Hibru 1:9 - Bro Nkifrarhu Mrokfot

⁹ Ninhu toh nmbuhat fasoh fasoh nefm faso hti bebwonm. Tu hifa dborioh nefrpam hti yindhorwonm. Ndnatn tunhu yifem Bro Nkifrar hti yindhorhato kfo memorn, ‘Ninn kingn tohrahn. Kingn tohhato ndar bbiny-softhu wuskam ninn hti yukatohaf hanyruhann yima yuhur yindhorrahrn. Nhai wom yimam ni yakmo rhu nmbuhat o yufat kanjo yakrmom.’” Sng 45.6-7

Hibru 1:9 Referans Kwoze

Galesia 5:22

Yimar Bro Nkifrarhu Yafothat ruhetr htirahnr: Wom yimam hti dukarahrm. Yindhor rifhurpno rhurahr. Wommpno hifa hifa nayak marnyahato rhu marnyarahr. Tamoh mrokfom wanyneft nhai be bmbri kaht kanjo wakuryakhato huttakniruhatr. Hifa hifa yima yuhur womm hmbrerahrm. Wom yimam yak marnya bomar-nyarahrm. Rorhu wiyauyau nmbuhat hifa yau marnyahato kmi thofroh dukefm rorrpar bro dukeft htarahm.

Rom thofroh gontwat Porr dwandfakhato htafmot 15:13

Hifa rhu nmbuhathu yak nmbuhat bi tu Bro Nkifrarn mrokfot kfo htamort. To be nom ndtn dukahato toh gari hasiwunom. Niko nd ror kfo htamo mrokfot duka duka toh gari hasiwatko na kanga tu Bro Nkifrarhu Yafothatn hifa yindhor rifhur ahikahtrko yima yuhum mirhurahmko.

Lukr dwandfamo gutnius mrokfot 4:18

“Nann Bro Nkifrar bi fak htamora wuska duha yimami maruha duha yimaroh hifa dborioh mrokfothu kfo nuhasneft. Ndnatn Bro Nkifrarhu Yafothat nann thu nawohmot. Bi kfo memora, ‘Waikahnn, mrokfot waptha wamitwa, “Niko kalabus tohyukko tmifko wafnahniko. Niko nyinga kunyjetko tfit wayukatohko. Niko yimam yak bebhato yima yuhenm gumuha muhthunitwako, yima yuhum amirhutwamko.”

1 Jon 1:3

Nom htihato wanyuk mro-kfom kangnom akfo nuhaskahtnomko, niko wanyhato nom tohwa toh yuhat rpat tohrahnom. Rpat tohhato nom Bro Nkifrari rorhu yon Jisas Kraisrpno tohwa tohefrpat toh bugarahnom.

1 Pita 1:3

Akfo yindhor boyindhornomr Bro Nkifrar, nmoh Nungothet Jisas Kraisrhu Yifemr. Bro Nkifrar nom yuhuwafhato Jisasr bi nohhato yopt ruhetr tfit kasinyamorr. Jisasr yima nfrir tfit tohhato nfri dborioh rhu nmbuhat he hanitrnom. He hanyhato nom htitwa-nomn nmoh yima yuhum sinyewum Bro Nkifrarparhu yakitohhato hikneft.

Hibru 7:26

Yima Jisasr nmoh bro tohak pris tohneft hifa. Rorn nmoh tamoh nefm yak htarahrm. Rorhu toh nmbuham tu dborioh mifm, tu Bro Nkifrarhu toheft toh hikwor. Nhai ror wom fasoh nmbuham. Rorhu rhu toh nmbuham tu hifa tohefm tohwor, nhai wom fasoh nefm. Ndar bbinysoft ror tohhato nd Bro Nkifrarhu thfa mntwathu mrokfom hanyjbornayet yimampno tohmohat, nhai ror marimor, “Rroh yuhat mitohniruha,” nhai. Ror nndo ror turpar. Rorhu nefm ror turpar. Nd fasoh nefm nayetm rom tum inji. Ndnetrn Bro Nkifrar tu yura hefenr fak htamorr. Tu yura myorhekwa tkitt fak htamorr, tu Bro Nkifrar yorhwa tkittn.

Filipai 2:9

Nd nmbuhatpno Bro Nkifrar tu yura myorhekwa tu bro yufa brot hemorr. Nhai ror yakmo kanjohot yufat wom yimam yakitohkahm.

Efesus 1:3

Bro Nkifrarhu yufat yuta yindhor boyindhorkfot. Bro Nkifrar nmoh Nungothet Jisas Kraisrhu Yifemer. Nmoh toh nmbuhat Kraisrpno nayakitohhato hifa tohwatnom Bro Nkifrar inji htihato nd hefen rifhur yorhwa dborioh dborioh wuskar yak hirahrnom.

1 Korin 1:9

Nd Bro Nkifrar, niko kfo nakuyakhato turhu yon Jisas Kraisr, nmoh Bro Najomr, rorpno rim htamo Bro Nkifrar, awi nmoh bro dukefm ror htakfot. Tamoh mrokfom ror bi kfo ptha htayukm, nhai yi furakahm. Yafothetm korhm.

Jonr dwandfamo gutnius mrokfot 20:17

Jisasr kfo memort, “Mirahn bi ayaktiyanr. Na tafito afo Bro Yifemrpno muhrmoya. Be waikahnn nanhu nmemrom wakfo wamitwanm, na tfit yura muhhato na yifemwa Yifemr yo niko yifemwa Yifemrpno tfit yiruha yo na kfo bruttnewa Bro Nkifrar yo niko kfo bruttnewa Bro Nkifrarpno tfit yiruha.”

Jonr dwandfamo gutnius mrokfot 1:41

Andrur Jisasr htanyhato barkofpam afo turhu najom Saimonr yau hambra-khato kfo memorr, “Nd profetm kfomoa yima Mesaiar bi htitawo-nomr.” Nd Mesaia yufathu yimbu yuhat, Bro Nkifrar yak htiwa yima nrfa hbhakyuk yima Kraisr.

Revelesen 2:15

To be ndnettn wom yimam nikompno tohyukm Nikolasroh mrokfo yuham hikwom.

2 Korin 11:31

Nd Bro Nkifrar, Bro Nungothet Jisasrhu Yifemr, nom nd yura yura kfo yuta hagrhewar, na nd Nkifrar tawisafwora, na kfo hnayuk mrokfom nhai kfo nhehkohanko.

Rom thofroh gontwat Porr dwandfakhato htafmot 12:9

Womm hifa hifa yima yuhumpno yuhuwafwanme, mirahko tngrpaye akfo haddo yindhor furanomm. Fasoh nefm mong trohhato dborioh nefm yakitohkfot.

Aposer 4:27

Ndar kmit to nd neft bi korht. Herotr, Pontius Pailatr, yo wom yima tangim yo tu Isrerm bi rpat nathu hmbritamn kangm ninhu kfo htamo hingrna yima Jisasr awasnomr.

Jonr dwandfamo gutnius mrokfot 3:34

Nd yimar Bro Nkifrar kfo tkrurafetrn ndnatn tu Bro Nkifrarhu mrokfo yuhamn ptha hikwor. Ror mrokfom inji ptha hik bohikwohat to tu Bro Nkifrarhu Yafothar thu dbothat bugayetrn inji ptha hik bohikworm.

Hibru 2:11

Froh frohm Jisasr bi fak wus bowusrm, nd yimami Jisasr bi rpa yifemetem. Jisasr kangr, ayutayanm nmemrom, nhai mrokfom. Bi rpa yifemetmn hti yindhorworm.

Jonr dwandfamo gutnius mrokfot 10:17

Na, na be wofnwa mfha htahato tfit sinyaneft. Ndtpno nanhu Yifemr yindhor mifwora.

Aposer 4:26

Wuri kmirhof kingm wajis bi harhuwom. Kmi kmirhof bro yimam bi rpat rhuhato mrokfom nayak dbkafwomm Bro Nkifrari nmoh nrfa htiyakyuk yimarhu nambur tonineft.’ Sng 2.1-2

Hibru 2:9

Tot wom yimarhu yufat riyorhwot. Nd yimar bbinysoft tohmohat afo mounmotroh yufatpno rorhu yufat ritohtamout. Tfit arihat nohnihato rorhu yufat mfrfnahnihato tohekwot. Nd yimar Jisaser. Nd mounmotroh yufam mfrfnahnimohat duka memor, “Afo bbinysofthu yimaroh tkitt nann yakrhoyantn nohruha. Rroh nohyuk tkitt nann yakrhotant Bro Nkifrar ndt htihato yuhuwafhato yakrahrm.” Ndnetrn Jisasr be tu bro krhopam yakhato nohmor. Nd krhopam ror yakhato nohmom, Bro Nkifrarn thu bmtamotrr ror toh bmtahato nohmor. Kto Bro Nkifrar tfit kasinyamorr. Kasinyafhato bro yufat hemorr.