Hibru 1:8 - Bro Nkifrarhu Mrokfot

⁸ To tawo turhu yonrn kfo memorr, “O Bro Nkifraye, ninn kingn toh nkifranirahn. Ni tohukatohruha kmim tu hifa dborioh nefrpam yak hta bohtarahnm.

Hibru 1:8 Referans Kwoze

Rom thofroh gontwat Porr dwandfakhato htafmot 9:5

Turoh nkifram, Abraham Aisak Jekofrom, Bro Nkifrar fak htamorm. Nd rroh frikef yuhat niayuk mettn nom hbhakyuk yima Kraisr tfit hiyaumotr. Nd yima Kraisr tu yura myorhekwa Nkifrayer. Nd dukeftpno yiha yiha nom rorhu yufat kfo yuta hagrhahany, yuta hagrha hanye, be. Nmoh dukefm to be inji duka hanykfot.

1 Jon 5:20

Bro Nkifrarhu yonr, ror bi niamor. Rorn dukefm kahukrnom. Dukefm yahukatrnom hti yimbu hikwonomr tu Bro Nkifrar. Bro Nkifrari rorhu yon Jisas Kraisrpno frtkafwonom. Jisas Kraisr tu Bro Nkifrayer. Rorn nd toh nkifraniyuk yafothat thu hmbritrnom.

Matyu 1:23

“Wom mett tafi ram duhatt yon fanett rhuruhatn wom yon yindarir hiyaurahtrn yufat yutarahmr Emanuerr.” Ais 7.14 Nd yufathu yimbu yuhat inji, “Bro Nkifrar nompno tohwor.”

1 Korin 15:25

Afo tu Kraisrn king yufat yakhato kingr tohrahr. Kingr tohhato yahrt afo rorn yahot tpohhato rorhu mofsinhitn htarahrm yimam.

Jonr dwandfamo gutnius mrokfot 20:28

Tomasr turhu nyingaye Jisasr htihato kfo memorr, “Ni nanhu Bro Nungothete. Ni nanhu Bro Nkifraye.”

1 Timoti 3:16

Rpa yima yuhuri rpa tngr nom rpat tohhato kfo pthafkfot Bro Nkifrar nom yak nuhasmo tu yafothet mrokfothu mnat. Nd mro-kfothu mnat inji kroht: Tu yima mif that yaknehato, mifak dborhamotr, tuhant yindars htimomr. Ror tu mndohmb yima mifr tohmor. Nhai wom tamoh nefenr rhurmorr. Ndm Bro Nkifrarhu Yafothatn yak nuhasyukem. Mounmotm hti bugamomr. Rorhu mrokfom yimam yaknimomm, kmi kmi kfo ptha habrimomm. Ndar bbinysofthu yimam wany yakiomomr. Bro Nkifrar yura hamuhmorrn, bro yufat hemorr.

Jonr dwandfamo gutnius mrokfot 10:33

Judam sinyahato tfit kfo memomr, “Nom nhai nd ninhu dborioh hingrnefm htihato tahiye frdbofnakfot kfokahnom. Nhai. Tunn kfo yamukatn, ‘Bro Nkifrarhu tkitt ayakant.’ Tot nd yuhatn kangnom, tahiye afrdbofna nohnomn. To ni be yima furann kangn, ‘Tfit Bro Nkifrar kanjo aruha.’”

2 Pita 1:11

Inji nahato nom nrfa htiyakmo bro yima Jisas Kraisr hti yindhorruharnom yakmi-yakrahrnom ror king tohruha kmi hefenr.

Lukr dwandfamo gutnius mrokfot 1:75

Be yiha yiham nanhu yufa yuhat tohruhamn toh marnya bomarnyarahm.’