Aposer 6:10 - Bro Nkifrarhu Mrokfot

¹⁰ Memom, “Ka nomn sinyahato tamoh mrokfom kfo nohafrahnomr Stifenr.” To nhai. Bro Nkifrarhu Yafothar dborioh dukefm hemotrr nhai romrpam ptha nohrmomr.

Aposer 6:10 Referans Kwoze

Lukr dwandfamo gutnius mrokfot 21:15

Mrokfo rifhur nann thu hmbriruhann. Nd kotimyuk yimam nd heyuk mrokfo rifhur kfo hirahnm, be nhai wom finji ptharuhatm.

1 Korin 2:4

Yo na kfoyuk mrokfom yo gutnius mrokfom na kfo pthamom, nhai marimoya duka tungunet yimam kanjo tfit yimayanhu duka tungunefr-pno mrokfom mfro mfro tfit frhik bohikrhotanm mrokfom wanyruhamn yima yuhum yak kekutrahm. Nhai. Mrokfom be inji pthanimoatanm tfit tu Bro Nkifrarhu Yafothatn nikmoh yima yuhum hingrnamotm.

Jonr dwandfamo gutnius mrokfot 7:46

Inji kfo ttiwonakmotmm tfit kfo memomm, “Nhai wom yimar ror pthiwa kanjohot mrokfom kfo pthakahrm. Nhai.”

Lukr dwandfamo gutnius mrokfot 1:17

Rorn nd Iraijar hatohmo yafothat mthu nhombraraht. Ror bi Brorhu nyinga yuhat bi tohak hanyruhatr, nitohfi nitohfim tfit niak marnya hakurahm. Yifemrom yak marnya hakurahmm yinemrom. Rorn nd hanyjbornetroh yima yuhum tfit yak marnyarahrm hifa duka hik marnyetrohm kanjo. Bi rorn met yindariroh yima yuhum bi yak marnya haso hanyruhatrm, ee btn Bror nierahr.”

Aposer 7:51

Stifenr nd kaunserm kfo memorm, “Niko ndar Judaroh kaunserko niko be tu mfro tahisamomko nikmoh yima yuhum. Yimbhindangm kihmnimom. Nhai Bro Nkifrarhu mrokforoh wany-kfot. Bro Nkifrarhu Yafothat kfoyuk mrokfom be tu frtfa thuwokomm tukmoh nkifram nahnamo kanjo.

Aposer 5:39

Bro Nkifrar yima yuhum yahutrm nd hingrneft kasinyemt, nhai nikomn tfit buha mtohhato kfo rafokfot. Inji naneft be yuwi kangko, ‘Bro Nkifrar yak batirnome.’” Gamalier bi inji kfiwure, be wom kaunserm nhai wom ptharmom. Be ror kfoyuk yuhatn hikmom.

Aposer 6:9

To tfit wom kmi thofm sinyahato Stifenr pthayuk mrokfom kfo hanyjbornamomm. Nhai fitoh kmim inji narmom. Judaroh wom rhu rifinyuk rmonr kutamoumr Frimanroh rmonr rifinymoa yimamn kfo hanyj-bornamomr Stifenr. Nd yimam Areksendria thofmi Sairini thofm yo Siristia thofmi Esia thofm rpat nathu hmbrihato Stifenr pthayuk mrokfom kfo hanyjbornamomm.

Aposer 6:11

Ptha nohafmotrm ndnetmn wom yimampno yihato mkfo memomm, “Wakfo wamitwako, ‘Stifenr wanymonomr Mosesri Bro Nkifrar faso faso kfomorf.’”