Lukr dwandfamo gutnius mrokfot 11:9 - Bro Nkifrarhu Mrokfot

⁹ Ndnatn na kfiwanko, tamohm yak yibonrahko, Bro Nkifrar kfo tatokfot. Kfo tatorahko ee hirahrko. Yimam yak hambrohany yak hambro hanyrahm ee mhtirahm. Yimam brbo yihato mkfo tndaurahm ee htiruharmn yakhato hiyafrahrm.

Lukr dwandfamo gutnius mrokfot 11:9 Referans Kwoze

Makr dwandfamo gutnius mrokfot 11:24

Nikmoh yima yuhum rpa dukefrpar rhuhato tamohm kfo bruttna kfo mirahko, ‘Nom asomif kfiwohat Bro Nkifrar wanukwarn nd nom kfo bruttnewa shrm htitnomm.’ Inji dukahato kfo bruttnarahko, to be hti mifrahko.

Matyu 21:22

Nikmoh yima yuhum rpa dukefrpar rhuhato tamohm kfo bruttna kfo mirahko, ‘Nom asomif kfiwohat Bro Nkifrar wanukwarn nd nom kfo bruttnewa shrm htitnomm.’ Inji dukahato kfo bruttnarahko, to be hti mifrahko.”

Jonr dwandfamo gutnius mrokfot 15:16

Na nhai nikomn yakrmokma nikompno tohneftn. Nhai. Nann fakmoyanko. Nann yakhato hingrneft hemoyanko. Memoya nd hingrneft wayakni waikahkomn niko hingrnayuk hingrneft fipett rhuhato yukhett rhuraht. Tu rhu nkifraniyet yukham hirrahm. Ndnettn nanhu yufatpno Bro Nkifrar wom shrm ttiwonrahkomr be hirahrko.

Jonr dwandfamo gutnius mrokfot 15:7

Niko nanpno frtkafhato nanhu mrokfot yakhato yakitohrahkomt, nhai mrokfom, tamoh tamohm ttiwonneft, to be tukmoh duka fijo kfo ttiwon-ruhatkomr hirahrko.

Jonr dwandfamo gutnius mrokfot 14:13

Tamoh tamohm nanhu yufatpno kfo ttiwonrahko, hiruhanko. Nd yuhatn Bro Yifemr bro yufat yakrahr.

1 Jon 3:22

Yima yuhum inji rhuhato Bro Nkifrar tamohm kfo ttiwonwonomr, awi, kahukrnom. Rorhu mrokfom hikhato ror hti yindhorwa nefm hikwatnom, ndnetrn nom tamohm kfo ttiwonneft kahukrnom.

Jems 1:5

Nikmoh wom yimar wom tamoh dukefm myak kkopentewur, Bro Nkifrarpno kfo bruttnahato Bro Nkifrar dukefm hirahrr. Bro Nkifrarpno tamohm yimam kfo ttiwonneft nhai wany marsisakahrm. Hifa yima yuhurpno he fura bofurewurm.

Hibru 11:6

Yimam, Bro Nkifrar kfoyuk mrokfom nhai wany yakiokahmm, nd yimam Bro Nkifrar be nhai yindhorruhatrm. Yimam duka kangm, “Bro Nkifrar brbo yorhwarn yak marnyarahrm nmoh tamoh tamoh nefm,” nd yimam nd dukefr yorhwatrm yima yuhum sinyewumm Bro Nkifrarpno brbo yi tohneft.

Jems 5:15

Bro Nkifrarko bro dukefm hta mif mifhato kfo bruttnaneft, Bro Nungothetr nd yimarhu dbohneft yak marnyahato tfit yak kasinyarahrr. Yo nd yimar wom fasoh nefm rhuneft, Bro Nungothetr yak thuhirahrr rorhu fasoh nefm.

Hibru 4:16

Ndnettn nom to inji buga, yakrme duha Bro Nkifrarpno brbo yikfot. Ror yima yuhuwafeter. Nom rorpno brbo yinyeft be hti yuhuwafrahrnom. Tamoh krho nmbuham yakneft rorpno yakrmeni-hato be nd rorhu yuhuwafeftn thu kasirahtnom.

Jonr dwandfamo gutnius mrokfot 4:10

Inji kfomottr tfit Jisasr kfo memort, “Bro Nkifrar yahuka tamoh tamohm ni bi wahti hik bohiknm yo na bupa tndauwa yimaya bi wahti nhtana, to tfit ninn toh kekuthato womhtet bupam kfo tndaurfona. Inji tndaurfotna womhtet bupam herfoyann. Nd womhtet bupam yanyeft yimam toh nkifranitm.”

Matyu 6:29

To na, na kfiwanko, bingot Solomonr tu dborioh dborioh wondht wondhmour. To rorhu wondht nhai be mfro yifa tohrmot. Plauamn tot tu wondht harhuwomt.

2 Korin 6:2

Bingot Aisaiarpno Bro Nkifrar kfo memor, “Nikmoh nrfa hbhakhato yak marnya yihar bingot bi kfo htamoyanr. Tu nd yiha mif naku kfomokone ee nikmoh naku tngm wanymoyanm.” Ais 49.8 To wawanyko. Nom ndar yiha tohwa yimanmoh yak marnya yuhat to bi ndar yihamn Bro Nkifrar kangr, ayak marnyayanko yo ndar yihamn kangr, anrfa hbhakanko.

Makr dwandfamo gutnius mrokfot 13:37

Ndar na kfiwa mrokfom yuht met yindari bugam kfiwa. Niko buga difronhato hti yukatoh hasokfot.”

Rom thofroh gontwat Porr dwandfakhato htafmot 2:7

Yimar bbinysoft tohhato be dborioh dborioh nefrpam yakitoh-hato rorhu dukefr Bro Nkifrarpno mrhuniyuk dukefrn korhwor yo toh hatohyuk bro yufati toh nmbuhat duka duka korhr, nd yimar Bro Nkifrarpno mtoh nkifranirahr.

Matyu 21:31

Jisasr inji kfohato ttiwon memorm, “Nd hus yonfe frohrn yifemrhu mrokfot wany yakiomort?” Rom kfo memom, “Nkatirn yifemrhu mrokfot wany yakiomort.” Rom inji kfomotmr tfit Jisasr kfo memorm, “Na kfo mifwanko, takis marut yekwa yimami yo ijoh tonita metm, romn tohekwomt Bro Nkifrarhu kingdomkfot.

Revelesen 2:24

To niko wom womko Taiatairat tohyukko nhai rot kfo srh nuhasyuk mrokfo yuhat hikrmoko, yo nhai yakr-mokomt rom kfo yamuka, ‘Satanrhu kfo kafroh mrokfom.’ Na kfo mifwanko, na nhai tfit wom krhopam thu hutar-hotanko.

Lukr dwandfamo gutnius mrokfot 11:10

Yimam yihato mkfo tatewumr ee kahukrm tamoh tamohm. Yimam hambro hanitwom ee mhtitwom. Yimam brbo yihato mkfo tndauwom ee htitwarm yakhato hiyefiwurm.