Filemon 1:21 - Bro Nkifrarhu Mrokfot

²¹ Awi htita, na kfiwa mrokfom hikrahnm. Ndnatn ndar gontwat wandfiwann. Yo htita, ni Onesimusr-pno naruha nefm, tu dborioh nefm narahnr.

Filemon 1:21 Referans Kwoze

2 Tesalonaika 3:4

Nd nom kfo hayuk mrokfom wany yakiohato hikwatkomm nom inji htihato kangnom, “Awi nd nom kfo hemo mrokfom hikmomm yo tfit gontwat htewa kfo tebos mrokfom hikrahmm.” Nom niko htihato dukewa dukefr Nungothet Jisasrn nd dukefr kahukrnom.

2 Korin 2:3

Nd dukeftpno bi wom gontwat htafmoyant. Memoya afo bi gontwaye kforhotanm bi tumn rhuhato rom nayuk nefm bi yak marnya hasorahmm. Kto na yinyeft, yindhoreftpno rhu hasoruhatm na be mhti yindhorak-niruhanm.

2 Korin 7:16

Nanhu bro dukefr duka kanga ariham niko be dborioh nefrpam na hakurahko, ndnetann na bro yindhoreftpno korhwa.

Galesia 5:10

Nanhu dukeft duka kanga, “Bror fitha yiruhatr rroh yima yuhum nndo yiruham?” Na duka kanga, “Nd rom yorh hasiwa yima yuhum be Kraisrn yak marnya bomarnya-ruhatrm tfit nanhu yima yuhurn mikmbrehato hikrahm.” Nd niko harhuwa yima yuhurparne kangane, “Tamohrn frmmo bomumiwatrko mduka happuktewako?” Nhai mrokfom. Nd niko frmumiwa yimar Bro Nkifrar afo htiwonrahrr.

2 Korin 8:22

Yo tor wom Kristen bratar Taitusrofpno niayukr. Nd yimarhu hingrnefm bi hti nhombramonomr tu mfro hingrneter. Nd yimapenr yima hingrnanhonefm be inji korhr. Rorhu bro dukeft duka kangr niko yak nhafoh mifrahkomt nd maruhat, ndnetrn ror yibonwor niahato hingrnanhoneft.

Rom thofroh gontwat Porr dwandfakhato htafmot 2:19

Yo kamukko, “Nyinga kunyjetm yak nuhasak hanitnomm yimam kshr yakitohhato womm yak nukak hanita kanjo.