Lukr dwandfamo gutnius mrokfot 1:48 - Bro Nkifrarhu Mrokfot

⁴⁸ Na rorhu hingrnefm hingrniwa met furapaya. Nhai marimor met furayet. Nhai. Nanhu rhu nmbuhat htihato hti yuhuwafmora. Arihami kto bok met yindarim na nda Bro Nkifrar yak marnyewa nmbuhat htiruhamn, kfo yindhorrahmt nanhu yufat.

Lukr dwandfamo gutnius mrokfot 1:48 Referans Kwoze

Lukr dwandfamo gutnius mrokfot 11:27

Jisasr nd mrokfot pthamohat bro rifiny buharn tohhato nd mrokfot pthamort. Nd ror pthamo mrokfot ptha buganimotrt, wom mett nd yima rifiny buharn wasinyahato Jisasr kfo memotr, “Jisase, ninhu hiyau mmemt ninhu hingrneft hti thoft ka be tu bro yindhoreftpno korht.”

Lukr dwandfamo gutnius mrokfot 1:42

Mithu nhombramotrt, yimat bro yindhor yima yuhur yakhato Mariat masat kfo ptha memott, “Metroh mkukort be ni Mariann Bro Nkifrar yak marnya bomarnyarahr. Yo nd yatit rhuyuk yonr, ror inji buga yak marnyarahrr. Rpat nimehetfn yak marnyarahrfn.

Lukr dwandfamo gutnius mrokfot 1:28

Nd mounmotr rotpno yihato mkfo yindhoraknihato kfo memort, “O bar mete, nine to? O hifa mete, Brorko hifa hti yindhorworn.”

Lukr dwandfamo gutnius mrokfot 1:45

Elisabett sinyahato Mariat kfo memott, “Maria, Bror mikfo tanyuk mrokfom ni hifa wany yakiowonm. Ndnatn yak marnya bomarnyarahrn.”

Lukr dwandfamo gutnius mrokfot 1:49

Bro bbuka nanyjaret Nkifrar be tu hifa fak htamora. Ndnatn nanhu yima yuhurio rorhu yufat be inji tahirhut rhuraht.