Filemon 1:4 - Bro Nkifrarhu Mrokfot

^4-5 Wanyakmoya ni Nungothet Jisasrhu dukefrpar rhuhato Bro Nkifrar hiket yimam yakitohwa yuhat. Na inji wanyakhato Bro Nkifrar kfo bruttna yindhorwanr.

Filemon 1:4 Referans Kwoze

Rom thofroh gontwat Porr dwandfakhato htafmot 1:8

Barkof kfo nuhas mrokfot kanga akfo nuhasanko. Wawanyko, kmiya-kmim niko Jisas Kraisr yakitoh kihwa nmbuhat bi kfo ptha htfaswomt. Na ndt wanyhato Bro Nkifrar tu kfo yindhor mifwanr.

Efesus 1:16

Nd ndm wanyakhato na kfo bruttna thombat Bro Nkifrar nikmoh yufam yutahato kfo yindhor-wanr.

2 Timoti 1:3

Nanhu nkifram Bro Nkifrarhu hingrneft yakitohmoahat, tu wutha yima yuhumpno Bro Nkifrarhu hingr-neft fakitohmoumt. Na ndar aposer hingrneft yakitohwohat na tuka yima yuhur kak nhtewanr na nhai wom tamoh nefm o yima yuhu bebm rhukahma na ndar hingrneft yakitoh-wohat. Yiha yiha yifung marm na kfo bruttnaneft na nhai yak trohnikahann ninhu yufat yutaneft Bro Nkifrar kfo yindhorwanr.

2 Tesalonaika 1:3

O, yinouroko, niko Kraisr yakitohwa nmbuhat dukahato yiha yiha nom Bro Nkifrar kfo bruttna yindhorkfot. Niko Kraisr bi mhik trpakni twanhiwukomr. Mhik trpakni-hato tuko nayakitohhato tuko nayak marnya nayak marnyewa nmbuhat bi hifa miyakitohaknitkomt. Ndnettn nom Bro Nkifrar kfo bruttna yindhor-neft nhai mrokfot. Ndt dborioh neft newunom.

1 Tesalonaika 1:2

Niko Bro Nkifrar yakitohwa nmbuhat dukahato yiha yiha Bro Nkifrar kfo yindhorhato kfo bruttne-wunomko.

Kolosi 1:3

No kfo bruttnahato nikmoh yufam yuta thombat, nmoh Nungothet Jisas Kraisrhu Yifemrpno kfo yindhorwo-nonko.

Filipai 1:3

Yiha yiha na nikmoh dukefr yak thoft, Bro Nkifrar kfo yindhorwanr.