Aposer 28:8 - Bro Nkifrarhu Mrokfot

⁸ Publiusrhu yifemr dbohnefti rikmbuheft yakmottr rhumour. Porr yihato kfo bruttnamorr yo tir htahato fak marnyamorr.

Aposer 28:8 Referans Kwoze

Aposer 9:40

Nd rifinymo met yindars Pitar yak tuhaf bugamormn turpar nd mettpno rim bangu yuknahato Bro Nkifrar wunakuhato nd yima gushu yufat nakumor, “Tabita wasinya.” Tabitathu nyingam mfrdborhahato mfukatoh fnahmotm. Pitar rihtihato wasinyamot. Wasinyahato rhumot.

Makr dwandfamo gutnius mrokfot 6:5

Be nd dukeftpno nhai turhu kmit tamohtet mirakerkfom hingrnarmotr htirmomm. Be inji rpa rpa dbohnet yimarpam tirt htahato fak marnyanimorm.

Makr dwandfamo gutnius mrokfot 16:18

Yima waset nandom nehum tire yak hakurahmm. Foret yeshrim yerahmm be nhai finji naruhatm. Be fipa duhatm rhu hakurahm. Dbohnet yimam rom tir htarahmm be marnyani hakurahm. Nd nd nefm yimam htiruhamn mirahm, tu Bro Nkifrarhu bbukeftpno hingrnewum.”

Matyu 9:18

Jisasr yuhre Jonrhu disaipermpno ptha hanyetrn, wom ofisar yauyak-nimorn Jisasrpno mtabokmehato kfo memorr, “Nanhu yont asomif bi fnoht. To ninn wai tir wahtakahtnt yafothat tfit mthu nawohrahtt.”

1 Korin 12:28

Bro Nkifrar nndohtet nndohtet hingrnefm yakitohet met yindarim sios hta nhombramorm. Barkofm aposerm htamor. Yo tfit rompno Bro Nkifrar hayuk mrokfom kfo pthayukm htamorm. Yo tfit rompnonwe Bro Nkifrarhu mrokfo mna yuharoh kfo nuhas hik bohik marnyayuk yimam htamorm. Ee btn miraker hingrnayuk yimam htamorm. Yo dbohnefroh yak marnyayuk yimam, yo wom yimaroh hti dukayuk yimam, sios hingrnefroh yak nhtahato kfo hta bohtayuk yimam, yo nndohtet nndohtet yarmumaye kfo bruttnayuk yimam htamorm.

1 Korin 12:9

Yo tfit womr nhaf nd rpa Yafotharpat kasinya hakuttr Bro Nkifrarpar rorhu bro dukefm yinyeft. Tfit nd rpa Yafotharpat womr kasiny hakuttr dbohnefroh yak marnyaneft.

Matyu 10:8

Waikah-komm dbohnet yimam wayak marnyatwakomm, noheh yimam wakasinyatwakomm, lepra dbohnefetm wayak wus bowustwakomm, kmi yarhm hatohet yimam kmi yarhm wayak thutwakomm. Nd yima yak marnyayuk yafothar be he furiwanko, ndnatn niko yimam tamoh nefm finji naneft mirahko tfit maruha ayaknomm.

Matyu 10:1

Jisasr turhu disaiperm kfakhato niamotm, hemorm dbohnet yimami kmi yarh fknayet yimaroh yak marnyayuk yafothar.

Lukr dwandfamo gutnius mrokfot 13:13

Inji kfoni hanyhato tirt htamort. Tirt htamorte be yudbat nd dbohneft thu troh tanymott. Nd rhu waswok hasoyuk mett be tfit rhu susnamot. Rhu susnahato Bro Nkifrarko kfo yindhor boyindhormotr.

Lukr dwandfamo gutnius mrokfot 4:40

Marr bi yohni hanyetrn, fitoh yimaroh yimatm womhtet womhtet dbohnefm yak hanyetm hne hna hanymomm Jisasrpno. Jisasrpno hnamoatmm, tir htaf hanymoatrm, marnyani hanymoum.

Makr dwandfamo gutnius mrokfot 7:32

Galilit bi mfnahetrn wom yimar hnamomr. Nd yimarhu yimbhindangm kihmnimomr yo pthanefm nhai ptha marnyarmoar. Nd yimar hnehato Jisasr ttiwonmomr nd yimarhu tir htaneft.

Makr dwandfamo gutnius mrokfot 5:23

Mtabokmehato kfo memor, “Nanhu yont noh wururifhut kekwott. Wania tir wahtakahtnt marnyaniraht.”

Matyu 12:13

Inji kfonihato nd tir gram tip behohet yimar kfo memorr, “Tir gram tipt wathu susnant.” Thu susnamotrt marnyanimotr.

Aposer 28:7

Nd kmitpno brbo rhuyuk bbinysof nmbuhat kmithu bro yima Publiusrhu bbinysof nmbuhayet. Nd yima Publiusr rorhu kmifako hanymornom rorpno husfirpa marm tohmonom.

Aposer 28:9

Inji namotr wom dbohnet yimam inji htihato yi hanymoatm fak marnyafo hanymourm.