Aposer 20:12 - Bro Nkifrarhu Mrokfot

¹² Nd misuhmo yima damiagr tfit myenyjwomotr yima yuhum marnyanihato yimom.

Aposer 20:12 Referans Kwoze

2 Tesalonaika 2:16

Nom kfo bruttna kangnom nmoh Nungothet Jisas Kraisri Bro Nkifrar, nmoh Bro Yifemr, dukefm ahekahrko athu bmtarko. Inji ana-kahtrko tamoh nefm naneft hifa hifa narahkomm yo mrokfo pthaneft ptha marnyarahko. Yo nom tohwa toheft htitartn hti yindhorwornom. Yo hti yuhuwafwornom. Yuhuwafhato nmoh yima yuhum yiha yiha thu bmte-wurnom. Ndnetnomn Jisasr toh gari kangnom, yakniruharnom be rorpno mtoh nkifranirahnom.

1 Tesalonaika 5:14

Bar yinouroko, kangnom, wom yima yuhum ahenomko. Wom Kristenm rhu hhrek hasohato nhai turoh rhu nmbuhat dukahato turoh hingrnefm hingrnakahmm, yihato mrokfom hekfot. Yo Yimam boknambok dukefm kasi htatewatmm bok dukefmpno yima yuhum gumuhatewumm, niko yihato rhu wanyhekfot. Rhu wanyhehato hifa yima yuhum hehato hifa yima yuhum yakhato yima yuhum mirhu-rahmm. Yimam Bro Nkifrar hik hanyhato wom nmbuham krhopam yakhato kfo nakutmko, niko yihato rroh krhopam wanyhato kfo hta mrokfom hekfot. Yo wom yimampno yudbat sinyahato namburakni duha.

2 Korin 1:4

Tamoh tamoh krhopam nom yakneft rorn nmoh yima yuhum kak marnyewurm. Ndnettn tfit womm tamoh krhopam-pno rhuneft, nomn yihato nd yimam-pno rhuhato kfo yima boyima marnya-hato nd rom haruh hasoyuk krho yima yuhum thu jubtwarahmm.

1 Tesalonaika 5:11

Ndnettn Bro Nkifrar hiket met yindariko, niko tuko rpat tohhato tuko nakfo bmta, nakfo bmta hasokfot.

1 Tesalonaika 4:18

Ndar wandfewa mrokfom yakhato nakfohi hanykah-komn yima yuhum tfit marnyarahmko.

1 Tesalonaika 3:2

Timotirne Tesalonaikako riyahr. Nd yima Timotir, nmoh hingrna namnou yimayer. Bro Nkifrarhu hingrnafat ror yakitohwartn Kraisrhu gutnius mrokfom kfo ptha nuhas htfasworm. Niko Bro Nkifrar hikwa yuhatpno tamoh krhopam o yima yuhum korhmko, rorn nikompno rhuhato wom dukefm o yima yuhum hiruhatrko yima yuhum thu jubtwa-rahmko.

Efesus 6:22

Rorn nikompno nieruharn tndh hik bohik nuhasrahrko nom yorhwa ruheft. Kfo nuhasruhatrko yima yuhum bmtarahmko.

Aposer 20:11

Inji kfonimormn be tfit tum rhu tanyuk rumr muh mrhumorn bretpam yak mkumormn famomm. Ror pthamo mrokfom nhai be brboh mrokfom ptharmor. Yifungr ptha nitremorr. Nitrenimott be Porr ptha tmbhonihato yimor.

Aposer 20:13

Ndha Troasn nom bi sift yakni hanyhato nom bi Asos mgari haso hanymonom. Memonom, “Ndha Porr kmbrenirahnomr.” Bi kfo memornom, “Na yihotat yirhoyann Asos ndha wakmbrenitwokma.”