokfot 21:11

Yo htirahko yonmari yonmari nunem tonirahm. Wom tkitm wanyrahko kfo mirahm nd kmit o kantrikfot yeshri duhatm tohwom. Wom kmimn o kantrikfotn kfo mirahm bro dbohneft korht. Yura mountko htirahko nndo nndo rhuraht. Nhai ndar rot yorhwa kanjo hti-ruhatkomt. Yimako nhai bmtaruhatko. Yonmari yonmari yima brom, nanyjaret yimam tfit mikukentarahm.