Aposer 8:10 - Bro Nkifrarhu Mrokfot

¹⁰ Sameriat tohyuk yima fura bofurat, kukent, burent, fitoh fitoh yimat, be rorrparn bro dukeft htamoum. Rroh dukeft duka memom, “Nd nmoh nkifraroh bro bbukeft, tot nd yima Saimonrn.”

Aposer 8:10 Referans Kwoze

Revelesen 13:3

Ka nd kmi yarh yemrorhu wom mfhat ka frtekrmotmt nd mfhat nohmot. Nohmotn ka tfit thu nany-jhomotmt mfenyjwomot. Thu nany-jhomo tkitthu fhu gifarpat rhumot. Ndar bbinysof bugathu yima bugam nd kmi yarh yemrorpno rhumo neft htimohat mrokfo duhatm rhuhato rroh dukefm rorrparn htahato rorn hikmom.

2 Pita 2:2

Nikmoh wom wom Kristenm nd giaman tisam niahato mfrnhehakruhatmm rroh dohr mikmbrirahm. Mikmbriruhamn ijoh tonanyeft yak nuhasrahmm. Nd Kristenm tisa giamanroh dohr mikmbre-hato ijoh tonirahm, be nd tkittn riruh aruhyuk yimam inji htiruhamn mkkirahm manysifm kanjo. Nhai tfit sinyaruhatm Bro Nkifrarhu hikneft.

Efesus 4:14

Inji toh hikrahnom, to be nhai tfit yon mumenm kanjo toh mmoruhatnom. Nhai toh mmo hasohato mfrnhehyuk yimam niahato frnheh bonhehaknehato dohm wifort frhammohato doh mfhar nndo yukatohwa kanjo nndo yak yukatohruhatnom. Nhai.

2 Korin 11:19

Wawanyko. Niko hifa dborioh dukefeteko. Yimam kfoyuk mrokfom kak nhta marnyewukomm. To tfit tamohmpno nd faso faso kfo mmo bammoyetroh mrokfom mfrhamumi-watmko niko be rroh mmo yuhatn mhikaknitako?

1 Korin 1:24

To nd met yindarinom, Bro Nkifrarhu naku tngt wany soneyuknom, nom Judanom yo Griknom htitnom Bro Nkifrar tu bro riduka aduka yima yuhetrn Kraisr bgre mis nohmo yuhat bro bbukeftpno nmoh fasoh fasoh nefm yak thuhato fakmornom.

Aposer 28:6

Hti haso memoum, “Afo htirahnom Porr nandomr yawohat yubtorahr o suhrahr.” To nhai, hti hasoti hti hasoti nhai suhrmor o finji narmor. Inji htihato kfo memom, “Nd yimar ka tahi yifoner.”

Aposer 14:11

Kmi thofm rof hingrnamo hingrna bbukeft htihato turoh Likoniakfotn wakfo nakuyak memom, “Barenko, nkifram yima nyingatikm yak dborha-nehato niem!”