Aposer 8:5 - Bro Nkifrarhu Mrokfot

⁵ Filifr yakrmenimohat Samariako yorhwa taunt yimor. Rorn Kraisrhu kfo nuhas mrokfom kfo nuhasmorm.

Aposer 8:5 Referans Kwoze

Aposer 6:5

Nd rom pthamo yima yuhur met yindars ufakmomr. Me-momm, “Nd niko kfiwa yima yuhur hifa pthiwuko.” Ndnetmn Stifenr, tu Bro Nkifrarpno frtkafhato Bro Nkifrarhu Yafothat ruhetr, yo Filifr, Prokorusr, Nikanorr, Timonr, Parme-nasr ee Nikolasr, nd nd yimam fakmom. Nikolasr ror nndo yima tangiroh kmi Antiok thofr. Bro Nkifrarhu rmon mrokfeft riwanyak-hato Bro Nkifrar hikmor. Tfit kto Jisasrhu mrokfeft hikmoatr ndnatn ror rpat fakmomr.

Aposer 21:8

Tfit ndwom marrn Tolemes htanyhato hirhany hirhany Sisariat rim dbkafmonom. Be nom ndharn Filifrhu kunys yimonom. Ndharhof yimam rorn Bro Nkifrarhu mrokfom kfo ptha nuhasmourm. Be rorpno ndha tohmonom. Nd 7-pela yimam aposermpno hingrnanhomoam to ror rroh womr.

Aposer 8:40

Filifr Bro Nkifrarhu Yafothat thu hafunanimottr Asdot mifnahmor. Be ndharhof kmim Jisasrhu mrokfom kfo ptha nuhas habrimorm. Inji yi hanyhato Sisariat mifnahmor.

1 Korin 3:11

Nd kunyrhu hatohyuk buha dany rahur, Jisas Kraisr Bro Nkifrar bi htamor. Ndnettn nhai tfit wom yimar yihato nd kunyrhu hatohyuk rahum tunda thuhato tfit wom rahum yakhato kasinyakfot. Nhai.

1 Korin 1:23

To nom, nom kfo pthewunom Jisas Kraisr bgre mis nohmo yuhat. Ndt kfo pthewunom, Judam wanyhato namburwomnom. Namburhato kfo kangmnom, “Nd mrokfoye kak nnariyefiwokmnom.” Grikm o yima tangim kfo kangmnom, “Mmom kanjo kfo ptha mumiwuko.”

Aposer 5:42

Nd Jisasrhu hingrneft nhai yafhormomt. Yiha yiha rmont yihato Bro Nkifrarhu mrokfom met yindarim kfo ptha nuhasmoumm. Met yindarim kfo nuhas marnya memoumm, “Bro Nkifrar kfo hnamoa yimar tor nd yima Jisasrn kfo hnamour yimaroh minrfa htiyakyukr.”

1 Korin 2:2

Nanhu dukefr duka memoya, “Na Korint tohruha yiham na nhai wom tamoh mrokfom kfo ptharhota. Be Jisas Kraisrhu mrokforpam kfo ptharuha, yo Jisas Kraisr bgre misn nohmo yuhathu mrokforpam kfo ptharuha.”

Aposer 9:20

Nd ror tohmo yihamn Judam rifinymoa rmonm yihato Jisasrhu yufat rikfo nuhasak memourm, “Jisasr tu Bro Nkifrarhu yon mifer.”

Aposer 8:1

Nd yima Stifenr tat nohmo yiharn Jerusalemthu Kristenm yak beb bobebafmotmm fakrme tubatumom. Womm tuha Judiakorhof kmimn fakrmenimom womm Sameria-korhof kmimn. Aposerrpamn tuha Jerusalemt toh hasomom.

Aposer 1:8

Niko inji adukawahko, niko tu Bro Nkifrarhu Yafothat mithu nawoh-ruhattko mrokfo ptha bbuka rifhur yakrahkomr. Nd bbukeft yakniruhakomn, Jerusalem, Judia, Samaria, yo ndar bbinysofthu kmi kmim nanhu mrokfot ptha htfas buga habrirahkomt.”

Aposer 8:6

Filifr mrokfom pthamoahat kmi thofm rom rhu marnyahato wany yakitohmoum ror pthayuk mrokfom. Wonk wonk mirakerm namoatr rom rhu marnyahato htimoumr.

Aposer 8:26

Filifr wom mounmotr yihato kfo memorr, “Wasinyakahnn sautko yorhwa yihotat waiswa. Nd yihotat Jerusalemt mkiomotn yimot Gasako, yima toh duha tkitko nd yihotat korhwot.”

Aposer 8:30

Filifr tonenihato karispno brbo yau hanyhato wanymorr nd yimar profet Aisaiarhu mrokfot htihato ptha hanymour. Filifr sinyahato kfo ttiwonmorr, “Nd ni htihato kfo pthiwa mrokforoh yimbu yuhame ka kekwonm o ka nhai?”