Hibru 4:1 - Bro Nkifrarhu Mrokfot

¹ Bro Nkifrar bi kfomornom rorhu rhu wita nmbuhathu yakneft. Ndnettn nom duka yanohefr-pno rhukfot. Nom wofnkahnom rhu wita tkitt yihato nmoh womr Bro Nkifrar hti hambrakneft.

Hibru 4:1 Referans Kwoze

Hibru 12:15

Yima yuhum aduka hanyswamko. Bro Nkifrar nomn yuhuwafhato Jisasr tkrurafmotrr niamorn minohmor. Ndnettn rorhu tamoh tamoh mrokfom hanyjborna duha. Womr bi Jisasr hikwor tfit womn rorpno yihato ninhu fasoh nefm hanyhato rorpno yihato myak nuhas duha. Inji narahn be nd yimar tfit ninhu nefm rim suhnirahr.

Hibru 4:11

Ndnettn nom ndar yiham nd rhu wita tkitthu yi dukefrn dukahato toh nnfakfot. Tamoh tamoh dukefm o nefm mong trohkfot. Isrerm namo kanjo nd dukefr myafhoni duha.

Hibru 4:9

Nd mrokfom mhti dukahato duka kangnom Bro Nkifrar hikwa yimaroh rhu marnya yihar afo tor riyorhwor.

Hibru 13:7

Bro Nkifrarhu yon kunys tohuka-tohmoa yimam mirahko duka mmonomm. Romn hifa tohhato Bro Nkifrarhu mrokfot kfo pthamotmt wanymokomt. Rom tohmohat be Jisasrn hikhany hik hanyhato be mnohmom. Nhai thu trohrmomr Jisasr. Niko rom Jisasr hikmo hikeft hikkfot.

2 Timoti 2:13

Nom kfoyuk tng yuhat nhai hikrfonomt, ror nhai inji naruhatr. Ror tur kfoyuk tng yuhatn hikrahr. Nom mikfota mkfotarfonom. Ror nhai mikfota mkfotakfot. Nd mrokfot tu kfo mif mif mrokfoyet.

1 Korin 10:12

Ndnettn wom Kristenr kfo kangr, “Nanhu toh nmbuhat awi hifa tohwoyann toh bmtewa.” To ndhtet kfet Kristenr, to tfit mirahr asuha.

Rom thofroh gontwat Porr dwandfakhato htafmot 11:20

Ndt rot Bro Nkifrar inji hingrna twanhomor. Na nhai finji kforhota. Tumn nd gutnius mrokfeft nhai wany yakiormomt. Nd nmbuhatn rom riyak htafhato tfit niko yima tangikomn, nd gutnius mrokfeft wuyakmotkomt rithu nhirakmorko. Ndnettn niko be yakrmehato rhukfot. Mirahko akfo hagrhanom.

Rom thofroh gontwat Porr dwandfakhato htafmot 3:23

Kmi kmi buganom bi fasoh fasoh nefmn kasimotmnom to be Bro Nkifrar frtrohmornom. Nhai nompno brbo niarmoar.

Hibru 12:25

Ndnettn duka marnyakfot. Bingotrhof gnngr yakitoh hanyhato arihat Bro Nkifrarhu mrokfom wany-neft mirahko awany ffi hasonomm. Bingot nmoh nkifram to inji namom. Bro Nkifrar Sainait mirhuhato kfomo mrokfom nhai wany yakiormomm. Turoh nd wany ffi haso nmbuhatn Bro Nkifrar fak tutfa wurasohmorm. Tfit arihat hefenr rhuhato pthewatrm wanukwonomm. Nd mrokfom ror pthiwam nom wany yakio duha rhuneft finji dukewako? Hifa rhurahnom? Be tu nhai mif.

Hibru 3:11

Nd nmbuhatn na namburhato kfo memoyanm, ‘Na tu be kfo mif mifwa, be nhai nanhu rhu wita tkitt nieruhatko.’” Sng 95.7-11

Matyu 24:48

To nd yimar hingrnahany hingrna hanyhato bi bok yiham toh garitihato nd kfo hta tanyuk hingrneft faso faso rihingrna behohaknihato,

Aposer 3:19

Ndnettn nd niko hatohwa fasoh fasoh dukefm mong troh bugahato Jisasrpar tfit nikmoh dukefm htakfot. Inji narahko, Bro Nkifrar htiruharko nikmoh yima yuhum rhuyuk fasoh fasoh nefenm yak wus bowus thu bugarahrm.

2 Korin 6:1

Nom Bro Nkifrar tohnhohato hingrneft yakitohnuhiwanom, bro mrokfot kfiwunomko. Kraisr nohmo yuhatn niko Bro Nkifrar yuhuwafmorko. To tfit mirahko hus dohfn atohnom.

Galesia 5:4

Niko kangko, “Ka boririfhut hikruhanomn Bro Nkifrar yak wus bowusrahrnom.” Nhai. Niko be tukomn boririfhut hikwakomn tfit Kraisr yekwakomr nndo riyak htefiwukomr. Inji newuko Bro Nkifrar nhai hti yuhuwafhato yak marnyaruhatrko.