Aposer 6:14 - Bro Nkifrarhu Mrokfot

¹⁴ Nd yima Stifenrparn nhaf kfo memor, ‘Nasaret thof Jisasrn nd nkifra rmont yak tebosohrahrt. Nkifra boririfhut nhaf inji. Yatkt yak tuhaf-ruhartn tfit nfrit yak htarahr.’”

Aposer 6:14 Referans Kwoze

Aposer 21:21

Tfit wom Judam yitamn kfo fura kangmm, ‘Porrn yima tangimpno tohyuk Judam kfo kangrm, “Nd Mosesrhu boririfhu mrokfot wayafho thukomt. Nikmoh yon yindariyenroh tham mirahko apuk thu hanynomm. Yo nkifra yirmoht masat yak hik duha.” ’

Aposer 15:1

Judiako wom yimam toh tanyhato Antiokko yimom. Antiokt yihato ndharhof Kristenm kfo hta memomm, “Mosesrhu boririfhut hikhato tha puk thukfot. Tha puk thu duha rhurahko, Bro Nkifrar nhai yakmiyakruhatrko.”

Galesia 3:23

Kraisrhu gutniuskfot tafi nia duha afo nkifra boririfuhe Bro Nkifrar fak hta bohtamornom. Duka memor, “Boririfhut yakitoh tefi hanykahmn ee kto Kraisrhu gutniuskfot hiruhanm.”

Galesia 3:19

To tamohmpno Bro Nkifrar boririfhu mrokfom hemorm? Tamoh dukeftpno? Nd boririfhut hemohat bi Bro Nkifrar Abrahamrhu frikefthu yak marnya yuhat kfonimorrn ee kto boririfhut htamort. Rorhu dukeft duka memor, “Boririfhu mrokfom ahtakahtanm tamoh nefm yimam naneft tfit boririfhu mrokfeft mhtiyakhato duka mirahm, ‘O art fasoh nefet. Art dborioh nefet.’” Memor, “Nd boririfhutn yakitoh hanyruhamn ee nd Abrahamrpno nnakfo nuhas htamo yima Kraisr nierahr. Nieruharn nd boririfhut rorn riyak htaforahrt.” Nd boririfhut Bro Nkifrar hemot mounmotm kfo nuhasmotr tfit romn Mosesr kfohemomr. Tfit rorn kfo nuhasmornom. Ror be buha tohhato Bro Nkifrarpno mrokfom yakhato nom kfohemornom. Abrahamr nhai wommn Bro Nkifrarpno mrokfom yakhato kfoharimomr. Ror tu Bro Nkifrarn kfohemorr.

Aposer 28:17

Husfirpa marm tohnihato Porr nakumorm Judaroh bro yimam Rom taunt tohmoam. Yi rifinymotm kfo memorm, “Barenko, na asha Romko kalabus hnamohat na nhai nom tunom Judanompno wom tamoh nefm narmoyann o nmoh nkifra boririfhut kfo bebrmotant asha Romt kalabus hnarmoma. Be usha Jerusalemko yakmoma Romroh tirtn hta furamoma.

Jonr dwandfamo gutnius mrokfot 4:21

Mett inji kfomott tfit Jisasr kfo memort, “Bar mete, na kfiwa mrokfom wawany yakionm. Tor wom yihar riyorhwor. Nd yihar nhai ndar kminysofrn yuwa muhhato Bro Yifemr loturuhatkomr o Jerusalemr yihato loturuhatkomr.

Lukr dwandfamo gutnius mrokfot 21:6

“Ndar niko htita wondhet tahi gnat to mirahko ka rhuraht. Wom yiha yimam niahato kafring witarahmm.”

Aposer 26:3

Nom Judanom nmoh toh nmbuham, nmoh yirmoht, tamoh tamoh dukefm ni bi tawisafete. Ndnettn kanga afo rhu wawanyswanm nanhu mrokfom. Mirahn bi ahhreka.

Aposer 25:8

Porr sinyahato kfo memor, “Na nhai wom tamoh neft narmoya. Na nhai Judaroh boririfhu mrokfom faso kformoyanm o Judaroh nkifra rmontn o Sisarn. Nhai.”

Lukr dwandfamo gutnius mrokfot 21:24

Wom tangishofm be yakni hanyhato kalabusn htarahmm. Be wom kmimn niahato rroh wuram yahotrahmt Jerusalem bbinysoft. Be rom nd bbinysoft romn yakitoh hanimtn kto bi Bro Nkifrar kfiwur yak tuhafonefte ee btn thu troh tanyrahmt.”

Makr dwandfamo gutnius mrokfot 14:58

“O nomn wanymonom kfo memor, ‘Bro Nkifrarhu temperr yak tasohruhoyanrn tfit husfirpa yiharpa tfit kasinyaruhanr. Kasinya thoft nhai yima tire hingrnaruhatr.’”

Matyu 26:61

“To ndar yimarn kfo memor, ‘Bro Nkifrarhu temperr yak tasohrhoyanrn tfit husfirpa yiharpa tfit kasinyaruhanr.’”

Jonr dwandfamo gutnius mrokfot 2:19

Inji kfomotm tfit Jisasr kfo wok memorm, “Nda tempert wayak tasohkomt. Watasohkahtkomt tfit nann husfirpa yiharpa kasinyaruhant.”