Aposer 20:18 - Bro Nkifrarhu Mrokfot

¹⁸ Yimotm kfo memorm, “Na barkof yiha Esia profins yimohat niko tukmoh nyingaye htimoko na nikompno tohhato namo nefm.

Aposer 20:18 Referans Kwoze

Aposer 19:1

Apolosr Korint tohmohat Porr afo yuhre yura kminy-sofroh kmimn afo fauhnamor. Ktone Efesus mifnahmor. Efesusn Kristen yimam mihtimor.

Aposer 18:19

Akwila sawohf rpat Porrpno yihato Efesus mdbkafmom. Ndhar Akwila sawohf htanymorf. Turpar Judaroh rhu rifinyuk rmont fknenimorn Judampno nakfo pthamom.

Aposer 19:10

Be inji na hanysn inji na hanysn hus gunyjimf kur spohmof. Porr inji hingrnahato Esia profinsroh Judami Grikm Brorhu mrokfot rpat wany bugamomt.

2 Timoti 3:10

To ni Timotin, ni bi nanpno toh hnehato na kfo hta nuhasyuk mrokfom bi fakmonm. Nanhu yau nmbuham, yo nanhu riduka aduka yima yuhur bi fakmonr. Yo Bro Nkifrar hikhato rorpno frtkafhato wom Kristenmpno rpat tohhato nayak marnyamoahat, ndm hti bugamonm. Na Antiok, Aikoniam, Listra nd nd kmim toh hnehato yimam yak beb-moahat htimona. Yo nd na titamoa yonmari yonmari krhopam ni hti buga bobugamonm. To finji htimona? Yakrmehato hingrneft mfak htani-moyant? Nhai. Na tohhato mrokfot kfo pthamoant. Nd yimam hemoa krhopam, tu Bro Nkifrar toh rafohato fak thumourm.

2 Korin 1:12

Nanhu toh nmbuhat yo nanhu nefm nikompno tohhato niwam ridukak thombat, nanhu yima yuhur nhai finji duka yimtnakahr o duka krhokahr. Nhai. Bro Nkifrar yak hta bohtamotra nanhu toh nmbuhat be yi marnya mifmot. Nhai wom beb nmbuhat nikompno htarmoyant. Bro Nkifrar yuhuwafhato hemora ndhtet ruhefthu rhuyuk rhu dukeft. Nhai ndar bbinysofthu yimaroh rhu dukeft hikrmoya. Nd Bro Nkifrar heyuk nefmpno nikompno yo ndar bbinysofthu yimampno toh hnamoya. Ndnetann nanhu yima yuhur nhai finji duka yimtnakahr o duka krhokahr. Nhai. Nanhu yima yuhur be yindhorwor.

Aposer 20:4

Beria thof Pirusrhu yon Sopater, Tesalonaika thof Aristakusri Sekundusr, Derbe thof Gaiusr, Esia korhof Tikikusri Trofimusr ee Timotir, nd nd yimam hikmomr Porr Filipaiko.

Aposer 20:16

Porr bro Pentikos yihar mdukakmorn ndnetrn Efesus hir hagrotnimortn Miletus midbkafmor. Duka memor, “Nhai Esia profins awi kanga hatohrhota. Bi tuha Jerusalemt rhuhato Pentikos yihar rhuneft hifa.”