Lukr dwandfamo gutnius mrokfot 12:16 - Bro Nkifrarhu Mrokfot

¹⁶ Inji kfonihato wom maru kunyet yimarhu kfo nhombra mrokfot yak-hato kfo memorm, “Wom bro maru kunyet yimar mswirt htamortn nd mswirthu yeshrt hifa sinyahato hirmot.

Lukr dwandfamo gutnius mrokfot 12:16 Referans Kwoze

Aposer 14:17

To mirahko ka nd yihar Bro Nkifrar ka rim fnahnihato nhai tamoh tamoh nefm yak nuhasrmorm. Nhai. Ror turhu kmi hefenr rhuhato kfomoatr bum wihmoum, hifa hifa yewurithu sinya yihar sinyamout, yemrot thu brur hemourko yima yuhum thu yindhormoatrko yindhor rifhumpno tohmouko.”

Matyu 5:45

Inji narahko, hefenr yorhwa Yifemrhu yonko rhurahko. Nd Yifemrhu marrpar kekworm fasoh net yimami dborioh nayet yimam. Yo ror yahuka buriohrpar wihhato kekworm dborioh yimami fasoh net yimam.

Matyu 13:8

Nd tu hifa dborioh bbinysoft misuh hanyukm, romn tu hifa sinya marnyamomn yukha hir trukmom, wom dmm 100 hirmoum, wom dmm 60 hirmoum, wom dmm 30 hirmoum.

Lukr dwandfamo gutnius mrokfot 12:15

Inji kfonihato kfo memorm, “Yo niko, wuskam hti wuttha duha. Womr bok wusketr htiruhann mirahn, ‘Na kanga inji bok wusketa aruha ndu yimar kindo.’ Mirahn wuskam adukaya. Tunhu tohneftn dukakfot. Yimar wusketr nhai nd wuskamn rorhu yafothat thu bmta hatohruhattr toh hatohruhar. Nhai.”

Lukr dwandfamo gutnius mrokfot 12:17

Nd maru kunyet yimar nd yeshrt htimortn duka memor, ‘To ndar yeshrt yakrhoyante, to fitoh bro kunymn yak htarhoyant? Nhai wom bro kunym nd yeshrthu htayukm.’