Hibru 7:5 - Bro Nkifrarhu Mrokfot

⁵ Lifai frikefthu womm pris hingrneft kakitohwomt. Rroh thfa mntwat kfiwut, “Isrerm yakitohyuk tamoh tamoh wuskam o tamohm tirhus rmonm htahato Bro Nkifrarhu yufathu hayuk wom rmonett prism hekfot.” Nd prismi Isrerm nhai nndo nndo rroh toh nmbuhat. Rroh nkifrar rpa Abrahamrpar. Nd rpa nkifrarhu yon kunyshu tamoh tamoh wuskam tirhus rmonm htahato wom rmonett prism kahukwom. Nhai be sfno inji hekahm. Nhai. Rroh dukefm duka kangm, “Prism Bro Nkifrarhu hingrniwa yimayem.”

Hibru 7:5 Referans Kwoze

Hibru 7:10

Abrahamr ror Lifairoh nkifrar. Ndnettn duka kangnom, Abrahamr yakmo wuskam yak nhtahato wom rmonett Melkisedekr hemohat nhai be sfno inji narmor. Melkisedekrhu yinhitn Abrahamr tohmor. Ndnetrn wom wuskam yak nhtahato hemorr. Lifai frikefthu nkifrayer Abrahamr. Melkisedekr bromohat Abrahamr to tfit rorhu mongko tohyuk Lifai frikeft to be nhai womm brokfot, Melkise-dekrpar bromorm.

Hibru 5:4

Nhai wom yimar bro tohak prisrhu bro hingrneft be turhu fijo tohkahrt. Nhai. Bro Nkifrar Aronr bro tohak pris hingrneft yak htamo kanjo inji kak htewurm bro tohak pris hingrneft tohyuk yimam.