Aposer 8:30 - Bro Nkifrarhu Mrokfot

³⁰ Filifr tonenihato karispno brbo yau hanyhato wanymorr nd yimar profet Aisaiarhu mrokfot htihato ptha hanymour. Filifr sinyahato kfo ttiwonmorr, “Nd ni htihato kfo pthiwa mrokforoh yimbu yuhame ka kekwonm o ka nhai?”

Aposer 8:30 Referans Kwoze

Jonr dwandfamo gutnius mrokfot 5:39

Nikmoh dukeft duka kangko, ‘Bro Nkifrarhu mrokfomn tu toh nkifraniyuk dborioh rhu nmbuhat yak htarahmnom.’ Ndnettn nd mrokfom htitakomn kak nhta bonhtewukomm. To nd mrokfom to nann kfo hik bohikwom.

Efesus 5:17

Mirahko be mmom kanjo tamoh tamoh nefm mtusohnihato amhik fura bofurakninomm. Bro Nungothetrhu dukefr mhti hikak hanyhato hikkfot. Ror finji finji kak htewurn be ror yak htiwa yuhatn hikkfot.

Matyu 15:10

Tfit Jisasr nd met yindarim nakuyakhato kfo memorm, “Nanhu mrokfefm wawany hik marnyatwa-komm.

Matyu 13:23

Nd yewuri tpim tu dborioh bbinysoft sinyahato hirwam, ndt kfomot yimam mrokfot wanyhato wany duka tungunewamn, wom dmm hirwom 100, wom dmm hirwom 60, wom dmm hirwom 30.”

Matyu 13:19

Nd yewuri tpim yihota yau yuhatn misuhwam, ndm kfo nhombramoya yimam hefenrhu kingdomkfothu mrokfot wanyhato yima yuhum yak duha yihato tfit Tndhr niahato nd rroh yima yuhumn Bro Nkifrar htayuk mrokfot yak thuwa yuhat.

1 Korin 14:19

To na sioshu bro lotu rifiny swirm yinyeft, be tirfa mrokfo nmbuha marnyam, tu yimam wany hik marnyiwam, ndrpam kekwa. Kanga wom nndoh yarmumathu yonmari 10 tausen mrokfo nmbuham yakhato kfo pthiruhanm, yimam nhai wanyhato yima yuhum yakruhatm.

Makr dwandfamo gutnius mrokfot 13:14

Jisasr kfo memorm, “Wahtiyaf hanyswako. Bro Nkifrarhu temperrhu kforafet kforafet tkitm bi wom hhrek shrr bi rim yorhtrm nd temperrhu Tahi Yarhr bbnarofakhato fnahnir, to be Judia profins tohyuk yimam mirahm wom atoh hasonom, yura kminysofko ayakrmanyitwam. (Yimar mrokfom htiyukr hti hik marnya hanyhato mrokfo yimbu yuham yakkfot.)

Matyu 24:15

Jisasr kfo memorm, “Wahtitwako, profet Danierr kfomo yak batiyuk shr bebr htirahkomr Bro Nkifrarhu temperrn mtohrahr.” (Yimar Danierr kfoyuk mrokfom htiyukr hti hik marnya hanyhato mrokfo yimbu yuham yakkfot.)

Matyu 13:51

Jisasr disaiperm kfo ttiwon memorm, “Nd kfo nhombriwa mrokforoh yimbu yuhame kekwokomm?” Kfo memomr, “Uwa, kekwonomm.”

Revelesen 13:18

Nd nambakfothu yimbu yuhat be nhai wom yima furar yakruhatrt. Nhai. Nd nambakfot wom yimarhu nambakfoyet ndnettn yimar tu yima duka tunguneter, nd nambak-fothu yimbu yuhat hti nhtahato yak-kfot. Nd yimarhu yufathu nambakfot 666 nambakfoyet.

Aposer 8:27

Be Filifr sinyahato nd mounmotr kfoyuk yihotarn yimor. Yau hanyhato wom Itiopiathu yimar-pno yihom nafurmof. Nd yimar frfuha duhatr. Frfuhaf faktamomr. Itiopiathu kwin met Kandasithu maruham rorn kakitohmourm. Jerusalemko Bro Nkifrarpno kfo tato tanyhato

Jonr dwandfamo gutnius mrokfot 4:34

Jisasr inji wanyaf hanyhato kfo memorm, “Nanhu yeshrim akfo nuhasanko. Nd na tkrurafmo yimarhu dukef yuhatn na be hikhato nd ror kfoyuk hingrnafat afo na hingrna bugakfot. Tot nanhu tu yeshrt.

Aposer 8:5

Filifr yakrmenimohat Samariako yorhwa taunt yimor. Rorn Kraisrhu kfo nuhas mrokfom kfo nuhasmorm.

Aposer 8:29

Bro Nkifrarhu Yafothat yihato Filifr kfo memotr, “Nd yimarhu karispno brbo waikahnn ror ptha hanyuk mrokfom wawany yakitoh hanyswanr.”

Aposer 8:31

Nd yimar sinyahato kfo memor, “Nanrpaya htineft to finji mrokfo mnam yakkfot. Wom yimam akfo nuhasma, awi yakrfoyanm.” Inji kfonihato kfo memorr, “Yuwa muhn karisn.” Be Filifr muhmor karisn.