Hibru 1:6 - Bro Nkifrarhu Mrokfot

⁶ Bro Nkifrarhu nkati yonrpar kfo tkrurafhato ndar bbinysoft yawihna thombat mounmotm kfo mirahrm, “Nd yonrn kfo yuta hagrhakfot.”

Hibru 1:6 Referans Kwoze

Kolosi 1:18

Kraisr tohhato rorhu sioskfot kasinyahato rmon kimor. Turn rmon bis rhuhato kak hta bohtewurt. Kraisr tor tu barkof yimar bi nohetr tfit sinyamor. Tamoh tamohm rorparhu yufatn nyingako htakfot.

Kolosi 1:15

Kraisr Bro Nkifrarhu yoner. Nda nom hti duha yita Nkifrarhu ruheft, to nd Kraisrn fak nhombramort. Kraisr, Bro Nkifrarhu nkati yonrn, to be rorhu yinhitn rhu bugewum tamoh tamohm.

Jonr dwandfamo gutnius mrokfot 1:14

Nd Mrokfor tfit yima yonr kanjo yak dborhanehato nia mitohmor nmoh buha. Bi htimonomt rorhu bro yufati rorhu bbukeft. Nd Yonrpar Bro Yifemrhu yoner. Bro Nkifrarhu tu yuhuwafefti yafothet nef mift tu bro mifwotr.

Revelesen 1:5

Yo Bro Nkifrarhu mrokfom tu kfo hik mifwa yima Jisas Kraisr, ror nhaf ayak marnya bomarnyakahtrko yima yuhum amirhumko. Kraisr tor tu barkof yimar bi nohetr tfit sinyamor. Rorn ndar bbinysoft tohwa kingm mtohekworm. Ror marbit htewurnom. Rorhu kkut kfomot, nom fasoh fasoh nefm ki-hmbremohat frfnahmonom.

Rom thofroh gontwat Porr dwandfakhato htafmot 8:29

Bingot Bro Nkifrar bi hti htamor fitoh yimamn rorhu yonm rhurahm. Inji htihato yufam bi fak nhombra bugamorm. Yufam yak nhombrahato memor, nd nd yimamn turhu yon Kraisrhu toheft ruheft yakruhamn turhu yon Kraisrn brohato rom be nmemen kanjo tohrahm.

1 Jon 4:9

Bro Nkifrarhu dukefr nomn rhumor. Nd dukefetrn nd ror hatohmo rpa yon mifr tkrurafmotrr nda bbinysoft fawihnamor. Nmoh fasoh nefm rorn suh nanyormorm. Suh nanyormotrm to be nmoh tohefti Bro Nkifrarhu toheft bi nhai wom mrokfom rhukahm-nom. To be rorpno toh nkifranirah-nom.

Jonr dwandfamo gutnius mrokfot 1:18

Nhai nom nda bbinysofthu yimanom Bro Nkifrar bi hti nkrirmonomr, be tu nhai mif. Nd tu Bro Nkifrarhu Yonr, ror tu Bro Nkifrarn, tu Yifemrpno toh tany nietrn, rorpno Bro Nkifrarhu ruheft htimonomt.

Hibru 10:5

Ndnatn Jisasr yuhre bbinysoft nia yibon hanyetrn Jisasr sinyahato Bro Nkifrar kfo memorr, “Yeshri mhta hihato tarioh mthamohat nhai hti wofnrmonm. Yemro skurn gbefr nhai wofnrmonr. Inji hti hhrekhato wakfomotn bbinysofthu yimaroh thatipt kanjo fak nhombra-nimoya.

Jonr dwandfamo gutnius mrokfot 3:16

Bro Nkifrar ndar bbinysof thofm be tu mfro marbit hta mifmorm. Ndnetrn nd rorhu rpa yon mifr tuhemorm. Memor, ‘Inji anakahta, fitoh yimam rorn rroh dukefm htemm, be nhai nohruhatm. Nhai. Be inji tahi nrwim kanjo toh nkifranirahm.’

Hibru 1:5

Yimbu yuhat inji korht. Bingot toh hnamo mounmotm nhai Bro Nkifrar womr kfo marimorr, “Ni nanhu yone. Hrek na bi ninhu yifema.” Sng 2.7 Yo nhaft Bro Nkifrar nhai wom mounmotr kfo marimorr, “Ni nanhu yonn rhurahn. Nann yifemruhann.” 2 Sml 7.14 Nhai.

Matyu 24:14

Kingdomkfothu gutnius mrokfot bi ndar bbinysofthu kmi kmim bi frhtfas bugetm ee btn bbinysofthu bati yihar nierahr.”