Lukr dwandfamo gutnius mrokfot 1:42 - Bro Nkifrarhu Mrokfot

⁴² Mithu nhombramotrt, yimat bro yindhor yima yuhur yakhato Mariat masat kfo ptha memott, “Metroh mkukort be ni Mariann Bro Nkifrar yak marnya bomarnyarahr. Yo nd yatit rhuyuk yonr, ror inji buga yak marnyarahrr. Rpat nimehetfn yak marnyarahrfn.

Lukr dwandfamo gutnius mrokfot 1:42 Referans Kwoze

Lukr dwandfamo gutnius mrokfot 19:38

“Bro Nkifrar ayak marnyatwarr ndar kingr Brorhu yufatpno yitar. Bro Nkifrarhu yufat yura yura amhtamift. Nom ndar bbinysofthu met yindarinom rorn yima yuhum yak marnyaruhatrm yima yuhum mirhurahmnom.”

Lukr dwandfamo gutnius mrokfot 1:28

Nd mounmotr rotpno yihato mkfo yindhoraknihato kfo memort, “O bar mete, nine to? O hifa mete, Brorko hifa hti yindhorworn.”

Lukr dwandfamo gutnius mrokfot 1:48

Na rorhu hingrnefm hingrniwa met furapaya. Nhai marimor met furayet. Nhai. Nanhu rhu nmbuhat htihato hti yuhuwafmora. Arihami kto bok met yindarim na nda Bro Nkifrar yak marnyewa nmbuhat htiruhamn, kfo yindhorrahmt nanhu yufat.

Hibru 12:2

Nmoh nyingako tohakyuk yima Jisasrn nmoh nyingam be rorrpar hti hti tonekfot. Nhai mano mano riyukatoh ayukatoh hanykfot. Rorn kfo htak hanyruharnom tonihany toni hanyhato be Bro Nkifrar yorhwa tkitt mtone fnahrahnom. Tot mtone tmbhoyuk tkitt. Jisasr bgre misn noh-mohat, nhai marimor, “Yimtnaruha.” Nhai. Rorhu dukeft kto hifa rhu nmbuhathu yakneft dukahato nhai yimtnarmor bgre mis nohmohat. Fura nd yimtna rifhur yak marsisanihato bgre mis nohmor. Ndnetrn arihat bi hifa tkittn Bro Nkifrar yimam bro yufa yahuka mkuko korhr.

Rom thofroh gontwat Porr dwandfakhato htafmot 9:5

Turoh nkifram, Abraham Aisak Jekofrom, Bro Nkifrar fak htamorm. Nd rroh frikef yuhat niayuk mettn nom hbhakyuk yima Kraisr tfit hiyaumotr. Nd yima Kraisr tu yura myorhekwa Nkifrayer. Nd dukeftpno yiha yiha nom rorhu yufat kfo yuta hagrhahany, yuta hagrha hanye, be. Nmoh dukefm to be inji duka hanykfot.

Lukr dwandfamo gutnius mrokfot 1:41

Rim kfo yindhoraknimott, nd Elisabetthu yatit rhuyuk yonr ka nd yindhor mrokfot rim pthaknimott, ror riyindhorhato ridbuhatokmor yiro yatitn. Bro Nkifrarhu Yafothar yawihnamorn, Elisabettn mithu nawohmor.

Lukr dwandfamo gutnius mrokfot 1:43

Na ndhtet met furapaya, to tamohmpno ar Brorhu mmemt tfit nanpno wanies?