Aposer 3:19 - Bro Nkifrarhu Mrokfot

¹⁹ Ndnettn nd niko hatohwa fasoh fasoh dukefm mong troh bugahato Jisasrpar tfit nikmoh dukefm htakfot. Inji narahko, Bro Nkifrar htiruharko nikmoh yima yuhum rhuyuk fasoh fasoh nefenm yak wus bowus thu bugarahrm.

Aposer 3:19 Referans Kwoze

Aposer 2:38

Pitar kfo memorm, “Nhai finji. Nikmoh yima yuhum yorhwa fasoh fasoh nefm mong trohkfot. Mong trohhato Jisas Kraisrhu yufatpno baftaiskfot. Inji narahko, nikmoh fasoh fasoh nefm Bro Nkifrar nhai wom dukaruhatrm. Duka mumafhato turhu Yafothat hirahrko.

Matyu 18:3

kfo memorm, “Na kfo mifwanko, nikmoh nefm, tohefm tfit ndar yon kukenenrhu dukefmi tohefm yakhato rhukfot. Inji tohrahko, hefenrhu kingdomkfot fknirahko.

Matyu 13:15

To tamohmpno kfo pthayuk mrokfom nhai wanyhato wom dukefm yakruhatko? Yo yukatohyuk nyingam nhai htiruhatko wom tamohm? Ndt nhai be sfno. Yimaroh yima yuhum nhai wom dborioh dukef duhatem. Wanyuk yimbhindangm bi be, bi kihmnimomm, yo yukatohyuk nyingam bi kunyj kihmomm. Nyingam akunyj duha yimm awi htirfom, yo yimbhindangm akihmni duha yimm awi wanyrfomn yima yuhum yakhato tfit nanpno niarfotm, yak marnyarfoyanm.’ Ais 6.9-10

2 Tesalonaika 1:7

To nd niko hatoh hasiwa krho nmbuhat yak thurahrt. Yak thuhato nhai wom krho yima yuhum rhuruhatm. Be rhu mmorahko. Nikomi nom inji na bugarahrnom. Bro Nungothet Jisasri rorhu tu bbuka nanyjaret mounmotm moun yuhat kah funeftpno yawihneruha yiha, tot nd yiha Bro Nkifrar nd neft narahrt.

Aposer 11:21

Bro Nkifrarhu bbukeft-pno pthamotm bok met yindarim wanyhato rroh fasoh fasoh yima yuhum yafho thuhato Jisasr rihikakmom.

2 Pita 3:8

Bar yinouroko, mirahko ammo-nomt wom nmbuhat. Womm kfo kangm, Jisasrhu yawihna mrokfot nhai dimandikaht. To afo attiwonanko, nikmoh dukefti Bro Nkifrarhu dukefte ka rpat korhf? Na kanga ka nhai. Wahtiko, 1,000 gunyjimm nomn htitwonomm be tu boknabok gunyji-mem. Nmoh nyingaye hti yukitwo-nomm. Tfit Bro Nkifrarhu htiyeft htitworm nd 1,000 gunyjimm rpa yihar kanjo. Yo rpa yihar nhaf inji. Nom hti brbohwonomr, tfit rorn nd rpa yihar tfit 1,000 gunyjimm kanjo htitworr. Nmoh dukeft kangnom Jisasr bmbri aniar. Bro Nkifrarhu dukeft htitwor yimamn. Ror nhai wofnkahr wom yimar o mett kaht yinyeft. Rorhu dukeft kangr, yuht bbinysofthu met yindarim yima yuhu ayak kekut bugam afo. Rroh garineftn kot tohyuk yiham yukitm afo.

Aposer 28:27

To tamohmpno nhai wany sakriruhatm, o nhai htiruhatm? Nd yimaroh yima yuhum nhai wom dborioh dukef duhatem. Wanyuk yimbhindangm bi be, bi kihmnimomm yo yukatohyuk nyingam bi kunyj kihmomm. Inji ana duhat yima to nyingam yukatohrfomm, yimbhindangm yima mrokfom wanyrfomm, yima yuhum dborioh dukefetm rhurfom. Dborioh dukefetm rhuhato yima yuhum yak kekuthato nanpno tfit niarfom. Niarfotm na yak marnyarfoyanm.’ Ais 6.9-10

1 Pita 2:25

Sifsifm kanjo frfnah wurasoh-hato fau mmo bammo htfasmoko. Tfit arihatn sifsif tohukatohwa yimarpno bi tfit nia tohwoko.

2 Tesalonaika 1:10

Nd Bro Nkifrarhu bro yiharn Jisasr niahato nd ror hiket yimam kfo yindhorhato bro yufat hirahmr. Niko to inji buga yindhor nhorahkomm. Bro Nkifrar nompno hingrnamo hingrneft, nom nikmoha yi pthamohat, wufak marnya-mokomt. Ndnettn yindhornhorahkomm.

Aposer 11:18

Pitar bi inji kfiwure, be nd nambur hasomo yimam nhai tfit wom nam-burrmom. Tfit Bro Nkifrar kfo yindhor-hato kfo memom, “Be, arihat bi htitwonom Bro Nkifrar wom wom kmim bi kukatohworm. Yima yuhu yak kekuthato toh nkifrayuk yihotat bi kak nukak kahukrm. Arihat bi yihotetem.”

Lukr dwandfamo gutnius mrokfot 1:16

Rorn nd Isrer yon kunys tfit yakruharm, tfit turoh Nkifra Yawerpno yak htarahrm.

Rom thofroh gontwat Porr dwandfakhato htafmot 11:25

Bar yinouroko, nikmoh dukeft duka kangko, “Bro Nkifrar nhai Judam bi wom yak marnyakahrm, bi nom yima tangirpanom kak marnyewur.” To Bro Nkifrarhu yima yuhur, kafrohetr yorhwar, niko nhai htikahkomr. Bro Nkifrarhu kafrohet yima yuhur inji korhr: Nd Isrerm Bro Nkifrar mong trohwa nmbuhat, ndt tukfot kfiwuko. To afo wawanyko. Nd Isrerm be inji afo nndo toh tefi hanyruhamn kto nd yima tangim Kraisr hikwam bi nd tur dukayuk thomnafat fekme ee tfit Bro Nkifrar Isrerm rithu nhirakrahrm.

Aposer 17:26

Rpa nkifrarpar hingrnamotrr rorpno yimam dborhamom. Dborhahato nda bbinysoft yifammanimomt. Yimam tohyuk yiham turn kfo htahato nda bbinysofthu tkitm fak nhta nhom-brahemorm.

Aposer 15:3

Nd sios kfomo yimam be yimom. Fonesia, Sameria yuhat inji yihato nd yuhathu kmiroh Kristenm kfo nuhas hany memomm, “Yima tangim be bi Bro Nkifrar kakitohwom.” Nd mrokfom kfo nuhas hanymotmm kmim wany hanyhato yindhormom.

Aposer 3:21

Afo yura hefenrn korhwor. Profetm kfomo yuhatn bi tamoh tamohroh yak wus bowus yihayere ee btn yawihnerahr.

Aposer 1:6

Aposerm Jisasrpno narhu rifinymohat aposerm sinyahato Jisasr wom ttiwon mrokfot kfo ttiwon memomr, “Bro Yimaye, ka asor ndar yiharn Isrerm thu bmtaruhatnm bbukeft yakhato tum king yakhato tum ritohakrahm?”

Revelesen 21:4

Rroh nur nyingam rorn yak thurahrm. Yimam be nhai wom nohruhatm o nhai wom nurhato yima noh bb kunys rhuruhatm o nhai wom penkfot yakruhatm. Nd bingot rhumo ruheft nhai wom tfit rhuruhatt.”

2 Timoti 2:25

Ninn tfit nd mrokfo hanyjbornet yimam yakhato kfo yima boyima marnyakfot. Ni inji narahnm, ka Bro Nkifrar rroh yima yuhum yak kekut-rahrm. Yima yuhum yak kekutruhamn Bro Nkifrarhu tu yafothet mrokfot nd yiha hti dukarahmt.

Aposer 3:20

Yima yuhum wutham rhurahmko Bror tfit nfri bbukeft hirahrko. Rhu marnya hasetkomn nd niko nia yakyuk yimar nierahr. Bro Nkifrar fak htamorr nd yimar. Rorhu yufat Jisasr.

Hibru 4:1

Bro Nkifrar bi kfomornom rorhu rhu wita nmbuhathu yakneft. Ndnettn nom duka yanohefr-pno rhukfot. Nom wofnkahnom rhu wita tkitt yihato nmoh womr Bro Nkifrar hti hambrakneft.

Lukr dwandfamo gutnius mrokfot 22:57

Pitar kfo namhi memor, “Bare, nann yari yutewun. Na nhai tawisafkahanr.”