Lukr dwandfamo gutnius mrokfot 16:2 - Bro Nkifrarhu Mrokfot

² Nd yimar inji wanyhato nakuyakmorr nd wuska tohukatohmoa yimar. Nakuyakhato niamotr ttiwon memorr, ‘Na nd wanymo mrokfot ka tu mrokfot wanymoya? Nd wuskaroh yak nfhoti nmbuhat yo yak he furafhany nmbuhat? Inji wanymoyann ni be nhai wom tohukatohruhatnm nanhu tamoh tamohm. Be yak tuhaforuhann. Wuroht afo waikahnn tamoh tamohm yak hta kars bokars tanykahnm yirahn. Ni nd namo neft gontwatn wahta buga tanykahnm yirahn.’

Lukr dwandfamo gutnius mrokfot 16:2 Referans Kwoze

Revelesen 20:12

Ee tom tfit htiyak hany-moya nd bi noh hanymo yufet yufet yimam yo yufa duha yufa duha yimam myak dborhahato nd sia kingthu nyingatikko mtoh hanymom. Mtoh hanymotm ee nd met yindarim nahanyuk nefroh kfo nuhas mrokfom yorhwa gonborngm mounmotm fak-momm. Yo tfit toh yifahtayuk yimaroh yufam yorhwa wom bro gonborngt fakmomt. Yak htatahato nd gonborngm rhuyuk kfo nuhas mrokfomn sia kingt rhuyuk yimar htiyak hanyhato fak hta bohtamorm yimam.

1 Pita 4:10

Niko rpa rpa yimako Bro Nkifrarhu Yafothat rpa rpa hingrnefm he nhombra hanymotko. Tuko Kristenko nd hingrnefm yakitoh-hato tuko nahti duka nahti dukakfot. Yafothat hayuk hingrneft mirahn be tuhaftahato arhut. Nhai. Tamoh hingrneft fahurn, hingrnakfot.

1 Pita 4:5

Kto tumn kot tohruhamn Jasr kfo nuhas hik bohikrahmr, rom niwa nmbuhat. Nd kot yakitohyuk yimar bi yak htatetr korhr. Rorn wanyrahrm arihat tohwa yimami noheh yimaroh kotkfot.

1 Timoti 5:24

Womroh fasoh fasoh nefm tafont nriyafwatm htitwonom. Htihato kfo kangnom nd yimar mrokfetr rhurahr. Womroh nefm be rhu kafroh marnye-wum, kto nriyafruhatm htirahnom.

1 Timoti 4:14

Mirahn ariwohsisaka Bro Nkifrarhu mrokforoh pthaneft. Eldam tir hta hanyhato kfo ptha hanymoa mrokfo yafothar to bi ninn muhmor.

2 Korin 5:10

Ndt nhai be sfno inji kfokaha. Kraisrhu kotkfot toh bugarahnom. Nd kotkfotn nom thatiptpno tohhato niwa dborioh nefm o fasoh nefm yak nhta-ruharmn ttha nhombra hanyrahrnom.

1 Korin 4:5

Ndnettn bi mirahko bi nikomn Kraisrhu hingrna yimam hingrnewa hingrnefm bi nikomn akfo amanyom, “Nd yimarhu hingrneft hifa, nd yimar nhai.” Kothu tohyuk yihar afo tor riyorhwor. Bi mirahko bi nikomn akfo nhtanomm o ayak nhtanomm. Bro Nungothetr afo nierahr. Ror nieruharn nd kafrohet kafrohet nefm yo kafrohet kafrohet duka yima yuhum yimam wany won duham yakhato tafontn htarahrm. Nd yiha yima yimanom hingrna hanyuk hingrnefroh kfo yindhor mrokfom, Bro Nkifrar kfohi hanyruham, wany hanyrahnomm.

1 Korin 4:2

Wom yimar yihato wom yimar yakhato rorhu hingrneftn fak hterr, nd yimar mrokfom wany yakiohato hikkfot.

1 Korin 1:11

Klowirom kfo memoma, niko tohwohat niko tuko nnakfo nnewuko.

Rom thofroh gontwat Porr dwandfakhato htafmot 14:12

Ndar bbinysoft tohhato niwa nefm kto tunomn Bro Nkifrarhu nyingahato rpa rpa mtohhato tamoh nefmpno riruhakhato tamoh nefm namomm, nd yiharn kfo dbruf nuhas buga hanyrah-nomr.

Lukr dwandfamo gutnius mrokfot 12:42

Bro Najemr sinya-hato tfit kfo memor, “Fitoh yimar hingrna marnyewur, tor nd yimarn turhu tu bro tohukatohr wom tkitm yinyeft, kak htewurr wom hingrna yimaroh tohukatohneft yo kfo nuhasworr hingrna yimaroh yeshr heyuk yiharoh yeshr hanyeft.

Lukr dwandfamo gutnius mrokfot 12:20

Tfit Bro Nkifrarn kfo memorr, ‘Bare ni faso kfo hamumiwun. Ni asomif nohneft. To frohmn yakruhamm nd ni hta tibmonyuk wuskam?’

Matyu 12:36

To kfiwanko, nd bro kotkfot yakitohruha yiha, nd yiha nd yimam tubatu fura bofuriwa mrokfom kfo ptha hik bugarahmm.

Matyu 20:8

Bi tu wuroh krif miftn wain swir tikatr kfomorr hingrnefroh tohukatohr. Kfo memorr, ‘Hingrna yimam wanakuyakkahnm rom hingrnehat maruham wahiyaf hanyswanm. Maruham hiruhanme wuroh nia hingrnayuk yimamn warihe gungonaktwa. Hihany hihany, ee nd barkof mhingrnaknayukm wurohm wahitwanm.’

Lukr dwandfamo gutnius mrokfot 16:1

Jisasr turhu disaiperm wom mrokfot yakhato kfo ptha nuhas memorm, “Wom yimar nhai be kukenhato harhurmoar yeshri wuska maru kunym. Nd yeshri wuska maru kunym wom yimar yakmorn rorn nd rorhu tamoh tamoht tohukatoh hemourr. Wom yiha wom yimam nd yimarpno yihato mkfo memomr, ‘Nd ninhu wuskam tohukatohwa yimar wom wuskam he fura bofura hanitrm yimam, womnam turn kak nfhotiyaf hanitr wom wuskam.’

Lukr dwandfamo gutnius mrokfot 16:3

Be nd tohukatohr yimorn kfo memor, ‘Na nd yimar yak tuhaf thombat be finji narhoya kmiko rhu fura thombat? Na nhai wofnkaha sfno marufapa duha rhuhato womm rim tndauneft. Nhai. Be tu bro yimtnaneft yakrahta na inji naneft. Yo nhaft na tu be narho bnhaya. Womm kfo mirahma, “Wania nmoh mswirthu bbpam watou kekuthennom,” na nhai hingrnarhota.’