Lukr dwandfamo gutnius mrokfot 1:1 - Bro Nkifrarhu Mrokfot

^1-2 O Tiofilus, Jisasrpno rhu hawihnamo nefm bok yimam htimomm. Rom htihato pthamomm. Pthamotmm wom yimam rompno wanyak hanyhato wandfa hanymomm nd Jisasrhu tndh mrokfom.

Lukr dwandfamo gutnius mrokfot 1:1 Referans Kwoze

1 Timoti 3:16

Rpa yima yuhuri rpa tngr nom rpat tohhato kfo pthafkfot Bro Nkifrar nom yak nuhasmo tu yafothet mrokfothu mnat. Nd mro-kfothu mnat inji kroht: Tu yima mif that yaknehato, mifak dborhamotr, tuhant yindars htimomr. Ror tu mndohmb yima mifr tohmor. Nhai wom tamoh nefenr rhurmorr. Ndm Bro Nkifrarhu Yafothatn yak nuhasyukem. Mounmotm hti bugamomr. Rorhu mrokfom yimam yaknimomm, kmi kmi kfo ptha habrimomm. Ndar bbinysofthu yimam wany yakiomomr. Bro Nkifrar yura hamuhmorrn, bro yufat hemorr.

Jonr dwandfamo gutnius mrokfot 20:31

To nd dfik mirakerroh mrokfo nmbuham na htayukm, ndm be nikmoh hti, yo wany yimbuyukmn htamoyanm. Memoya ndm htiruhamn Jisasrhu mrokfom yakhato hikrahmm. Nd yima Jisasr tor nd Yonr yimaroh minrfa htiyakyukr Bro Nkifrar kfo tkrurafmor. Rorhu mrokfom wany yakiorahkomm, be toh nkifranirahko.

2 Timoti 4:17

Jisas Kraisrn toh tkafmora na nd kotkfot tohmohat. Rorn bbuka rifhur hnamourr. Nd bbuka rifhur hiyaf hanymoatra na tohhato Bro Nkifrarhu mrokfot kfo pthamoyant. Kfo pthamotant nd Romr tohyuk yima tangim wanymomt. Ka Jisas Kraisr atoh tkaf duha yira, ka bi laionroh yatimn yihom kfe bdgrmoya.

Makr dwandfamo gutnius mrokfot 16:20

Be Jisasrhu disaiperm kmi kmim yi htfashato Jisasrhu mrokfom kfo ptha habrimomm. Bro Nungothetr tohnho-moatrm rom pthamoa mrokfem fipetm rhumoum. Wom wom mirakerkfom rpat hingrna htfasmoum. Ndnatn rom pthayuk mrokfom wany yakiomoumm.

Rom thofroh gontwat Porr dwandfakhato htafmot 4:21

Nhai finji finji dukarmor. Be kfo memour, “Bro Nkifrar kfoyuk mrokfot nhai furarmor. Htiruhant tu fipett rhuraht.”

Rom thofroh gontwat Porr dwandfakhato htafmot 14:5

Yo wom yimam duka kangm, nd nd yiham tom Judaroh bro yiham. Tfit womm kfo kangm, nd yiham Bro Nkifrar nhai wom yukatohkahrm. Inji nakfo nakfiwum. Ndnettn na kfiwanko. Mirahko womroh dukefmn ahiknom. Tukmoh dukefmn hikkfot. Tunhu yima yuhur kfo kangr, inji inji wahikn ee nd dukefrn hikkfot.

Kolosi 2:2

Na inji hingrna nnfiwohat nanhu yima yuhur duka kangr, niko Bro Nkifrar hikwa tuhan yindariko bi tat yima yuhumpno warhukahkomn tir nayakitohhato rpa yima yuhur bi warhuko. Ndhtet dborioh dukefm wayakkahkomn niko Bro Nkifrar hikwa yihotar nd dborioh dukefmn thu bmta hanyruhatmko nd Bro Nkifrarhu yak kafkoyet mrokfot htirahkomt. Nd kfo kafkoyet mrokfot to nd Kraisrhu gutnius mrokfoyet.

Kolosi 4:12

Nikmoh kmi thof Epafrasrn wom kfo yindhor mrokfot htefiwurt. To nd Epafrasrn tor niko hingrnanuhiwa yimatr. Yiha yiha nd yimar nikmoh yufam yutewarko kfo bruttnewur. Nhai wom yihar rhu furakahrr. Kangr, “Bro Nkifrar akfo bruttnakahtanr, rroh Kristen toh nmbuhat toh bmtaruhamn mirahm nko fitoh dfikrhof Kristenem.”

1 Tesalonaika 1:5

Nom nd gutnius mrokfom nikmoha hnehato kfo ptha nuhasmohat be Bro Nkifrarhu Yafothathu bbukeftpno ahingrna duha yinom, be mrokfo furam kanjo wany huhrasaformokomm. Nd Bro Nkifrarhu Yafothat, nom hatohyukt, nd Yafothatn nikmoh yima yuhum thu yuhurmottko nom pthayuk mrokfom wany yindhorhato wufakmokomm. Nom nikompno yi tohmohat, memonom, “Rompno ai atohkahnomn, nom tohruha toheft rom htiyakruhamn nd yuhat toh hikrahm.”

Hibru 6:11

Nd dukeft wayakitohkahkomn nd niko newa nefm wana yakitoh hanys-wakomm. Inji na hany inji na hanyrahko nd Bro Nkifrar kfo memohat Jisasr nikmoh bro tohak prisr rhurahr, to mirahko ka yuwi furewur. Nhai. Kfo mifmor, arihat bi nikmoh bro tohak prisr tohwor.

Hibru 10:22

Bi Jisasrn nohhato nd nom hta rafomoa nefm bi rorhu kkutn frwus bowus thumotm. Frwus bowus thumottm bi mong troh bugamonomm. Mong trohhato baftaismonom. Ndnettn nom Bro Nkifrarpno yinyeft be rorrparn duka duka yikfot. Nom Bro Nkifrarpno yinyeft duka kinyaki hany juha. Bro Nkifrarpno brbo ainyom.